“Замын эвдрэлээс болж осол гарахад иргэд хохироод өнгөрдөг” | News.MN

“Замын эвдрэлээс болж осол гарахад иргэд хохироод өнгөрдөг”

“Замын эвдрэлээс болж осол гарахад иргэд хохироод өнгөрдөг”

“Замын эвдрэлээс болж осол гарахад иргэд хохироод өнгөрдөг”

Автозамын эвдэрсэн хэсэгт тэмдэг, хаалт байрлуулаагүйгээс машинтай иргэд замын хажуугийн жалга руу унан осолджээ. Тодруулбал Сүхбаатар дүүргийн есдүгээр хороо, Дэнжийн 1000 дахь 39-р сургуулийн замын эсрэг талд байрлалтай туслах замын эргэх хэсэгт эвдрэл гарсны улмаас машин осолдсон байна. Энэ хэсэгт машинтай иргэд дахин осолдож, эрүүл мэнд, эд хөрөнгөөрөө хохирч болзошгүй гэдэг үүднээс осолдсон иргэний ар гэрийнхэн энэ асуудлыг сурвалжилж өгөхийг хүссэн юм. Ингээд замын эвдрэл гэмтлээс шалтгаалсан авто осол хэр гарч, эргээд хэрхэн хариуцлага тооцдог талаар энэ удаагийн сурвалжлагаа бэлтгэлээ.

Авто осол тавдугаар сарын 31-нд 16.00 цагийн орчимд гарчээ. Тус газарт осолдсон хоёр ахмад настан хүүхдүүдэд бэлэг тараахаар явж байсан гэнэ. Тэд “Хүүхдүүдийн буян дагаж, эсэн мэнд үлдлээ. Гэхдээ цаашид туслах замын эргэх хэсэгт хүн амь насаараа дахин хохирч болзошгүй учраас холбогдох байгууллагууд нь анхаараасай” хэмээн ярьж байлаа.

“ЗАМЫН ЭВДРЭЛЭЭС ҮҮДЭН ОСОЛ ГАРЛАА ГЭХЭД ИРГЭД ХОХИРООД ӨНГӨРДӨГ”

Уг туслах замын төв замтайгаа нийлсэн хэсэг элэгдэж эвдэрсэн байсан бөгөөд замын хөдөлгөөнд оролцогчдод анхааруулсан ямар нэг тэмдэг, тэмдэглэгээ, хаалт байгаагүй. Мөн эргэх хэсгийн өмнө талд байрлах цэнхэр өнгийн ТҮЦ жолоочийн үзэгдэх орчныг хязгаарлажээ.

Осолд орсон 67 настай иргэн Г.Жамсран “Тэр өдөр гэр бүлийн хүнтэйгээ хүүхдүүдэд бэлэг тарааж явсан. Тухайн үед Дэнжийн 1000 орчмын замаар явж байхад түгжрэл ихтэй байсан. Тэгээд 100 айлын зам руугаа нийлэхээр туслах замаар эргэхдээ замын хашлагаа дагаад явсан. Гэтэл уруудаж байгаа зам учраас замын эвдрэл нь машины үзүүрт харагдаагүй. Үерийн далан руу пижигнээд л аймшигтай юм болсон. Тэр үед түгжрэл ихтэй байсан учраас хурдтай явах боломжгүй. Замын уулзвар дээр машины тос, масло зардаг ТҮЦ байсан. Тэр ТҮЦ нь замын эргэдэг хэсгийн эвдрэлийг хязгаарлаж, хаачихсан байсан.

Осол гарахад барилгын ажил хийж байсан ажилчид, ойр орчимд зогсч байсан цагдаа, ачдаг машиныхан ирлээ. Тэгсэн машин ачдаг компанийн ажилтан “Энэ далан руу өглөө хоёр машин орсон” гэж хэлсэн.  Тэр хэсгийн зам дээр зогсч байсан Сүхбаатар дүүргийн цагдаа замаа зохицуулаад л “Би групп дуудчихлаа” гээд ийм осол болоод байдаг юм шиг үл тоосон байдалтай байсан.

