118 зорчигчтой Индонезийн гатлага онгоц живжээ | News.MN

118 зорчигчтой Индонезийн гатлага онгоц живжээ

Хуучирсан мэдээ: 2015.12.20-нд нийтлэгдсэн

118 зорчигчтой Индонезийн гатлага онгоц живжээ

 

118 зорчигчтой Индонезийн гатлага онгоц Сулавеси арлын орчимд тэнгист живжээ. Гатлага онгоц давалгаанд цохигдсоноос хөдөлгүүр нь ажиллагаагүй болж живсэн байна.

 

Индонезийн албаныхан зургаан усан онгоц, завийг дайчлан аврах ажиллагааг явуулж байна. Одоогийн байдлаар тэнгисээс хоёр хүүхдийн цогцсыг олж, 25 хүнийг аварч гаргасан байна. Тэд аврах хантаазтай усанд хөвж явсныг аврагчид олж гаргасан аж.

 

Гатлага онгоцны ахмадтай хамгийн сүүлд холбоо барихад хөлөг давалгаанд цохигдон живж байгааг дуулгажээ. Гатлага онгоц дөрвөн метр орчим өндөртэй тэнгисийн давалгаанд цохигдсоны дараа аюулын дохио илгээсэн аж

 

Гатлага онгоц Сулавеси арлын Колака боомтоос өчигдөр өглөө /XII.19/ хөдөлсөн аж. Гатлага онгоцон дээр 19 хүүхэд, хөлгийн багийн 12 хүн бусад зорчигчдын хамт явсан гэнэ.

 

Б.АНХТУЯА

 

ЭХ СУРВАЛЖ: ASSOCIATED PRESS

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

өа 2015-12-20 103.229.122.182

Малайзын түрээсиин онгоц гэсэн хар мөртэй малайз Үхэл бөөндсөөр

NewsMN Гар утасны хувилбар Татах
NEWS.mn

Мэдээллийн эх сурвалж