&#34Таван богд&#34 дэнчингийн төлбөрөө тушаажээ | News.MN - Мэдээллийн эх сурвалж

&#34Таван богд&#34 дэнчингийн төлбөрөө тушаажээ

Хуучирсан мэдээ: 2015.12.21-нд нийтлэгдсэн

&#34Таван богд&#34 дэнчингийн төлбөрөө тушаажээ

Нийслэлийн Өмч хувьчлах комиссын ээлжит хуралдаан өнөөдөр боллоо. Хуралдаанаар Нийслэлийн ИТХ-ын 2013 оны 13/48 дугаар тогтоолоор шийдвэрлэсэн “Улаанбаатар таймс” сонины хэвлэх үйлдвэрийн барилгыг нээлттэй дуудлага худалдаагаар хувьчлах асуудал хуулийн дагуу хэрхэн үргэлжилж байгаа талаар хэлэлцлээ.

“Улаанбаатар таймс”сонины хэвлэх үйлдвэрийн барилгын хувьчлалын талаар нийслэлийн Өмчийн харилцааны газраас дараахь мэдээллийг өглөө.

Нийслэлийн Өмч хувьчлах комиссын 2015 оны 10 сарын 27-ны өдрийн 29 дүгээр тогтоолоор хуучнаар “Улаанбаатар таймс” нийслэлийн өмчит үйлдвэрийн газрын Хэвлэх үйлдвэрийн барилгыг 7 155 000 000 төгрөгөөр хувьчлахаар шийдвэрлэж, хэвлэл мэдээллийн хэрэгслээр зарласны дагуу нээлттэй дуудлага худалдааг 2015 оны 11 сарын 30-ны өдөр зохион байгуулжээ.
Нээлттэй дуудлага худалдаанд:

  1. Ваня овогтой Энхбаатар

  2. Капитрон банк

  3. Баасан овогт Батнягт

  4. Занган овогтой Пүрэв-Очир

  5. Забоонтариж овогтой Абдулкарим

  6. Блью Мон ХХК

  7. Бодь овогтой Отгонжаргал

  8. Таван богд трейд ХХК

  9. Ренчин овогтой Мандах нар оролцсон.

Дуудлага худалдаанаас хэвлэх үйлдвэрийн барилгыг 24 тэрбум төгрөгөөр иргэн Ж.Абдулкарим худалдан авах эрхтэй болж, 2015 оны 11 сарын 30-ны өдөр 12/2015 дугаартай гэрээ “Худалдах, худалдан авах гэрээ”-г байгуулсан байна. Харин удаах үнийн саналыг Таван богд трейд ХХК 23 тэрбум 850 сая төгрөгөөр өгсөн.

Иргэн Ж.Абдулкарим нь дэнчингийн төлбөр болох 715,5 сая төгрөгийн Төрийн санд тушаасан бөгөөд худалдан авсан барилгын үнийг хуульд заасан хугацаанд буюу 2015 оны 12 сарын 14-ний өдрийн ажлын цагт багтаан төлөх ёстой байсан. Гэвч 2015 оны 12 сарын 07-ны өдөр “Хүндэтгэн үзэх шалтгааны улмаас энэхүү дуудлага худалдааны ялагчаас татгалзаж байна” гэсэн өргөдлийг Нийслэлийн Өмчийн харилцааны газарт ирүүлжээ.

Иргэн Ж.Абдулкаримын худалдан авсан барилгын үнийг төлөх хуулийн хугацаа 12 сарын 14-ний өдөр дууссан тул Төрийн болон орон нутгийн өмчийн тухай хуулийн 43,6-д заасны дагуу удаах үнийн саналыг өгсөн  /23 850 000 000 төгрөг/ Таван богд трейд ХХК-нд Нийслэлийн Өмчийн харилцааны газраас тус барилгыг  худалдан авах саналыг 2015 оны 12 сарын 15-ны  өдрийн 7/8531 тоотоор хүргүүлсэн байна.

Харин Таван богд трейд ХХК нь 2015 оны 12 сарын 18-ны өдөр дэнчин болох 715,5 сая төгрөгийн Төрийн сангийн дансанд төвлөрүүлж, 14/2015 “Худалдах, худалдан авах гэрээ”-г байгуулаад байна. Хуулийн дагуу Таван богд трейд ХХК худалдан авах төлбөрөө 2016 оны 01 сарын 01-ний өдөр Төрийн сангийн дансанд тушаах ёстой.

Хуралдааны үеэр Нийслэлийн Засаг дарга бөгөөд Улаанбаатар хотын Захирагч, Нийслэлийн Өмч хувьчлах комиссын дарга Э.Бат-Үүл  “Хуулийн дагуу Өмч хувьчлалын дуудлага худалдаанд оролцож худалдаж авахаар болж, дэнчингийн төлбөрийг Төрийн санд байршуулсан ч худалдаж аваагүй бол тухайн мөнгийг эргүүлэн олгодоггүй заалттай.Тиймээс хуулийн хугацаанд санал болгосон үнийн дүн бүхий төлбөрөө тушаагаагүй тул Монгол Улсын иргэн Ж.Адбулкарим Хэвлэх үйлдвэрийн барилгыг худалдаж авах хамтын гэрээ хүчингүй болсон” гэлээ. Мөн иргэн Ж.Адбулкарим чухам юунаас болж татгалзах шийдвэр гаргасан талаар тодруулахад Нийслэлийн Өмчийн харилцааны газрын дарга Ш.Төмөрбаатар “Бидэнд өгсөн өргөдөлд хүндэтгэн үзэх шалтгаанаар гэсэн байсан. Харин өргөдлийг хүргүүлсэн бие төлөөлөгч хэвлэл мэдээлэл, сошиал медиа болон бусад шугамаар дарамт учруулж хүнд байдалд оруулсан гэж хэлсэн” гэлээ.

Нийслэлийн Засаг дарга “Монгол Улсын иргэн Ж.Адбулкарим татгалзах өргөдөл өгсний дараа би түүнд Ил захидал хүргүүлсэн. Манай улс бол Ардчилсан Монгол Улс. Тиймдээ ч  манай иргэд хэвлэл мэдээлэл, сошиал медиагаар жирийн иргэн битгий хэл Монгол Улсын Ерөнхийлөгч, Ерөнхий сайд, Хотын даргаа шүүмжилдэг. Харин үүнээс болж татгалзаж байгаа бол нийгэмд их буруу хандлага үүсгэж байна. Хэн нэгэн ирээд өмч хувьчлалаар тоглоод байж болохгүй” хэмээн хэллээ. Мөн тэрээр Үндсэн хуулинд заасны дагуу Монгол Улсын нутаг дэвсгэр дээр амьдарч буй хэн ч байсан хуулийн хамгаалалтад байдаг. Тиймээс Монгол Улсын иргэн Ж.Абдулкарим санаатай дарамталсан үйл явдал байгаа бол хууль хяналтын байгууллагад хандаж, шалгуулах бүрэн эрхтэй гэдгийг зориуд анхааруулъя гэлээ.
Хуульд заасны дагуу Улаанбаатар таймс сонины хэвлэл үйлдвэрийн барилгыг худалдаж авахаар дэнчингээ төвлөрүүлсэн  Таван богд трейд ХХК нийт төлбөрөө 2016 оны 01 сарын 01-ний өдрийн дотор Төрийн сангийн дансанд байршуулснаар худалдах, худалдан авах гэрээний дагуу тус газрыг худалдан авна. Газрын эзэмшлийг худалдан авсан иргэн, аж ахуйн нэгжид 60 жилийн эрхтэйгээр олгоно.