Дараа нь амьд гарсан хүмүүс юм боддог юм байна. Осол юунаас болов гэдгийг бодож эхэлсэн. Хэвлэл мэдээллийн байгууллагад хандахад нийслэлийн Авто замын хөгжлийн газрын орлогч дарга нь байгууллагаа л хамгаалсан зүйл ярьж байна лээ. Улаанбаатар хотын энд тэнд иймэрхүү осол гардаг. Тэр болгонд холбогдох байгууллагуудаас тавьж буй анхаарал огт алга. Би ганц өөрийнхөө ослыг яриагүй байна. Ер нь замын эвдрэлээс үүдэн осол гарлаа гэхэд иргэд эрүүл мэнд, эд хөрөнгөөрөө хохироод өнгөрдөг. Үүнийг хуулиар зохицуулсан зүйл байдаг юм билээ. Би Авто замын тухай хуулийг үзлээ. Хариуцдаг эзэн нь байдаг ч иргэд өөрсдөө шаардлагаа тавьдаггүй. Төрийн байгууллагууд нь бие бие рүүгээ гүйлгэдэг. Тэднийг хамгаалах хууль эрх зүйн орчин, нэг үг, өгүүлбэр ч алга. Тэр битгий хэл биднийг гомдолтой байна гэхэд цагдаа нар эвэртэй туулай үзсэн юм шиг болж байна” гэдгийг хэлж байв.  Осолдсон иргэд ослын улмаас сэтгэл санааны цочролд орж, тархи нугасны бэртэл авчээ.

ТУСЛАХ ЗАМЫН ЭВДРЭЛИЙГ ЗАСЧ, ХАШЛАГА ХИЙЖЭЭ

Биднийг осол гарсан газарт очиход Геодези, Усны барилга байгууламжийн газрын ажилчид хашлага татаж, замын эвдрэлийг шороогоор дүүргэж байв. Туслах замаар ганц нэг машин эргэж, яваа харагдана. “Өнөөдөр үерийн далангийн эвдэрсэн хэсэгт хашлага хийж, шороогоор дүүргэж байна. Удахгүй цемент цутгаж, замын брожураа наагуур тавина” гэдгийг тус газрын ажилтан хэлсэн юм.

Туслах замаар явж байсан жолооч М.Бямбадорж “Энэ замаар эргэхдээ болгоомжтой явах хэрэгтэй. Замын эвдрэлийг засч, шороогоор дүүргэж байх шиг байна. Би ойрхон барилгын ажил хийдэг учраас замаа дөтөлж энэ замаар байнга явдаг. Үерийн далан руу машин унасан гэж хүмүүс ярьж байсан” гэв.

Энэ үеэр замын уулзвар дээр ТҮЦ ажиллуулдаг тус хорооны иргэн Б.Гүнсэнжав ярихдаа “Миний хувьд 13 жил машины тос, масло зардаг ТҮЦ ажиллуулж байна. Өнгөрсөн 2016 оны сонгуулиар энэ үерийн даланг янзлах төсөв нь батлагдсан гээд байсан өдийг хүртэл юу ч хийгээгүй ирлээ. Манай гэр энүүхэнд байдаг. ТҮЦ маань үйл ажиллагаа явуулах зөвшөөрөлгүй. Дүүргээс зургаан сараар түр зөвшөөрөл олгож, сар бүр 20 мянган төгрөгийн татвар төлдөг байлаа.

Сүүлийн нэг жил зөвшөөрөл аваагүй нь үнэн. Би энэ ТҮЦ-д тос масло зарж, зун нь машин угаана. Өвөл нь нүүрс зардаг байлаа. Гэхдээ энэ далан руу машинтай хүн унаж, аваар осол гарч байгаагүй ээ. Хэд хоногийн өмнө хэд хэдэн удаа осол гарч, машин унасан байна лээ. Энэ бол жолооч нарын буруу шүү дээ. Сохор юм уу. Хурд сааруулагч байхад эвдэрсэн хэсэг рүү унаж байдаг.

“ӨНГӨРСӨН 2019 ОНД ЗАМЫН ЭВДРЭЛЭЭС ШАЛТГААЛСАН 130 ОСОЛ ГАРСАН”

Энэ хэргийг Сүхбаатар дүүргийн Замын цагдаагийн хэлтэст хэрэг нээн, шалгаж байгаа аж. Тиймээс Тээврийн цагдаагийн албанаас хэрэгтэй холбоотой мэдээллийг өгөх боломжгүй гэдгийг хэлж байв.

Өнгөрсөн 2019 онд улсын хэмжээнд 25 мянга 302 зам тээврийн осол хэрэг бүртгэгджээ. Эдгээр ослын шалтгаан нөхцлийн 98.9 хувь нь жолоочийн буруутай үйлдлээс, 0.01 хувь буюу нийт ослын 130 нь замын нөхцөл байдлаас хамаарч осол гарсан гэдгийг тогтоосон байна. Жишээлбэл, замын гадаргуу хэсэгт нүх үүсэх, шүүрт худгийн таг байхгүйгээс, тэмдэг тэмдэглэгээ буруу байрлуулснаас болоод хурдтай явах зэргээр осол гардаг талаарх мэдээллийг тус албанаас өглөө.

“Хэрвээ замын урсгал засвар, арчлалтыг хийгээгүйн улмаас зам тээврийн осол гарч, иргэн эрүүл мэнд, эд хөрөнгөөр хохирсон тохиолдолд Авто замын тухай хууль тогтоомжийн дагуу эрх бүхий байгууллага, албан тушаалтан, гэм буруутай этгээдээр нөхөн төлүүлэх үүрэгтэй. Энэ үүргийг Төрийн хяналт шалгалтын тухай хуульд заасны дагуу мэргэжлийн хяналтын байгууллага, бүх шатны Засаг дарга хяналт тавьж ажиллах үндсэн чиг үүрэгтэй байдаг” гэдгийг Тээврийн цагдаагийн албаны Урьдчилан сэргийлэх хэлтсийн мэргэжилтэн, цагдаагийн ахмад Б.Зоригоо хэллээ.

Сүхбаатар дүүргийн есдүгээр хорооны ажилтнуудын хэлж байгаагаар туслах зам дагуу байрлах далан руу олон тооны машин осолдож байгаагүй. Харин хэд хоногийн өмнө хоёр, гурван машин замын эвдрэлээс болж, унасныг татаж гаргасан гэсэн юм. Харин Тээврийн цагдаагийн албанаас тавдугаар сарын 31-нд нэг машин осолдсоноос өөр ослын мэдээлэл, бүртгэгдээгүй гэдгийг хэлж байв.

Нийслэлийн Авто замын хөгжлийн газрын дарга Б.Индра замын эвдрэлийн талаар тайлбар өгөхдөө “Дэнжийн 1000-ын 39 дүгээр дунд сургуулийн урд талын хэсэгт байрлах туслах зам нь гадаргууны усаа зайлуулж, үерийн далан руу урсдаг. Энэ хэсэг борооны усанд идэгдсэний улмаас зам эвдэрсэн байсан. Бид өнөөдөр уг замын эвдрэлийг яаралтай засах арга хэмжээг авч, ажиллаж байна. Бас замын эвдрэл гэмтлийн үзэгдэх орчныг хязгаарлаж, зөвшөөрөлгүй үйл ажиллагаа явуулдаг ТҮЦ-ний асуудал яригдаж  байгаа. Иргэд холбогдох байгууллагын зөвшөөрөлгүйгээр замын уулзвар дээр ТҮЦ тавьдаг. Үүнээс болж замын хөдөлгөөнд оролцож буй жолооч нарын үзэгдэх орчныг хаах асуудал гарч байна. Ийм хариуцлагагүй иргэн, аж ахуй нэгжүүдэд хуулийн дагуу шаардлага тавьж, албадан нүүлгэдэг боловч тэмцээд дийлэхгүй байна.

Бид 2020 онд гэр хороолол руу түлхүү автозам шинээр тавьж байгаа. Гэр хороололд өндөрлөг газар их байдаг учраас гадаргууны усаа зайлуулж, үерийн далангаар усаа урсгахаар төлөвлөж байна. Нөгөө талаараа жолооч нарын хариуцлагагүй үйлдлээс болж, замын эвдрэл үүсэх нь бий. Зөвшөөрөлгүйгээр хүнд даацын машин замын хөдөлгөөнд оролцож, замын хөдөлгөөний дүрмээ баримтлаагүйгээс замыг эвдэх асуудал ч гардаг” гэв.

