Цэргийн үүрэгтэн, бэлтгэл офицеруудын бүртгэл эхэлнэ | News.MN - Мэдээллийн эх сурвалж

Цэргийн үүрэгтэн, бэлтгэл офицеруудын бүртгэл эхэлнэ

Хуучирсан мэдээ: 2015.12.22-нд нийтлэгдсэн

Цэргийн үүрэгтэн, бэлтгэл офицеруудын бүртгэл эхэлнэ

Нийслэлийн Засаг даргын захирамжийн дагуу нийслэлийн хэмжээнд цэргийн үүрэгтэн, бэлтгэл офицеруудын бүртгэлийг 2016 оны 01 сарын 06-ны өдрөөс 01 сарын 24-ний өдөр хүртэлх хугацаанд зохион байгуулна. Цэргийн үүрэгтэн, бэлтгэл офицеруудын 2016 оны бүртгэлийн ажлыг удирдан зохион байгуулах ажлын хэсгийн даргаар нийслэлийн Засаг даргын Тамгын газрын дарга Ё.Гэрэлчулуун ажиллана.

Нийслэлийн Ажлын хэсэг, дүүргүүдийн Засаг дарга нарт дараахь ажлыг үүрэг болгосон юм. Үүнд:

  • Дүүрэг, хороодод цэргийн бүртгэлийн ажлыг хүн амын тоо бүртгэлтэй нягт уялдуулан зохион байгуулж, гишүүдийн ажил үүргийн хуваарийг тогтоон, бүртгэл явуулахад шаардлагатай автомашин, ажлын байр, хүн хүчийг гарган ажиллуулах
  • Цэргийн үүрэгтэн, бэлтгэл офицеруудын бүртгэлийн ажлыг Засаг захиргааны анхан шатны нэгж, хороон дээр төвлөрүүлэн зохион байгуулж, албан тушаалтнуудад холбогдох хууль тогтоомж, цэргийн тоо бүртгэлийг зохион  байгуулах журмын талаар сургалт, семинар зохион байгуулж, шаардлагатай гарын авлага, материалаар ханган, тоо бүртгэлийн ажилд хяналт тавин ажиллах
  • Цэргийн тоо бүртгэлийг зохион байгуулахтай холбогдуулан иргэд, цэргийн үүрэгтнүүдэд Монгол Улсын иргэний цэргийн үүргийн болонцэргийн албан хаагчийн эрх зүйн байдлын тухай хууль, бусад холбогдох хууль,  эрх зүйн  баримт бичгүүдийг хэвлэл мэдээллийн хэрэгслээр сурталчлах, тайлбарлан таниулах ажлыг шуурхай зохион байгуулах
  • Тоо бүртгэлээс зайлсхийгчид, завсардагчдыг эрэн сурвалжилж, бүртгэлд хамруулах ажилд цагдаагийн байгууллага, иргэний бүртгэл мэдээллийн ажилтнууд  болон холбогдох албан тушаалтнуудыг татан оролцуулж, тоо бүртгэлийн журам  зөрчигчдөд хуулийн дагуу хариуцлага тооцон ажиллах
  • Дүүргүүд цэргийн үүрэгтэн, бэлтгэл офицеруудын бүртгэлийг явуулсан тухай мэдээ,  тайлан, судалгааг 2016 оны 01 дүгээр сарын 27-ны өдрийн дотор Цэргийн үүрэгтэн, бэлтгэл офицеруудын 2016 оны бүртгэлийн ажлыг удирдан зохион байгуулах нийслэлийн Ажлын хэсэгт ирүүлэх

Цэргийн тоо бүртгэлийн явц, чанар, цэргийн үүрэгтнүүдийн хамралтад хяналт тавин ажиллаж, 2016 оны 02 дугаар сарын 01-ний өдрийн дотор мэдээ, судалгаа, тайланг нэгтгэн танилцуулж, Батлан хамгаалах яам болон Зэвсэгт хүчний Жанжин штабт хүргүүлэхийг Нийслэлийн Засаг даргын Тамгын газрын Цэргийн штабт даалгав.

ЭХ СУРВАЛЖ: НИЙСЛЭЛИЙН ЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС

 

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2015-12-22 122.201.22.46

Бид бүх зүйлийг цахим болгоод, харин цаанаа нэг хувь хэвлэж архивлаж байх нь хамгийн зөв ажил шүү. Барууны бүх улсууд цахимаар бүхий л бичиг баримт, бүртгэлийн ажлаа явуулдаг. Тэд асар их еврог хэмнэж байгаагаа ч зарладаг. Манайд баг, сум, хороо, дүүрэг, улсын бүртгэл гээд, дээрээс нь архивын газар өөр олон шат дамжлагатай хүний цагыг барсан, татвар төлөгч нараар тэжээлгэсэн л албатууд их байх юм даа. Орчин үед технологи, сүлжээ, цахим хөгжсөн энэ үед 1000 төгрөгийн олон машин хэрэгтэй. Очихоор л нөгөө соци үед л байсан бүртгэлийн дэвтэр, хавтас гээд том том сүртэй юм гаргаж ирнэ. Яг ийм паблик ажлыг бараг л 90 000 гаруй хүн хийж байгаа. 1 нам нь Их Хуралд гарч ирэхээрээ өөрийн талыг баригч олон зуун мянган хүнийг анхан шатна нэгжүүд дээрээ харуул манаагаар тавина. Цэргийн бүртгэлийг онлайнаар авах хэрэгтэй. Надад 1 цаг ч үнэтэй. Энэ дашрамд Зүүн-баянгийн дивизид алба хааж байсан үе үеийн ахмад дайчид, ах болон онжавууд, дүү нартаа шинэ жилийн мэнд хүргэе. Хаа ч явсан зовхи өөдөө монгол эрчүүддээ мөн шинэ жилийн мэнд хүргэе.

Зочин 2015-12-22 103.229.121.189

онлайнаар бүртгэж болдоггүй юм болов уу?

тт 2015-12-22 202.9.41.40

ЭНЭ ЯМАРЧ ХЭРЭГГҮЙ АЖИЛ ШҮҮДЭЭ

Tsog 2015-12-22 43.228.130.96

yamarch gereggui mungu barsan ajil hiihiin. Tertee tergui buh erchuud tsergiin uuregten shuu dee