ЭХ СУРВАЛЖ: НИЙСЛЭЛИЙН ЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2015-12-21 202.70.38.46

Капитрон банк эсвэл Блью Мон ХХК-үнийг нь нэмчих бий гэж 5 богд айлсан тул хувалдсан арабаарааа бушуухан өндөр үнэ хэлүүлж арилжааг зогсоолгосон,бодит үнэн ийм.

Ганбат 2015-12-21 202.179.11.134

Хэдийгээр дуудлага худалдаанд ялж , газар эзэмших эрх олж авсан ч тухайн худалдааны зүйл болох газраа өөрийн эзэмшилд аваагүй байгаа учир худалдаж авахаар төлсөн урьдчилгаа төлбөр / дэнчин / - ийг буцаан олгох нь зүй .Худалдахаар зарласан газар нь худалдагчийн мэдэл / эзэмшил / -д хэвээр байгаа шүү дээ .

Ганбат 2015-12-21 202.179.11.134

Хуульд зааснаар дэнчингийн мөнгө бол худалдах үнийн урьдчилгаа юм. Тиймээс худалдан аваагүй хүний мөнгийг буцаан өгөх нь зүй . Иргэний хуульд " дэнчингээ алдана " гэсэн нэг л заалт байгаа .Гэхдээ төр ч гэсэн бусдын мөнгийг зүгээр авч болохгүй . Хариуцлага хүлээлгэнэ гэвэл шүүхээр шийдүүлэх ёстой . Луйварчин шиг ямар ч болзол ,хариу төлбөргүйгээр бусдын мөнгийг авах эрх Төрд ч гэсэн байхгүй. Төр болон хувь хүн ийм эдийн засгийн харилцаанд адил тэнцүү үүрэг хүлээж ,адил тэнцүү харилцдаг хуультай . Энэ маргаан яван явсаар ҮНДСЭН ХУУЛИЙН ЦЭЦ-д л очиж шийдэгдэх нь л дээ ....

Зочин 2015-12-21 122.254.111.86

Монгол хүн авсан нь яамайдаа монгол эр юмандаа эзэн болоосой ,Ард нь гадаадын хүн л битгий байгаасайдаа Чи өөрөө эзэмшээрэй гадны хүнд битгий өгөөрөйдөө

hggy 2015-12-21 202.21.112.202

Нэг зүйлийг гайхаж байна. "Таван богд трейд ХХК нь 2015 оны 12 сарын 18-ны өдөр дэнчин болох 715,5 сая төгрөгийн Төрийн сангийн дансанд төвлөрүүлсөн" гэнэ үү. Яагаад ийм орой тушааж байгаа юм бол, уг нь дуудлага худалдаа болохоос өмнө тушаадаг биз дээ

оюун 2015-12-21 202.21.106.106

За за ашгуй монгол хун юмандаа эзэн байгаа цагт бид алзахгуй маш сайхан байна

Таларх***** 2015-12-21 194.138.202.34

Забоонтариж овогтой Абдулкарим гуайд их баярлалаа. Та монголын газар шороо, нийслэлийн төвийн байршил ямар бодит үнэтэй гэдгийг тогтоох өрсөлдөөнд шударгаар оролцсон эр зоригтон юм. Та дэнчингийн их мөнгө алдсан ч, Бурхан танд зөв бизнес хийж улам их баялагтай болоход туслана гэж итгэж байна.

ghghghg 2015-12-21 202.179.10.150

Ашгүйдээ нэг ч гэсэн харийн этгээд төрийн ордонтой төв талбайд айлсаагүй нь яамайдаа,үүнээс чухал юм гэж хаана байхав.

Зочин 2015-12-21 202.21.120.66

наад нөхөр чинь Монголд тийм удаан амьдарсан Монголын хуулийг мэдмээр юм даа

Зочин 2015-12-21 103.26.195.54

Абдул Карим монголын төрд, хууль хяналт, шүүхэд огт итгэхгүй байна шүү дээ. 30 жил амьдарсан, иргэн болчихсон юм бол бүр ч тодорхой мэдэж байгаа