“ШӨХТГ шатахуун импортлогчидтой хуйвалдаж байна” | News.MN

“ШӨХТГ шатахуун импортлогчидтой хуйвалдаж байна”

“ШӨХТГ шатахуун импортлогчидтой хуйвалдаж байна”

“ШӨХТГ шатахуун импортлогчидтой хуйвалдаж байна”

Шударга өрсөлдөөн хэрэглэгчийн төлөө газрын үүдэнд өнөөдөр /2020.05.27/ Монголын шатахуун хэрэглэгчдийн холбооны гүйцэтгэх захирал Б.Сайнбаяр шатахууны үнэ болон чанарын асуудлаар мэдээлэл хийлээ.


Тэрбээр “АИ-80 шатахууны хувьд тавдугаар сарын 15-наас зургадугаар сарын 15-ны өдрүүдэд 800 төгрөг, АИ-92 шатахуун 900 төгрөг, дизель түлш 1300 төгрөгөөр зах зээл дээр борлуулах бүрэн боломжтой. Бидний шаардлагын хариуг төр засаг хэзээ ч хэрэгжүүлэхгүй юм байна гэдгийг тавдугаар сарын 13-нд Байнгын хорооны хурлаар харлаа. Монгол Улсад нэг ч төгрөгийн татвар төлдөггүй нефтийн нэмэлт бүтээгдэхүүн дээр татвар нэмэгдүүлэх хууль орж, Эдийн засгийн байнгын хорооны хурлаар уналаа. Ингэхдээ стандарт байхгүй бүтээгдэхүүнд татвар ногдуулахгүй гэдэг үндэслэл хэлж байна. Бид дөрөвдүгээр сард лайв хийхдээ “Стандартын шаардлага хангахгүй бүтээгдэхүүн байна. Энийг зах зээлээс татаач ээ” гэдэг мэдэгдлийг хийсэн. Тэгсэн даваа гаригт Шударга өрсөлдөөн хэрэглэгчийн төлөө газраас сүр дуулиантайгаар хэвлэлийн хурал хийж, шалгалт хийхээ мэдэгдсэн. Энэ үеэрээ шалгалтын дүн гурав хоногийн дараа гарна” гэсэн. Өнөөдөр тэр өдрөөс хойш 45 хоноход тус газраас нэг ч тайлбар хийсэнгүй. Энэ бол шатахуун импортлогчидтой хуйвалдаж байгаагийн тод жишээ. Би хоёр долоо хоногийн өмнө Шударга өрсөлдөөн хэрэглэгчийн төлөө газрын дарга нартай уулзаж, мэдээлэл хийгээч ээ гэдгийг хэлсэн. Тухайн үедээ мэдээлэл хийнэ гэж байсан боловч өнөөдрийг хүртэл юу ч дугарсангүй.

Ашигт малтмал, газрын тосны газрын нэр бүхий мэргэжилтнүүд хэвлэлийн хурал хийлээ. Уг хурлаар шатахууны үнийг 100 төгрөгөөр буулгаж, зах зээлийн зарчмаар явж байгаа гэсэн. Гэтэл өнөөдөр шатахууны үнэ зах зээлийн зарчмаараа явж чадахгүй байна. Бидний тооцооллоор тавдугаар сарын хил үнийг хийсэн. Үүнд тавдугаар сарын 15-наас зургадугаар сарын 15 хүртэл Монгол Улсад хилээр орж ирэх нефтийн бүтээгдэхүүний үнийг харахад одоо шатахуун түгээх станцад АИ-80 бензин 643 төгрөг, АИ-92 нь 735 төгрөг, дизель түлш 1178 төгрөгөөр ирж, импортлогч компаниуд 40 хувийн ашигтай ажилладаг. Гэтэл өнөөдөр тэд 10 хувийн ашигтай ажилладаг гэж хэлж байна. Өчигдөр АМГТГ-ын газрын тосны асуудал хариуцсан орлогч дарга Ц.Эрдэнэбаяр зургадугаар сарын хил үнээ авсан гэсэн. Үүний дагуу зургадугаар сарын 15-наас долдугаар сарын 15-ныг хүртэлх тооцооллыг хийхэд АИ-80 бензин 868 төгрөг, АИ-92 нь 1493 төгрөг, дизель түлш 1493 төгрөгөөр Монгол Улсад орж ирэх юм байна. Гэтэл зургадугаар сарын хил үнээс буулгаж болохоор байхад дизель түлшийг 1400 төгрөг, АИ-92 шатахууныг 1300 төгрөг, АИ-80 бензинийг 1200 төгрөгөөр борлуулж байгаа нь зах зээлийн зарчим мөн үү” гэдгийг хэлсэн юм.

Шударга өрсөлдөөн хэрэглэгчийн төлөө газраас дөрөвдүгээр сарын 20-нд шатахууны чанар, дүүргэлтэд Ашигт малтмал газрын тосны газар, Мэргэжлийн хяналтын ерөнхий газар, Стандарт хэмжил зүйн газартай хамтран шалгалт хийж буй талаар мэдээлэл хийсэн. Энэ шалгалтын талаар тус газраас тодруулахад “Тухайн үед мэдээлэл хийхэд шатахууны лабораторийн шинжилгээг гурав хоногт хийнэ гэж мэдээлсэн. Уг хяналт шалгалтын удирдамжийн хугацаа нь 30 хоног байсан. Энэ хугацааг сунгаж, шалгалтыг үргэлжлүүлэн хийж байгаа” гэдэг хариултыг өглөө.

Уг хяналт шалгалтын талаар өмнө нь тус газрын дэд дарга Н.Бямбадоржоос тодруулахад “Манай байгууллагаас ахлан Мэргэжлийн хяналтын ерөнхий газар, Стандартчилал, хэмжил зүйн газар, Ашигт малтмал газрын тосны газартай хамтран нэгдсэн хяналт шалгалтыг хийлээ. Уг хяналт шалгалтын гол зорилго нь олон нийтээс шатахууны үнэ буурсантай холбоотойгоор хуурамч шатахуун түгээж байж магадгүй гэдэг хардлага маш их явж байгаа. Ер нь манайхаас болон мэргэжлийн хяналтын байгууллагаас үе үе гэнэтийн шалгалтыг хийдэг. Энэ удаа олон нийтэд зарлаж байгаад гэнэтийн байдлаар хоёр өдрийн шалгалтыг хийлээ. Шалгалт үндсэндээ нэг сарын хугацаанд үргэлжилнэ.

Бидний зүгээс нийтдээ жижиглэнгээр шатахуун борлуулдаг 18 аж ахуй нэгжийн шатахуун түгээх станцуудыг түүвэрлэн, шалгалт хийх ажил маань дөрөвдүгээр сарын 20, 21-нд яваад дууссан. Үндсэндээ нэг байгууллагын нэг станц гэдэг маягаар дээж авч, дөрвөн үзүүлэлтийг хэмжиж, шалгах юм. Нэгдүгээрт, нефть импортлогч компаниудын шатахуун түгээх станц дээр байх ёстой гааль, шинжилгээний бичиг баримт нь бүрэн эсэх. Хоёрдугаарт, бүгд Стандартчилал хэмжил зүйн газраас жилд хоёр удаа баталгаажуулж, лацаддаг тэрийг хөндсөн байна уу гэдгийг шалгасан. Гуравдугаарт, газар дээр нь шатахууны шахалт нь хэмжээндээ байна уу. Дөрөвдүгээрт, бүх шатахуун түгээх станцуудаар худалдаалж буй шатахуунуудаас дээж авсан. Бид актоноос гадна 10 гаруй үзүүлэлтийг шалгаж, шинжилдэг. Шинжилгээ хийдэг багаж маань бас тоотой. Нэг шинжилгээ хийж дууссаны дараагийн шинжилгээг хийдэг. Тийм учраас олон дээжийг шинжлэхэд хугацаа шаардана. Хоёр өдрийн шалгалтын эхний өдрүүдэд Шатахуун хэрэглэгчдийн холбооноос хөндлөнгийн хяналт тавьж, дагаж явсан.

Газар дээр нь хийсэн шалгалтаар ямар нэгэн ноцтой зөрчил илрээгүй. Шатахууны лац ломбо, шахалт хэмжээндээ байлаа. Гэхдээ эцсийн байдлаар дүгнэлт хараахан гараагүй байна" гэдгийг хэлж байв.

А.СҮРЭН

Энэ мэдээнд өгөх таны сэтгэгдэл?
3
ЗөвЗөв
2
ТэнэглэлТэнэглэл
1
ХарамсалтайХарамсалтай
1
БурууБуруу
0
ХахаХаха
0
ХөөрхөнХөөрхөн
0
ГайхмаарГайхмаар
Баярлалаа!

