Пакистаны баруун хойд нутагт болж байгаа үерт нэрвэгдсэн хүмүүст НАТО-гийн эвслийн хүчний аврагчид ба цэргүүд тусламж үзүүлэхээр оролдож байна. Үерт 800 гаруй хүн үрэгдэж, 150 орчим хүн сураггүй болсонд тооцогдож байна. Үер одоо Афганы нутагт орж иржээ. Нэг сая орчим хүмүүс гэмтэл бэртэл авсан гэж Пакистаны GEO.tv сувгаар дамжуулсан байна.
Бүс нутагт борооны улирал ирсний улмаас үүссэн үерт Афганы хэд хэдэн суурин живэн урсчээ. Кунар мужид талибуудын олон тооны хамгаалалт байгаа учир гамшигт нэрвэгдсэн газар луу дөнгөж хоёр Ми-17 нисдэг тэрэг илгээж чадлаа гэж Афганы цэргийн дарга Мухаммед Барат мэдэгдсэн байна.
Пакистанд 45 гүүр эвдэрч 15 мянган байр байшин усанд урсчээ. Гэр оронгүй болсон хүмүүсийн тоо эрс өсч байна. Пешават, Сват ба Шангла мужууд улсын бусад нутгаас усаар тусгаарлагдан  хаагджээ.