А.Намуунаа: IT-ийн салбарын сүүлийн үеийн технологид мэргэших боломжууд нээгдсэн | News.MN

А.Намуунаа: IT-ийн салбарын сүүлийн үеийн технологид мэргэших боломжууд нээгдсэн

А.Намуунаа: IT-ийн салбарын сүүлийн үеийн технологид мэргэших боломжууд нээгдсэн

А.Намуунаа: IT-ийн салбарын сүүлийн үеийн технологид мэргэших боломжууд нээгдсэн

Дижитал мэргэжилтэн бэлтгэх “Internship opportunity 2019”-ын оролцогч А.Намуунаатай ярилцлаа. Тэрбээр ШУТИС-ийн Мэдээлэл холбоо, технологийн сургуулийн гуравдугаар дамжаанд сүлжээний технологи мэргэжлээр суралцдаг. Голомт банкны Дижитал мэргэжилтэн өдөрлөгийн “Internship opportunity 2019”-д хамрагдаж байв.


-Internship opportunity хөтөлбөрт хамрагдаж байснаасаа хуваалцаач. Дижитал мэргэжилтэн өдөрлөгийн талаар оюутан залуустаа танилцуулбал?

-Энэхүү хөтөлбөрийн талаар анх сургууль дээр ирсэн танилцуулга болон Голомт банкны Facebook page-ээр мэдээлэл авч байсан. Дижитал мэргэжилтэн өдөрлөгийн Internship Opportunity хөтөлбөрийн гол зорилго нь IT чиглэлээр суралцаж байгаа оюутан залуусыг ажлын байранд гарахаас өмнө бэлтгэж, туршлагатай боловсон хүчин бий болгох, IT-ийн чиглэлийг танилцуулж оюутнуудад ажлын байраа сонгоход нь туслах явдал юм.

-Хөтөлбөрт хэрхэн хамрагдсан бэ? "Covid-19"-ийн хөл хориотой энэ үед хэрхэн бүртгүүлэх вэ, өдөрлөг хэзээ зохион байгуулагдах вэ?

-Хөтөлбөрт хамрагдахын тулд Дижитал мэргэжилтэн өдөрлөгт оролцож дадлага хийх эрхээ олж авдаг. Өмнөх жилүүдийн хувьд танхимын арга хэмжээтэй байсан. Шалгаруулалтад оролцоход оюутны сурлага, гаргасан амжилтаас илүү хандлага буюу soft skill-ийг чухалчилж байгаа санагдсан. Бүх зүйлээ эхнээс нь заалгаад, биеэ дааж судлаад явдаг учраас хэн илүү голч оноотой, илүү олон зүйл мэддэг нь чухал биш, харин хэн илүү их хичээл зүтгэлтэй, зөв хандлагатай вэ гэдгийг хардаг. Мөн хөтөлбөрт хамрагдсанаар илүү олон талын ур чадварууд нэмж, чөлөөт цагаа зөв боловсон өнгөрүүлж байсан. Энэ жилийн хувьд хөл хориотой холбогдуулан цахимаар бүртгэлээ явуулахаар болсон. Бүртгэл нь тавдугаар сарын 29-нд хаагдаж, бүртгүүлсэн хүүхдүүд Zoom аппликейшнээр Голомт банкны мэргэжилтнүүдийн илтгэлийг сонсож шалгаруулалтдаа орох юм.

-Хөтөлбөрийн давуу тал юу байв? Бусад ижил төстэй хөтөлбөрүүдээс юугаараа ялгаатай байсан бэ?

-Бодит орчинд удаан хугацааны турш дадлага хийлгэдэг нь бусад газруудаас ялгагдах давуу тал юм болов уу. Ихэнх үйлдвэрийн дадлагууд 21-30 хоног үргэлжилдэг. Энэ хугацаанд хүссэн хэмжээндээ туршлага хуримтлуулж чадахгүй байх тохиолдол их байдаг. Харин тус хөтөлбөрт хүүхдүүд багадаа 2 сараас 1 жил хүртэлх хугацаанд хамрагдах боломжтой бөгөөд давхар олон сургалтад хамрагддаг. Өнгөрсөн жил мэргэжилтнүүдийн илтгэл маш их урам зориг өгсөн, бас тусгайлан сонирхсон асуултуудаа асууж олон зүйл дээр тодруулга хийж байсан нь энэ хөтөлбөрийн бас нэг давуу тал гэж бодож байна. Энэ жил мөн адил хөтөлбөрт бүртгүүлсэн хүүхдүүдэд мэргэжилтнүүд илтгэл тавьж, сонирхсон асуултуудад хариулт өгөхөөр байгаа.

-Энэхүү хөтөлбөрт хамрагдсанаараа оюутан залууст ямар боломжууд нээгддэг вэ? Таны хувьд олж авсан боломжууд юу байв?

-Том байгууллагад дадлага хийснээр системтэй ажиллаж сурдаг. Энэ нь төгсөөд ажлын талбарт гарахад маш их туршлага болохоор санагдсан. Миний хувьд IT-ийн салбарт хэрэглэгдэж буй сүүлийн үеийн технологийн чиг хандлага, тэдгээрт мэргэших, биеэ дааж судлах боломжууд нээгдсэн. Голомт банкны зүгээс дадлага хийсэн оюутнууддаа олгодог том боломжуудын нэг бол сургалтын төлбөрийн тэтгэлэг олгох юм. Мөн хөтөлбөрт хамрагдсанаараа ирээдүйд хийх, хийж болох зүйлсээ илүү нарийн, бодитойгоор мэдэж авсан.

-Бусад оюутан залуустаа хандаж юу хэлэх вэ?

-Энэхүү хөтөлбөрийг Голомт банк Монголдоо анхлан нэвтрүүлсэн гэж хэлж болно. Маш олон хүүхэд бүртгүүлдэг ч зарим нь орох боломжгүй болдог. Хэдий хөтөлбөрт тэнцэж чадаагүй ч гэсэн ирэх жил дахиад л боломж гарна гэдгийг хэлмээр байна. Хөтөлбөрт тэнцсэн тохиолдолд илүү их хичээж дадлагын хугацаандаа хувь хүний хөгжлийн талаас цаг барилт, багаар хамтарч ажиллах чадвараа ахиулах, мэргэжлийн тал дээрээ өөрийгөө илүү сайжруулаарай гэж захимаар байна.

-Ярилцсанд баярлалаа, амжилт хүсье.

-Баярлалаа.

Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж