Ээж нь охиныхоо амьдралыг аврахын тулд өрөөсөн бөөрөө охиндоо өгөхөөр шийдэж, эх, охин хоёул бөөр шилжүүлэх мэс засал хийлгэжээ. Харин энэ хагалгаа ердийнхөөс илүү түгшүүртэй байсны учир нь хагалгааг робот эмч гардаж хийсэн байна. Европт анх удаа энэ хэмжээний хүнд мэс заслыг робот хийсэн тохиолдол энэ болж байгаа ажээ.

Өдгөө 57 настай Мануэла Стадерини гэгч эмэгтэйн охин Жиулиана Кампанани нь 37 настай бөгөөд бөөрний архаг дутагдалд орсон учир охиндоо амьдрал бэлэглэхийн тулд ээж нь өрөөсөн бөөрөө охиндоо өгөхөөр шийдсэн байна. Италийн Писа хотын их сургуулийн эмнэлэгт болсон бөөр шилжүүлэх мэс заслыг “Da Vinci” нэртэй робот гардаж хийсэн бөгөөд 50 минут үргэлжилжээ. Мэс засал өнгөрсөн сарын эхээр болж, одоо эх, охин хоёрын биеийн байдал сайн байгаа гэнэ.

С.Цэлмэг