Гадаадын дүрвэгч, цагаач иргэдэд зориулсан Хөдөлмөрийн биржийг ажиллуулах тухай Оросын холбогдох байгууллагууд хэлэлцэж байна.

Ялангуяа коронавирусийн цар тахлын үед ийм зохицуулалт хийх зайлшгүй шаардлага бий болсон гэж Хөдөлмөрийн яам болон хөдөлмөрийн зах зээлийн зохицуулалтад оролцдог байгууллагууд үзэж байгаа ажээ. Энэхүү Хөдөлмөрийн бирж нь түр хугацааных байх уу, 2-3 жил ажиллах дунд хугацааных байх уу гэдэг дээр ид санал солилцож байна.

Хөдөлмөрийн биржээр дамжуулан цагаач болон дүрвэгч иргэдийн тоо бүртгэлийг тодорхой болгох нь нийгмийн өөр олон асуудалд сайнаар нөлөөлнө гэж Хөдөлмөрийн бирж байгуулахыг дэмжигч талууд тайлбарлаж байгаа юм. Тухайлбал, цар тахлын аюул нүүрлэсэн үед эрүүл мэндийн үйлчилгээг шуурхай хүргэх тал дээр хэрэг болно гэж үзэж байна.