АНУ-ын Хууль зүйн яамнаас Пүрэв гаригт (2020.5.28) Хойд Солонгосын 20 гаруй банкирын эсрэг олон улсад 2,5 тэрбум орчим ам.долларын мөнгө угаасан хэргээр хэрэг үүсгэснээ зарлалаа. Вашингтон хотын холбооны шүүхэд Хойд Солонгосын нийт 28 банкирыг мөнгө угаах, банкны залилан, гэмт хэргийн бүлэглэл байгуулсан гэх хэргийг үүсгэсэн байна. Энэ нь Хойд Солонгосын санхүүгийн системийн гишүүдийн эсрэг хэрэг үүсгэсэн анхны тохиолдол боллоо. Түүнчлэн уг хэрэгт Хятадын таван иргэн холбогджээ. Нийт 50 хуудас хэргийн материалд Хойд Солонгосын банкируудын 2013 оноос эхлэн Хятад, ОХУ, Тайланд, Ливи, Австри, Кувейт улсад мөнгө угаах гэмт хэрэг явуулсныг дурджээ.

АНУ нь Хойд Солонгосын цөмийн хөтөлбөр, баллистик пуужингийн туршилтын эсрэг тус улсын эсрэг эдийн засгийн хориг тавьсан юм.

Эх сурвалж: CNN