Шинэ төрлийн коронавирусийн халдвараар дэлхийд дээгүүрт жагсч буй Франц улсад сүүлийн 24 цагийн дотор нэг ч шинэ халдвар нэмж бүртгэгдээгүй байна.

Тус улсад өнөөдрийн байдлаар нийт халдвар авсан хүний тоо 182 мянга 722 байгаа юм. Харин нас баралт 98-аар нэмэгдэж, нийт барагсдын тоо 28 мянга 530-д хүрсэн байна. Францад ийнхүү зургаа хоног дараалан нас баралт 100-аас доош тоо руу орсон нь энэ аж. Тус улсад дөрөвдүгээр сарын 1-нээс 15-ны хооронд өдөрт дунджаар 910 хүн нас барж байсан юм.

Үүнээс 88 мянга гаруй хүн эмнэлэгт хэвтэн эмчлүүлж байгаа ба эдгэрсэн хүний тоо 65 мянга давжээ. Одоогоор кафе, ресторан хаалттай байгаа бөгөөд иргэд зайлшгүй шалтгаанаар гэрээсээ 100 километр хүртэл газар явах боломжтой байгаа юм.

Эх сурвалж:  France24, Worldometers