АНУ-д удирдагч хэрэгтэй байхад Трамп нуувчиндаа тухлав | News.MN

АНУ-д удирдагч хэрэгтэй байхад Трамп нуувчиндаа тухлав

АНУ-д удирдагч хэрэгтэй байхад Трамп нуувчиндаа тухлав

АНУ-д удирдагч хэрэгтэй байхад Трамп нуувчиндаа тухлав

АНУ-д тархсан цар тахал 100 мянга гаруй хүний амь насыг авч одон, эдийн засгийн хямрал, ажилгүйдэл нүүрлэсний дээр сүүлийн үед Жорж Флойдын үхлээс болсон арьс өнгөөр ялгаварлахын эсрэг жагсаал эмх замбараагүй байдал болон хувирч байхад Ерөнхийлөгч Трамп дорвитой арга хэмжээ аваагүй нь иргэдийн дургүйг ихээр хүргэж байна.

Тавдугаар сарын 31-ний шөнө цагаан ордны гадна болсон бослогын үеэр, мөн зургадугаар сарын 1-ний шөнийн эмх замбараагүй байдал Миннеаполис хотоос Майами, Портленд, Филаделфи хүрч тэлэхэд  Трамп цагаан ордны доорх хоргодох байрандаа хоножээ.

Баривчилгааны үеэр цагаан арьст цагдаагийн өвдөг доор нас барсан Жорж Флойдын хойноос шударга ёс шаардсан иргэдийн эсэргүүцлийн жагсаал эхлүүлж, хотоос хотод өргөжин, цар тахлын хөл хорионоос гарч ядаж байсан хотуудад дээрэм, тонуул, хүчирхийлэл газар авч байгаа билээ.

Төсөөлөөгүй зүйлс харвасан сум шиг хурдан өрнөж, хотууд шатсан, цар тахлын үеэр тохирсон арга хэмжээ авалгүй хэтэрхий удсанд 106 мянган хүн нас барж, ажилгүйдэл гаарсан гээд Трампыг дахин сонгогдох найдварыг үгүй хийж байна.

Нэмээд Трамп энх тайван тогтоохын оронд жагсагчдыг “танхайчууд” -аар дуудаж, антифа буюу фашист, анархистуудын эсрэг идэвхтнүүдийн нийгэмлэгийг терорист бүлэг гэх ангилалд оруулахаа мэдэгдэн нь “гал дээр тос нэмж” байдлыг улам дордуулсан юм. Гэвч түүний хэлсэнчлэн дотоодын бүлэглэлүүдийг ийнхүү ангилах нь ямар ч хуулийн үндэслэлгүйн дээр тэрбээр хэт даврагч цагаан арьстнуудын бүлэглэлүүдийг ижил байдлаар үзэхээс зайлсхийж байгаа нь олны дургүйцлийг хүргэжээ.

Эмх замбараагүй байдал үүсэхээс өмнө ч Ерөнхийлөгч цар тахлын эсрэг дорвитой арга хэмжээ аваагүйнхээ төлөө маш их шүүмжлэлд өртөж байсны дээр нэмээд түүний хэвлэлийн нарийн бичгийн дарга Кейли Макинани сүүлийн үед болж буй жагсаалуудыг иргэдийн үзэл бодол гэхээс илүү цөөн радикал идэвхтнүүдийн үйл ажиллагаа хэмээн харуулахыг хичээсэн нь бүр ч их шүүмжлэл дагуулав.

Дотооддоо ийнхүү хэцүүдэхийн хажуугаар АНУ-ын дэлхийд эзлэх байр суурь ч гэсэн хүнд байдалд ороод байна. Олон улсын иргэд АНУ-ын жагсагчдыг дэмжин эрх баригчдыг буруушааж байгаа. Мөн АНУ, БНХАУ хоёр улс цар тахлын бурууг нэгнээсээ эрсээр харилцаа нь хүйтэн дайны хэмжээнд хүртлээ хурцдаж, 100 жилд тохиолдож байгаа хамгийн аюулт тахлын үеэр ДЭМБ-аас бүх харилцаагаа тасдсан нь АНУ-ын тэргүүлэх байр суурийг газарт унагасан юм.

