Цагдаа нар өнгөт арьст эрийг хөнөөсөнд бухимдсан иргэд дэлгүүр ухжээ

Цагдаа нар зэвсэггүй өнгөт арьст эрийг сэжигтэн хэмээн баривчилж байхдаа хүзүүн дээр нь хэт чанга, удаан өвдөглөснөөс болж амийг нь хөнөөсөн хэрэг энэ долоо хоногийн эхээр гарч, газар дээр нь иргэдийн гар утсаараа бичсэн бичлэг цахим орчинд тарж олныг сэрдхийлгэсэн билээ. Улмаар Миннеаполис хотод дээрх явдалд хилэгнэсэн иргэд эмх замбараагүй байдал үүсгэж, олон дэлгүүрийг хоосложээ.

This is awful out here. No police. Looting continues pic.twitter.com/087TpNWhPV
— Karen Scullin FOX9 (@kscullinfox9) May 27, 2020

Target is getting cleaned out pic.twitter.com/0OGSHY132k
— Karen Scullin FOX9 (@kscullinfox9) May 27, 2020

Өчигдөр/2020.05.27/ цагдаа нарын бүдүүлэг үйлдлийг буруушааж, Жеорж Флойдын үхэлд буруутган Миннеаполис хотод иргэд хоёр дахь өдрөө жагссан юм. Гэвч жагсаал цааш даамжирч, зарим жагсагчид хэд хэдэн дэлгүүрийн цонх, хаалгыг эвдэн орж, барааг нь хулгайлцгаасан байна.

After staying peaceful for hours, protestors have started vandalizing 3rd Precinct. @MPRnews pic.twitter.com/CdySTM5Sp4
— christine nguyen (@xinewin) May 27, 2020

Жагсаал анх Миннесотагийн цагдаагийн газрын гуравдугаар хэлтсийн гадаа эхэлсэн бөгөөд удалгүй жагсагчид ойр орчмын хашааг нурааж, цонхнуудыг хагалж, бүхнийг сүйтгэж эхэлсэн аж. Тавдугаар сарын 26-ны жагсаалыг цагдаа нар нулимс асгаруулагч хий, резинэн сумаар галлаж тараасан ч өчигдрийн хувьд цагдаа нар хүчээ багасган, цагдаагийн хэлтсийн барилгын дээвэр дээр гаран зогсож, цөөн тооны нулимс асгаруулагч хэрэглэжээ.

Officers on the roof of the precinct have been firing flash grenades and other projectiles into crowd. pic.twitter.com/riE0dPbuWB
— Ricardo Lopez (@rljourno) May 28, 2020

Мөн зарим жагсагчид Жеорж Флойдын баривчилгаанд оролцсон цагдаа нарын нэг болох Дерек Чаувины гэрийн гадаа цугларч, эсэргүүцлээ илэрхийлжээ.