Андройд гар утсыг гацаадаг дэлгэцний зургийг илрүүлжээ | News.MN

Андройд гар утсыг гацаадаг дэлгэцний зургийг илрүүлжээ

Андройд гар утсыг гацаадаг дэлгэцний зургийг илрүүлжээ

Андройд гар утсыг гацаадаг дэлгэцний зургийг илрүүлжээ

Хэрэглэгчид андройд үйлдлийн системтэй гар утсыг гацаадаг дэлгэцний зургийг илрүүлжээ. Энэхүү зургийг дэлгэц дээрээ тохируулахад андройд систтемтэй утасны үйл ажиллагаа доголдож байгааг тэд анзаарсан байна. "Samsung” болон "Google”-ийн "Pixel” брэндийн гар утсуудад энэ доголдол илэрчээ. Харин "Huawei 20 Pro” загварын гар утсанд нөлөөлөөгүй байна.

Энэ зураг таны андройд гар утсыг гацааж болзошгүй

Тодруулбал, энэ зургийг дэлгэцний зургаараа сонгосны дараа гар утасны дэлгэц анивчиж эхэлдэг бөгөөд “factory reset” буюу анх үйлдвэрээс гарсан шиг болгож, бүх тохиргоог нь анхных дээр нь тохируулан, унтрааж асаахаас нааш засрахгүй байгаа аж. Өөрөөр хэлбэл, тухайн гар утсан дээр байгаа таны хадгалсан бүхий л файл устаж, байхгүй болно гэсэн үг юм. “Samsung” компани ийм алдааг залруулсан системийн хувилбарыг зургадугаар сарын 11-нд гаргахаа мэдэгдсэн байна.

Одоогоор уг зураг ямар шалтгаанаар гар утсыг доголдуулж байгааг хэн ч тайлбарлаж чадахгүй байгаа ба зарим мэргэжилтнүүд андройд систем тухайн зургийг хамгийн сайн дүрслэлтэй дэлгэцэнд гаргах гэж шинжилгээ хийх үеэрээ өнгөний өгөгдлийг нь танихгүй будилж байж болзошгүй гэсэн байна.

Хэдхэн секундын бичлэг, эсвэл ганц зураг гар утсыг гацаах, үйл ажиллагааг нь доголдуулах тохиолдол үүнээс өмнө хэд хэдэн удаа гарч байжээ. Хэдэн жилийн өмнө “iOS 13” үйлдлийн системийг гацаадаг таван секундын видео бичлэг тарж, олон мянган хэрэглэгчийг бухимдуулж байсан удаатай.

Эх сурвалж: The Verge, BBC

Энэ мэдээнд өгөх таны сэтгэгдэл?
4
ХахаХаха
3
ТэнэглэлТэнэглэл
1
ХөөрхөнХөөрхөн
0
ЗөвЗөв
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Бат 2020-06-05 68.100.237.110

Эндройд гэж бичиж , хэлэх ёстой болуу , Англи хэлэнд А үсэг байхгүй шүүдээ .

Avatar

Зочин 2020-06-05 88.18.94.219

минийх гацахгүй байна.худлаа битгий солиор

Avatar

1234546 2020-06-05 49.0.212.127

Улаан Xятадын суртал ухуулга

NewsMN Гар утасны хувилбар Татах
NEWS.mn

Мэдээллийн эх сурвалж