Трамп арваннэгдүгээр сард дахин сонгогдохоор төлөвлөж байгаа ч ийнхүү иргэд түүний бараан талууд, ухаангүй үйлдлүүдийн гэрч болсоор байна. Тухайлбал, жагсаал эхэлснээс хойш зургаа хонож байх үед буюу тавдугаар сарын 31-нд  Трамп Ардчилсан нам болон нэр дэвшигч Жо Байденг цар тахалтай тэмцэхэд саад болж, анхаарал сарниулсан хэмээн буруутган “Ардчилсан намын удирдлагууд бол анархистууд. Тэднийг үндэсний харуулууд шийтгэх ёстой. Дэлхий та нарыг болон унтамхай Жог харан шоолж байна. Америк үүнийг хүсэх гэж үү. Хэзээ ч үгүй!” хэмээжээ.

Ерөнхийлөгч ийнхүү энх тайван тогтоохын оронд хурцадмал байдлыг улам дэвэргэж, эрдэмтдийн зөвлөгөөг сонсолгүйгээр богино хугацаанд эдийн засгаа нээж байгаа нь иргэдийг эргэлзээнд унагаж байна. Түүнээс гадна үүсээд буй эмх замбараагүй байдлыг хэт даврагч болон суртал ухуулагчдын хийсэн ажил хэмээн харуулж, улмаар ардчилагчдыг хүчгүй мэт харагдуулах оролдлого, бодлогогүй хэл яриа нь сонгуульд жижиг хотуудын иргэд болон эмэгтэй сонгогчдын саналыг үргээсэн зүйл болов.

Трампыг ийнхүү маш олон хүмүүс буруушааж байгааг нөгөө талаас харж үзвэл түүнийг арай ч бүх зүйлд буруутгаж болохгүй юм шиг. Нийгэм, гарал үүслээрээ хуваагдах, ялгаварлан гадуурхагч цагдаа нар Трамп Ерөнхийлөгч болохоос өмнө ч үе дамжин олныг зовоож байсан асуудал билээ. Түүнээс гадна аль ч улс зуун жилдээ нэг удаа коронавирус шиг тахал өвчинтэй нүүр тулдаг. Мөн эдийн засгийн хямрал, ажилгүйдэл бол гарцаагүй хөл хорионы зайлшгүй үр дагавар мөн.

Чухам ийм үед л Ерөнхийлөгч ямар хариу үйлдэл үзүүлж байгаагаар түүнийг дүгнэдэг. Харин Трамп цар тахал, жагсаал цуглааг ашиглан зөвхөн өөрийн нэр хүндийг өсгөхөө бодож байгаад иргэд сэтгэл дундуур байна.

Трамп эмх замбараагүй байдлын талаар “Тонуулчид хөдөлж эхлэхэд буун дуу дуугарч эхэлдэг” хэмээн жиргэсэн нь 1960-аад оны ялгаварлан гадуурхагчдын үг хэллэгийг санагдуулж байна. Удалгүй дахин “Цагаан ордны хашааг нэвтэрсэн хэн боловч ууртай ноход болон хэний ч харж байгаагүй зэвсэгтэй учирна” хэмээн жиргэсэн нь шүүмжлэл дагуулсан билээ.

Тэрбээр ардчилагчдыг үймээн самуун, дээрэм тонуул гаарсанд буруутгаж, улмаар өөрийн үзэл баримтлалыг зөв хэмээн ухуулахыг оролдож, Антифаг шүүмжилсэн нь өнгөт арьстнуудын амьдралд үүссэн хүнд байдлын талаар бодох ч үгүй байгааг нь харууллаа.

Цар тахалд өнгөт арьстан, үндэстний цөөнхүүд илүү нэрвэгдэж, ажилгүйдэлд хамгийн бага цалингаар ажилладаг байсан хүмүүс  ихээр хохирч байгаа билээ.

Эх сурвалж: CNN.COM

Энэ мэдээнд өгөх таны сэтгэгдэл?
3
ЗөвЗөв
3
ТэнэглэлТэнэглэл
2
ХарамсалтайХарамсалтай
0
ХахаХаха
0
ХөөрхөнХөөрхөн
0
ГайхмаарГайхмаар
0
БурууБуруу
Баярлалаа!

Холбоотой мэдээ

14 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-06-02 185.220.101.165

>> Халуун охид та нарыг хүлээж байна — https://is.gd/uB2aoF

Avatar

зочин 2020-06-02 66.181.161.53

Америкийн түүхэнд сайн , муу олон л ерөнхийлөгч байсан дөө .. Сайн нь нэр нь мөнхрөөд л муу нь мартагдаад л явдаг шд .Сонгуулиар л асуудлаа шийдчихдэг шд . .Гэтэл манай урд , хойд хөршид яадаг билээ дээ ? . Нэг тэнэгг ирээд л зөнөж үхтэлээ л суучихдаг шд .

