Мэргэжлийн холимог тулааны зартай эрчүүдийн нэг Конор МакГрегор зодог тайлж буйгаа өнөөдөр/2020.06.07/ өөрийн твиттер хуудсаараа дамжуулан мэдэгдлээ. Тэрбээр "Залуусаа би тулаанаас зодог тайлахаар шийдлээ. Гайхалтай дурсамж бүтээлцсэнд баярлалаа. Ямар гайхалтай байв аа" хэмээн жиргэжээ.

Hey guys I’ve decided to retire from fighting.
Thank you all for the amazing memories! What a ride it’s been!
Here is a picture of myself and my mother in Las Vegas post one of my World title wins!
Pick the home of your dreams Mags I love you!
Whatever you desire it’s yours ❤️ pic.twitter.com/Dh4ijsZacZ

— Conor McGregor (@TheNotoriousMMA) June 7, 2020

UFC холбооны хоёр жингийн аваргын бүсийг эзэмшиж байсан Ирланд тулаанч маань ийнхүү нэг бус удаагаа зодог тайллаа. Тэрбээр анх 2016 оны дөрөвдүгээр сард UFC 196 өдөрлөг дээр Нэйт Диазад ялагдсаныхаа дараа зодог тайлж буйгаа зарласан бол дараа нь 2019 оны гуравдугаар сард UFC 229 өдөрлөг дээр Хабиб Нурмагомедовт ялагдсаныхаа дараа мөн зодог тайлах шийдвэрээ гаргасан билээ.

Конор МакГрегорын зарласан бүхий л зодог тайлах шийдвэрүүд богино настай байдаг. Анх зодог тайлснаасаа удалгүй октагондоо эргэн ирж Нэйт Диазтай дахин тулаан хийсэн бол хоёрдахь удаагаа эргэн ирэхдээ UFC 246 өдөрлөг дээр Дональд Серронетой тулалдаж 40 секундын дотор ялалт байгуулсан.

Ямартай ч түүний гуравдахь удаагийн зодог тайлах шийдвэр хэр үнэний ортой байхыг цаг хугацаа л харуулах биз ээ.