Чойжин ламын сүм музейг батлагдсан зураг төслийн дагуу тохижуулж байна | News.MN

Чойжин ламын сүм музейг батлагдсан зураг төслийн дагуу тохижуулж байна

Чойжин ламын сүм музейг батлагдсан зураг төслийн дагуу тохижуулж байна

Чойжин ламын сүм музейг батлагдсан зураг төслийн дагуу тохижуулж байна

Чойжин ламын сүм музейн тохижилтын явцын талаар өнөөдөр нийслэлийн Хот байгуулалт, хөгжлийн газрын Ерөнхий архитекторын ажлын албаны дарга А.Баттөмөр, Монголын урлагийн зөвлөлийн гүйцэтгэх захирал О.Одгэрэл, Соёлын өвийн хөтөлбөрийн захирал Д.Баянмөнх, Чойжин ламын сүм музейн захирал Д.Отгонсүрэн нар өнөөдөр мэдээлэл өглөө.

Нийслэлийн Хот байгуулалт, хөгжлийн газрын  Ерөнхий архитекторын ажлын албаны дарга А.Баттөмөр “Монгол Улсын Засгийн газрын 2001 оны тогтоолоор Чойжин ламын сүм музейн 2,1 га газар хамгаалалтын горимд шилжсэн. Одоогийн нөхцөлд Чойжин ламын сүм музей нь баруун, хойд хэсгээр автомашины зогсоол шахсан,  явган хүн болон жуулчид зорчих замгүй. Өнгөрсөн онд БСШУЯ болон Чойжин ламын сүм музейн удирдлагууд нийслэлийн Хот байгуулалт хөгжлийн газарт хамгаалалтын бүсэд байсан аж ахуйн нэгжүүдийг хамгаалалтын бүсээс гаргах, хөдөлгөөний аюулгүй байдлыг хангуулах, цаашид музейг тохижуулах хүсэлт тавьсны дагуу мэргэжлийн байгууллагууд ажиллаж тохижилтын ажлын зураг батлагдсан байгаа. Чойжин ламын сүм музейн тохижилтын дагуу нийт 6000 м/кв талбайн 60 хувьд нь ногоон байгууламж, 20 хувьд нь 40 автомашины зогсоол, үлдсэн 20 хувьд нь явган хүний зам баригдана. Мөн музейн баруун зүүн талд явган хүний зам хийж автомашины замаас тусгаарлана” хэмээн мэдээллээ.

Монголын урлагийн зөвлөлийн гүйцэтгэх захирал О.Одгэрэл “2017 оноос Австралийн иргэний тусламжтайгаар  Чойжин ламын сүм музейн  дурсгалт барилгад эрсдэл учруулж болох нөлөөллийн судалгааг хийж тайлан гаргасан. Хамгийн түрүүнд орчны нөлөөллийн судалгаанаас гарсан зөвлөмжийн дагуу төсөл бичихэд  "MCS" групп нийгмийн хариуцлагын хүрээнд дэмжиж одоогоор гадна орчны тохижилтын ажлууд хийгдэж эхлээд байна” гэв. Энэ үеэр “Чойжин ламын сүм музейн тохижилтын төслийг соёлын өвийг хамгаалах чиглэлээр төр хувийн хэвшлийн хамтарсан “Өв Эрдэнэ” анхны төсөл хэрэгжиж байна” хэмээн  Монголын урлагийн зөвлөлийн Соёлын өвийн хөтөлбөрийн захирал Д.Баянмөнх онцолж хэлсэн юм.

Чойжин ламын сүм музейн захирал Д.Отгонсүрэн “Чойжин ламын сүм музейн  дурсгалт барилгад эрсдэл учруулж болох 9 төрлийн судалгааг хийж зөвлөмжийг гаргасан. Энэ хүрээнд нийслэлийн Хот тохижилтын газарт хандаж зураг төслийг батлуулж, музейн  гэрэлтүүлэг, ногоон байгууламж, явган хүний зам талбайг өнгөрсөн онд хийж гүйцэтгэсэн. Энэ онд музейн урд хэсгийн тохижилтыг үргэлжлүүлэн хийж байна. Музейн эргэн тойронд хувь хүмүүсийн автомашинаа тавьдаг зогсоол бий. Гэтэл манайх үйлчилгээний байгууллага атал жуулчдын автомашины зогсоолгүй. Үйлчилгээний байгууллага нь дэлхийн жишгээр автомашины зогсоолтой байх ёстой. Мөн явган хүний замгүй, том оврын жуулчдын автобус зогсоход түгжрэл үүсдэг. Жуулчдад ая тухгүй, хүнд байдаг тул маш их хүсэл, санал ирүүлдэг байсан. Одоогийн зогсоол хийж буй газар хууль бус тоосгон байшин 10 гаруй жил байсан. Хотын Захирагч С.Амарсайхан хууль бус газрын асуудлыг цэгцэлж, хөрөнгийг шийдвэрлэж энэхүү байшинг нураалгах үүргийг холбогдох албаныханд өгснөөр бид тохижилтын ажлуудыг эхлүүлээд явж байна. Сүүлийн үед цахим мэдээллийн хэрэгслээр өөр газрын зогсоол болчихлоо гэх мэт худал ташаа мэдээлэл явж байна. Буулгасан хоёр давхар тоосгон байшингийн буурин дээр баригдсан авто машины зогсоол нь албан ёсоор музейн эзэмшлийн болж байгааг хэлье”хэмээлээ.

