Өмнөд Солонгосын хамгийн том компани “Samsung”-ийн өв залгамжлагч И Жэ Ёныг баривчлах шийдвэрийг тус улсын прокурорын газраас гаргасан талаар Ройтерс агентлаг мэдээлжээ.

Түүнийг 2015 онд компанийг удирдах эрхийг өөртөө авахын тулд санхүүгийн тайлан тооцоог хуурамчаар үйлдсэн, компанийн хувьцааны үнийг хянахын тулд аудитын дүгнэлтийг өөрчилсөн гэж буруутгаж байгаа юм байна. Сөүлийн Төв дүүргийн шүүх прокурорын хүсэлтийг энэ сарын 8-нд хэлэлцэхээр болжээ.

Тэрбээр 2017 онд авлига болон хөрөнгө шамшигдуулсан хэргээр ял сонсч байсан ба нэг жил хоригдоод 2018 онд суллагдсан юм.

Өдгөө 51 настай И Жэ Ён бол “Samsung” группийн ерөнхийлөгч И Кун Хэгийн том хүү бөгөөд энэ группийн өв залгамжлагч юм. Эцэг нь 2014 оноос эхлэн хэвтэрт байгаа учир тэрбээр компаниа удирдаж байгаа билээ.

Эх сурвалж: REUTERS