Холбоотой мэдээ

11 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Иргэн 2020-05-27 117.111.27.104

Тэр сүртэй тэмцээд байсан үнэн худалын дэнс гээд байсан залуу яасан бэ? Би тууштай тэмцэн нтр гээд байсан яасан бэ? Эсвэл тэр бензин колонкийн захирлууд мөнгө өгж хахуулдаад дуугуй бологцон уу ийм идэвгүй байж болохгүй шүү дээ

Avatar

BENZINII CHENJUUDIIG USTGA 2020-05-27 182.160.33.160

DELHIIN ZARJ BGAA UNEER AVAAD MONGOLD ASHIG HARAAD ZARAHAD L 1 LITR 92 GEHED 1000 TUGRUGUUR ZARAHAD HANGALTTAI ASHIG UNAJ BGAA, GOL N TORIIN TOMCHUUL BUGD BENZINII CHENJUUDEES MUNGU AVTSAN, BULDEGDUULTSEN GARUUD L BAIGAA UM SHIGEE, MUNDAG HUN TORD GARJ IREED BENZINII HUDALDAAG ZUBHUN TOR HARIUTSDAG BOLGOOROOO, TEGVEL ASUUDALGUI BOLNO

Avatar

zochin 2020-05-27 120.17.130.51

disel tulsh busad orond hymdhan bdag manaid yagaad iim unetei bdiin eniig saitar sudalj uzeh heregtei tsagdaa shuuh meregjliin hynaltn ajilaa hiilder iim undur unetei dizel tulshtei bsaar baihuu chuhal asuudal shoo

Avatar

Зочин 2020-05-27 202.21.100.210

та нар чих дүлий төр засагт хандаад хэрэггүй бүх машин барьдаг жирийн иргэдэд ханд "Ард түмнээ сонсож чадахгүй намыг УИХ-н ээлжит сонгуулийн үеэр солих 4 жилд тохиолддог ганц боломжийг ашиглахыг ойлгуул

Avatar

Зочин 2020-05-27 213.171.196.70

АНАНД БАЗАР МЭТИЙН ШАТАХУУН ДАМЛАГЧИДЫГ УИХ-Д ОРУУЛАХГҮЙ БАЙХ ХЭРЭГТЭЙ.

Avatar

Зочин 2020-05-27 203.169.48.150

Сонгууль дөхөрөөр солиорч эхэлдэг шантаажны амьтад байдаг шүү

Avatar

санаа 2020-05-27 112.72.8.90

хөөрхий дөө. бид ч үнэхээр өрөвдөлтэй улс юмаа даа. сүржин бас даржин. бидэнд маргааш гэж байдаг ч юм уу үгүй ч юм уу. хуурч мэхлэхгүй бол амьдрал байхгүй юмаа даа янз нь.

Avatar

Зочин 2020-05-27 203.91.115.51

Инээлтэй л байх юм даа. Машины цагаан гол дуугараад хүч юу ч байхгүй болоод байгаа юм даа. Импортлогчид гээд байгаа луйварчидийг бүгдийг нь шоронд хийж шалгах хэрэгтэй. Бид шатахуунгүй болсон ч яах вэ. Шатахууны импортыг улс гартаа авах ёстой шүү.

Avatar

Зочин 2020-05-27 203.169.48.150

юу ч мэдэхгүй хоосон толгойлчихоод худлаа яриад байх юм. Цагаан гол гэж хуучины машинд л байдаг юм. шатахуунаас болж цагаан гол нь дугардаггүй

Avatar

тэнэгүүдэд зориулав 2020-05-27 202.55.184.18

Шатахууны үнийг буулгалгүйгээр татвараа нэмсэн бол энэ хэцүү цаг үед төсөв овоо бүрдэх байлаа. Шатахуун хямдрахад буудаггүй өргөн хэрэглээний үнэ шатахуун өсөхөд дагаад өснө. бүүр огцом өснө.
Мөнгөний төлөө нүдээ өгөхөөс буцахгүй шантаажчин, тэрнийг дагасан ямбий машиныхаа эвдрэлийг бензин уруу чихсэн хөлдүүнүүдийн үгээр үг хийж байхаар илүү бодитой зүйлийн төлөө тэмцэх байлаа. Сая тэр нефтийн нэмэлт гээд хулхи шатахууны түүхий эдэд татвар оноохыг бүх нийтээрээ лэмжээд жагсахгүй яасан юм.

Avatar

Зочин 2020-05-27 192.82.73.66

ШӨХТГ гэж болохгүй бүтэхгүй бүхэнтэй хуйвалдсан новшийн газар байх юм. Бушуухан татан буулгаж үз

NewsMN Гар утасны хувилбар Татах
NEWS.mn

Мэдээллийн эх сурвалж