Гэрэл зургийг Л.ЭНХ-ОРГИЛ

 

Энэ мэдээнд өгөх таны сэтгэгдэл?
3
БурууБуруу
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
Баярлалаа!

Холбоотой мэдээ

23 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-06-04 66.181.167.24

Irged uursduu archaagui bgaa bizdee eniigee , ter dor ni helj tuhain baiguulaguudiig ajliig ni hiilgeddgui gees bolj niigemd mashin olon osol awaar bolj bn

Avatar

Зочин 2020-06-04 122.201.22.42

ter derem, gondolgoon mash hertsgii zaluus baisan. ohid huuhnuud hamaagui shuud nebt buleg sulbeed orhodog enereh setgelgui hodoonia srahiin yaltan Ganhuu arai herees hetersen dee.Mini naiz Bayanhuu bas tuulin burgasand reektiin gart amia aldsan shde. ene bol doyon, namna, domboo, bimbaram, zanhan, ganjin nar baisan da geyu taamaglay yabdima. bas baidrag geed ih muuhai zalitan baidag.

Avatar

Зочин 2020-06-04 122.201.22.42

reket dabaanima Sambalundeb 21 hun baisan bidniig Tuulin burgasand abaachad zodson reektelsen. tegeed bid horongo aldsans hdee. sayhan bas tiim hereg garsan 4 shine zaluu kompani zahiral reekt chonon Badraa, dabaanima zaan Hurelnim nart zoduuslan taalal togson baidaltai tuulin tsunheel usnaas sharil oldson.Undesnii tsetserlegt hurelengiin tsunheeld 4 zaluug nidalaad haysan abinalee ne bol ganhuu, doyon, Sonom, dere, Dabka mon dee arga baril yag mon shuu.

Avatar

Иргэн 2020-06-04 202.9.46.219

Зам ын байдалд хурдаа тохируулж сонор сэрэмжтэй явахыг Хөдөлгөөний дүрмэнд байдаг байсан одоо байхгүй болсон юм уу??

Avatar

Зьчин 2020-06-04 202.126.90.124

Гадаадад зам засвар, тэмдэг, замын эвдрэлээс болж машин эвдрэх, осол гарахад замыг хариуцдаг байгууллага, хотын захиргаа шууд хохирлыг барагдууллдаг, даатгалаас төлдөггүй хуулвтай байдаг. Манайх хуулиа чангалж сурталчлах хэрэгтэы. Замын
Компаний хариуцлага дээшлинэ

Avatar

Зочин 2020-06-04 159.65.67.131

Mongolin zamuud zugeer l hudlaa cement. Yamar standard hurehgui. Yagaad yamar drainage system bdgui be? bhgui bolhoor ene zamuud n hedeh jil bolood l hagaraad tsuuraad mashin yavhad hetsuu. deerees n ene hurd hetruul yavdag joolooch nar zunduu. Jishee n ene zaisangiin deeshee yavdag zam zugeer l hurdnii zam. Iim humuus osol avaar gargahgui yahavdee. zam deer joloodoh bish nisej bgaa humuus zunduu.

Avatar

Зочин 2020-06-04 73.92.12.67

Одоо овоолсон шороон дээгүүр нь давж давхиад л тэр муухай гол шиг юм руу нь орох байх даа,жолооч нар,яг трамплин дээгүүр үсэрж байгаа шиг хэ хэ хэ

Avatar

Зочин 2020-06-04 202.9.40.147

аймшигтай данзар тор хариуцлага халээх болохоор яг тодорхой байгууллага дарга шэж байхгуй болчдог

Avatar

Zochin 2020-06-04 202.170.70.48

Энэ ТҮЦ-ийг маш яаралтай зайлуул. Ямар балиар цайчихсан амьтан бэ? хажууд нь өч төчнөөн машин тэрэг осолдоод хүн амьтан бэртэж гэмтээд байхад ингээд байлгаад байдаг. Энэ захын дүүрэг, хорооллоо тохижуулах ажилд онцгой анхаармаар байна.

