Олон улсын хүүхдийн эрхийг хамгаалах өдөр тохиож байгаатай холбогдуулан Нийслэлийн ИТХ-ын дарга Р.Дагва нийслэлийн “Өргөө” амаржих газрын үйл ажиллагаатай танилцаж, төрсөн эх нярайд гарын бэлэг гардуулав. Энэ үеэр эх үрсийн баярын бэлэг болгож нийслэлийн амаржих газруудад тус бүрд нь нэг автомашин олгохоор шийдвэрлэв. “Өргөө” амаржих газрын тухайд эрсдэл өндөртэй эхчүүд ирдэг тул эмнэлэг хооронд эх, нярайг зөөвөрлөх асуудал гардаг аж. Одоогоор хоёр автомашинтай ч доторх тоноглол нь муудсан, үзлэг оношилгоонд тэнцдэггүй хуучирсан автомашинтай гэдгээ эмнэлгийнхэн Нийслэлийн ИТХ-ын даргад учирлаж байлаа.
Энэ үеэр Нийслэлийн ИТХ-ын дарга Р.Дагва: -“Олон улсын хүүхдийн эрхийг хамгаалах газар “Өргөө” амаржих газрынхаа үйл ажиллагаатай танилцаж байна. Эмнэлгийн үйл ажиллагаа сайн явж байна. Гэхдээ шийдвэрлэх шаардлагатай ажлууд байгаа. Бид эмнэлгийн удирдлагатай асуудлыг шийдвэрлэхээр ярилцаж байна. Бид Нийслэлийнхээ амаржих газруудыг онцгойлон анхаарч үзэх шаардлагатай. Эх, нярайн ая тухыг ямагт тэргүүнд тавьж, техник, тоног төхөөрөмжийн хүчин чадлыг нэмэгдүүлэх чиглэлээр шат дараатай ажлуудыг хийх ёстой” хэмээн онцолж байв.
Эх сурвалж: Нийслэлийн ИТХ-ын ХМОНХТ
Иргэн 2020-06-02 66.181.161.47
Дарга нь шийдээд байдаг юм бол гишүүд гэж байхын хэрэг юун. 38 хүн цалин зардлаа хэмнээд гишүүнээсээ татгалзаач. Эсвэл наад ХМОНХТ- өө татан буулга. Ганц мэдээг хүнд ойлгогдхоор , учир шалтгааныг зөв ойлгоод биччихэж чаддаггүй.
zochin 2020-06-02 58.109.221.157
mashin l taraadag bolj dee