Avatar

mgl 2020-06-02 103.9.90.130

америк үнэлэмжид яг таарсан л хүн шунал ашигаас өөр юм боддоггүй боловсрол соёл гэж юм огт мэдэхгүй хувь хүний эрх чөлөө нэрийн доор БИ гэдэг өвчнийг өөгшүүлсэн арьс өнгөөр ялгаварлах өөрсдийгөө цагаан арьс мундаг хүмүүс гэж бодсон бүх юмийг хүчээр шийдэж бусад үндэстнийг үл тоомсорлож алж устгаж байдаг америк. Энэ короновирус америк маягийн нийгэм сөнөж байгааг харууллаа. төр захиргааны зохион байгуулалт маш сул тэр тусмаа нийгмийн дэд бүтэц боловсрол эрүүл мэндийн салбар маш сул хөгжилтэйг ха

Avatar

Зочин 2020-06-02 83.249.49.214

umhiii zalhuuu muu buhnii uur bolson HARUUDIIG darui ustgah htei

Avatar

Зочин 2020-06-02 139.5.217.169

Жинхэнэ америк хүний төлөөлөл болсон дүр шүү дээ. Хэнэггүй, бардам дээрэнгүй, зөвхөн өөрт нь бусад хүмүүс таарч зохицох ёстой гэж үздэг, мэдлэг нимгэн. мэдсэн сонссоноо ч боловсруулах эрэгцүүлэх чадвар дорой, өнгө мөнгөний шуналтай, бүхнийг хүчээр ааглан шийдэх сонирхолтой, өөрийгөө л мандуулан сурталчлах, дөвийлгөн үнэлэх өргөмжлөх зуршилтай… ялангуяа арьсны өнгөөр ялгаварлан дорд үзэх үзэл бол жинхэнэ цагаан арьс америк хүний үндсэн араншин шүү дээ… Ер нь бол Ши дарга хятад хүний,

Avatar

Зочин 2020-06-02 139.5.217.169

Путин орос хүний, Баттулга Хүрэлсүх нар монгол хүний, Нарендра Моди энэтхэг хүний…. гэх мэтээр бүгд л тухайн үндэсиэн ард түмнийхээ дорой саарал, болхи загвар дүрүүд харагдаад байгаа юм. Угаасаа цөвүүн цагын нэг шинж бол дорой, дорд харц, бурангуй, ухаан муутай, дээрэнгүй харгис хүмүүс дээшээ гарч, шилдэг элит хүмүүс үнэгүйддэг жамтай…

Avatar

tur 2020-06-02 66.181.188.81

Ugaasaa ardchilsan geed baigaa niigemiin maan unen turh n anarhizim

Avatar

Зочин 2020-06-02 202.126.89.64

Трамп бол ази африк хүмүүсийг үзэн ядагч

Avatar

Зочин 2020-06-02 202.126.89.64

Трамп чинь г********н юм биш үү

Avatar

Зочин 2020-06-02 202.21.107.115

Энэ тэгж байгаад сайхан өтөлж байгаа өвгөн шүү.

Avatar

Зочин 2020-06-02 66.181.161.80

manai ovoo goyoo

Avatar

Зочин 2020-06-02 66.181.176.176

Тэгээд АН-ынхан гарч ирсэн ч байдал өөрчлөгдөх юм уу Энэ үймээний гол шалтгаан бол нарийндаа ядуурал амьдралын төвшиний доройтол баян хоосны хэт ялгарал төрийн дарамт тэгээд арьсны үзэл шүү дээ Баячууд хүнд зүгээр мөнгө өгөх гэж байдгүй 10-12 цаг ажиллаж байж хоолныхоо мөнгийг ариа гэж олдог 8 цаг ажиллавал чи өлбөрч ч болзошгүй г м сонин юм зөндөө л яригдах юм байна даг

Avatar

Зочин 2020-06-02 122.201.19.99

Ene teneg uvgunuus bolj amerik suireh ni dee

Avatar

Fucking asshole 2020-06-02 67.162.117.222

Овилгогүй, хүүхдээрээ буруу өтөлсөн хүн ямар хор хөнөөлтэйг бүгдэд маш сайн харуулж чадсан.

NewsMN Гар утасны хувилбар Татах
NEWS.mn

Мэдээллийн эх сурвалж