Avatar

Зочин 2020-06-04 66.181.161.39

Mongol irged tatvaraa tulj baigaa n bas zasgiin gazriig irgedee tav tuhtai, auylgui orchind amidruulah batalgaag hanguulahiin tuld shuu dee.. getel bid bugdiin amidraliin eruul, auylgui orchin baitugai.. onholdood uh geed zam n arzaigaad baij baidag.. endej bertsen hohirol amssan 2 hugshnii hohirliig baragduul.. zugeer hariutsan ezen bolon baiguullaga n hohirson irged ard tumneesee uuchlalt guigaad dahin iim asuudal gargahgui talaas n ter huuli juramdaa oruulaad humuusee ajliig n hiilguul

Avatar

оогий 2020-06-04 202.179.24.53

Зам тээврийн сайд Энх-Амгалан хуруугаа ч хөдөлгөж юу ч хийсэнгүй мөртлөө одоо дахин сонгогдох нүүр бий билүү ичээчэээээээээээээээээ

Avatar

Зочин 2020-06-04 64.119.22.193

Энэ түцийг зайлуулах хэрэгтэй, өөрөө тээгэлчихээд жолооч нарыг буруутгаад бн, арай ч дээ

Avatar

ТУЦ-ний эзэн аятайхан байя гэвэл амаа татаач 2020-06-04 66.181.177.96

Энэ ТУЦ-н эзэн даравгар амнаасаа болох нь ээ. Шууд л жолооч нарыг сохор юмуу гэж буруутгаад л, тэрний оронд авто замынхан арга хэмжээ авахгуй юмаа гэсэн шуу юм яриад байж байсан нь дээр байсым. Хохь нь одоо наанаасаа хеегдене дее.

Avatar

Зочин 2020-06-04 73.92.12.67

Энэ одоо 21-р зууны 20 дахь оны монгол уу ??????? Үнэхээр өрөвдөлтэй байна шүү,хөглөрсөн шороо,тэр ажил хийж байгаа амьтдыг нь харчих даа,яана даа л байна даа,монгол бүтэхгүй ээ

Avatar

zochin 2020-06-04 64.119.25.52

UKHAANTAY , BOLGOOMJTOY . YAW, UURSDIINKHUU BURUUG DANDAA KHUNDLUNGIIN KHUN RUU CHIKHEJ BAYDAG MONGOL ZANGAA ORKHITSGOO , CHI UURIINKHUU TULUU L AMIDARCH BAYGAA

Avatar

zochin 2020-06-04 202.179.27.66

yvgan chunii ba maschinii zam urgelj chechuu aidastai,deer n chuuchdiin togloomiin talbai buur aimaar er n mongold echleed chun gedeg iolgolt baidaggui, ,buch um n chun,chuuchediin esreg ,odoo bid oorchloch estoi. Chun, chuuched bid auulgui orchind urt udaan amidramaar bna.

Avatar

zochin 2020-06-04 64.119.25.52

mongol kheleeree oligtoykhon bichchikheed shuumjil , chi uuriinkhuu tuluu l amidarch baygaa ,

Avatar

суө 2020-06-04 122.201.23.75

тэгээд яг хаана яаж хандах талаар сайн тодорхой бичээч ээ

Avatar

Зочин 2020-06-04 66.181.161.39

Niisleliin auto zamiin hugjliin gazar… mergejliin hyanaltiin baiguullaguud … yalanguya auto osol deer tulj ajillaj baigaa zamiin tsagdaagiin gazriinhan iim ayul garch bolzoshgui gazruudiig hariutsah gazart n uridchilan sergiilsen baidlaar medegdej holbootoi ajillah gazruud uund shuud hariutslaga huleeh yosoi l gej bodoj baina..

Avatar

Зочин 2020-06-04 43.228.129.131

Түцний лалараа түцээ аваад зайл даа, түцнээс чинь болж замын эвдрэл харагдаагүй байна за.

Avatar

Зочин 2020-06-04 202.179.24.90

ЭНЭ ИНДРАГ ЗАЙЛУУЛААЧ ЭЭ

Avatar

Зочин 2020-06-04 202.179.31.253

Эзэнгүй юм шиг, юм нь эмх замбараа муутай хоттой байхаар чинь аргагүй шүү дээ

Avatar

Иргэн 2020-06-04 39.7.24.253

Нөгөө поп хотын дарга хаачив одоо ч энийг манатай бгаа

NewsMN Гар утасны хувилбар Татах
NEWS.mn

Мэдээллийн эх сурвалж