Яармагийн түр гүүрийг засварлаж дууслаа | News.MN - Мэдээллийн эх сурвалж

Яармагийн түр гүүрийг засварлаж дууслаа

Хуучирсан мэдээ: 2015.12.22-нд нийтлэгдсэн

Яармагийн түр гүүрийг засварлаж дууслаа

Энэ сарын 02-ны өдөр Яармагийн түр гүүрэн дээр “Эрдэм транс” ХХК-ийн Hyundai Aerocity автобус, "Алтай констракшн" ХХК-ийн  Kia Bongo автомашинтай мөргөлдөж осол гаргасан. Зам тээврийн ослоос болж 7 хүн гэмтэж,  гүүрийн давхар босоо даацын панелийн нэг панель бүрэн эвдэрсэн юм. 

Мэргэжлийн Хяналтын ерөнхий газрын дүгнэлтийн дагуу гүүрийг түр хугацаанд хааж, засварын ажлыг эхлүүлсэн. Тус гүүрийг засварлаж дууссан бөгөөд өчигдөр хөдөлгөөнийг нээв. Одоогоор ослын шалтгаан болон буруутай этгээдийг тогтоохоор цагдаагийн байгууллага ажиллаж байгаа юм. Замын хөдөлгөөний аюулгүй байдлыг хангах тухай хуулийн дагуу Яармагийн түр гүүрийн засварын ажилд зарцуулсан хөрөнгийг буруутай этгээдээр нөхөн төлүүлнэ.

ЭХ СУРВАЛЖ: НИЙСЛЭЛИЙН ЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

MGL 2015-12-22 122.201.26.171

Энэ гүүрэн дээр миний бүтэн сар түгжирч шатаасан шатахууны хохирол, бүтэн урсгал хаасны улмаас авто зам ачааллаа дийлэхийг байж хажуугийн машин хаалгыг маань ширгэсний хохирлыг хэн төлөх вэ?