Хүүхдийн бэлэгт агуулагдах сахарын хэмжээ их байгааг анхаарууллаа | News.MN

Хүүхдийн бэлэгт агуулагдах сахарын хэмжээ их байгааг анхаарууллаа

Хүүхдийн бэлэгт агуулагдах сахарын хэмжээ их байгааг анхаарууллаа

Хүүхдийн бэлэгт агуулагдах сахарын хэмжээ их байгааг анхаарууллаа

Мэргэжлийн хяналтын байгууллага Олон улсын хүүхдийн эрхийг хамгаалах өдөр буюу эх үрсийн баярын хүрээнд урьдчилан сэргийлэх хяналт шалгалтыг хийж байна. Нийт 309 аж ахуй нэгж байгууллага, 140 иргэнийг уг шалгалтад хамруулсан юм. 449 газрыг хамруулсан тус хяналт шалгалтаар 560 орчим зөрчлийг илрүүллээ. Иймд хүүхдийн бэлэг сонгохдоо сав баглаа боодлын бүрэн бүтэн байдал, хадгалах хугацаа, хадгалалтын горим алдагдсан эсэх, хаяг шошгыг сайтар нягтлахыг анхааруулж байна.

Мөн хүүхдийн бэлэгний сахарын агууламжид анхаарлаа хандуулахыг зөвлөв. Нэг ширхэг жүүс, нэг жигнэмэг, гурван төрлийн чихэр, түүнтэй төст бүтээгдэхүүн, нэг ширхэг шоколад буюу 6 ширхэг бүтээгдэхүүн орсон дундаж бэлэгний сахарын агууламжийг тооцож үзэхэд ойролцоогоор 412 грамм сахар агуулагддаг гэсэн судалгаа бий. Энэ нь ЭМЯ-ны гаргасан зөвлөмжөөр насанд хүрсэн хүний өдрийн сахарын хэрэглээ 25 грамм байдагтай харьцуулан үзэхэд даруй 16.5 дахин их байна.

Сахарын агууламж өндөртэй хүнсний бүтээгдэхүүнийг нэг дор их хэмжээгээр хэрэглэх нь хүүхдийн шүдийг өвчлүүлэх эрсдэлтэйгээс гадна хүүхдэд цатгалан мэдрэмжийг төрүүлж улмаар хоолны дуршлыг бууруулдаг. Энэ байдал удаан хугацаанд үргэлжилбэл хүүхэд шим тэжээлийн дутагдалд орох эрсдэлтэй юм.

Иймээс сахарын агууламж багатай, эрүүл, тэжээллэг, баталгаатай хүнсний бүтээгдэхүүн худалдан авахыг МХЕГ-аас зөвлөж байна.

Э.ЖОНОН

Энэ мэдээнд өгөх таны сэтгэгдэл?
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

2 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2020-05-31 124.44.156.207

Хамгаас хайртай хүүхдүүддээ БЭЛЭГ нэртэй ХОР мөнгөөрөө худалдан авч өгдгөө болимоор байна. Жигнэмэг-печенье, чихэр шоколад, цэлцэгнүүр, зефир, марлемад, зайрмаг, мөхөөлдөс, чипс, бохь, гаа, хийжүүлсэн ундаа, компот зэрэг нь хорт хавдрын эсийг үүсгэгчид, тэжээгчид гэсэн биз дээ?

Avatar

Bol 2020-05-31 202.126.88.38

Mongolchuud ymar ch bayariig idej uuhaar tusuulj dandaa idej uuj bayarlahiin yagaad tegdiin bol

NewsMN Гар утасны хувилбар Татах
NEWS.mn

Мэдээллийн эх сурвалж