Чойжин ламын сүм музейд авто зогсоол баригдаж байгаа бөгөөд дараагаар ньь ногоон байгууламж хийгдэж, явган хүний зам баригдах юм байна.

Нийслэлийн ЗДТГ-ын Хэвлэл мэдээлэлтэй харилцах хэлтэс

Энэ мэдээнд өгөх таны сэтгэгдэл?
3
ЗөвЗөв
2
ТэнэглэлТэнэглэл
1
ХахаХаха
1
БурууБуруу
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
Баярлалаа!

11 сэтгэгдэл

News.mn сайтад сэтгэгдэл оруулахад анхаарах зүйлс

Avatar

өө 2020-05-27 192.82.77.34

Хотын Захирагч С.БАТБОЛД хууль бус газрын асуудлыг цэгцэлж, байшинг нураалгах үүргийг холбогдох албаныханд өгсөн.

Avatar

БОДЛЫН ХУЛГАЙЧ 2020-05-27 66.181.167.53

МАШИН ЗАМ ЯАХ ВЭ. СҮМНИЙХЭЭ ӨНГӨ БУДАГИЙГ СЭРГЭЭХ ЮМСАН. ДОТООД ЗАСАЛ ГЭЭД ХИЙХ ЮМ ИХ БАЙНА ДАА. MCS САЙН ҮЙЛСИЙН ЭХЛЭЛИЙГ ТАВЬЖ ЧАДВАЛ БУСАД ТОМ ТОМ КОМПАНУУД ДАГАН ДУУРИАХ ҮЛГЭРЛЭЛ НЬ БОЛНО.

Avatar

Зочин 2020-05-27 202.9.46.224

ХЭН БАТАЛСАН ЮМ БЭ? ОДОО БАЙСНАА СҮМ РҮҮ ХАР ГАРАА ОРУУЛАХ ГЭЖ БАЙНАУУ? БАТ-ЭРДЭНЭ ГЭЖ НЭГ САХАЛТАЙ КОНЦЕССИЙН ХЭРЭГТЭН ҮҮ?

Avatar

Шангрила Моллын үйлчилүүлэгчид та бүхэн тавтай морилно уу 2020-05-27 144.217.108.11

Чойжин ламын сүм музейн захирал Д.Отгонсүрэн гэх УИХ-ын гишүүн Ж.Бат -Эрдэнийн залуу эхнэр MCS-д монгол төрийн эзэмшлийн музейн газрыг худалдаж 79 машины авто зогсоол болгов.

Avatar

Зочин 2020-05-27 202.9.46.224

Сахал Ж.Бат-Эрдэний эхнэр гээд тасарсан хүүхний зураг яваад байсан. Бодитоороо баян хүний эхнэр гэхээргүй суга царайтай юу гүү юу

Avatar

Зочин 2020-05-27 103.10.22.140

Чи хэдэн удаа хэдэн саытад ингэж сэтгэгдэл бичээд ямар халтар цаас олсон болдоо вэ

Avatar

Ард 2020-05-27 49.0.212.203

Толгойгүй мэт аашилж байгаагаас маш ойлгомжтой зүйлүүдийг цаашид хэрүүлийн алим болгоод байх юм уу? Ингэж хийх нь зөв.

Avatar

Зочин 2020-05-27 202.9.46.224

Шангрила Моллын машины зогсоол нь үнэн. Хайран музей

Avatar

FUCK MCS 2020-05-27 57.73.48.37

MCS iin zogsool u?

Avatar

Зочин 2020-05-27 202.55.191.130

Щааваас, уншаад ойлгох тархигүй байж сэтгэгдэл бичиж яана аа.

Avatar

Зочин 2020-05-27 202.55.188.36

uursdiin zogsool bsn deerldee .

NewsMN Гар утасны хувилбар Татах
NEWS.mn

Мэдээллийн эх сурвалж