"Салхитын мөнгөний орд"-ны хэрэгт хоёр шүүгчийг цагаатгав | News.MN

"Салхитын мөнгөний орд"-ны хэрэгт хоёр шүүгчийг цагаатгав

"Салхитын мөнгөний орд"-ны хэрэгт хоёр шүүгчийг цагаатгав

"Салхитын мөнгөний орд"-ны хэрэгт хоёр шүүгчийг цагаатгав

“Салхитын мөнгөний орд"-ын хэрэгт холбогдсон Б.Мөнгөншагай нарын нэр бүхий 15 хүнд холбогдох шүүх хурал тавдугаар сарын 22-ны өдөр  болсон. Энэхүү хэрэгт холбогдсон шүүгч Ц.Амарсайханы эрүүл мэндийн байдлыг харгалзан үзэж, хэргийг тусгаарласан бөгөөд Б.Мөнгөншагай нарт ял оноож, нэр бүхий хоёр шүүгчийг цагаатгах шийдвэр гаргасан юм. Шүүхийн зүгээс дээрх хуралдааны албан ёсны шийдвэрийг өнөөдөр /2020.05.26/ танилцууллаа.

Салхитын мөнгөний ордын хэрэгт холбогдуулан:

  • Улсын дээд шүүхийн Иргэний хэргийн танхимын шүүгч Г.Цагаанцоож, Ц.Амарсайхан, Д.Цолмон,
  • Захиргааны хэргийн давж заалдах шатны шүүхийн шүүгч Э.Халиунбаяр,
  • Сонгинохайрхан дүүргийн Иргэний хэргийн анхан шатны шүүхийн ерөнхий шүүгч Б.Цолмонбаатар,

Чингэлтэй дүүргийн Иргэний хэргийн анхан шатны шүүхийн ерөнхий шүүгч Б.Сайханцэцэг, хахууль өгсөн үйлдэлд Ш.Мөнгөншагай, Г.Жаргалан, зуучилсан үйлдэлд Хан-Уул дүүргийн Цагдаагийн I хэлтсийн Мөрдөн байцаах тасгийн даргаар ажиллаж байсан, хошууч Г.Алтан-Очир нарын 15 хүнийг буруутган, НПГ-аас яллах дүгнэлт үйлдэж, тус шүүхэд шилжүүлээд байсан.

Тэгвэл шүүгдэгч Н.Мөнгөншагай, Г.Жаргалан нарыг өөртөө болон бусдад давуу байдлыг бий болгох зорилгоор бусдад хээл хахууль өгсөн хэргийг үйлдсэн гэм буруутайд тооцож шүүхээс 2-5 жилийн хорих ялаар шийтгэжээ.

Харин хахууль авсан хэрэгт шүүхээс Сонгинохайрхан дүүргийн Иргэний хэргийн анхан шатны шүүхийн ерөнхий шүүгч Б.Цолмонбаатарт таван жил, Захиргааны хэргийн давж заалдах шатны шүүхийн шүүгч Э.Халиунбаярт гурван жилийн хорих ял оноосон байна.

Монгол улсын дээд шүүхийн хоёр шүүгчийг энэ хэрэгт холбогдуулан шалгасан.Шүүгч Д.Цолмон, Г.Цагаанцоож нар хээл хахууль авсан нь  нотлох баримтаар тогтоогдоогүй учраас тэднийг цагаатгажээ.

Шүүхээс гэмт хэрэг үйлдэж олсон  мөнгө байна гэж үзээд шүүгдэгч Б.Цолмонбаатараас 60 сая төгрөг, н.Уранчимэгээс 35 сая төгрөг Хан-Уул дүүргийн Цагдаагийн I хэлтсийн Мөрдөн байцаах тасгийн даргаар ажиллаж байсан хошууч Г.Алтан-Очироос 50 сая төгрөг гаргуулахаар шийдвэрлэсэн байна. 

 Нийслэлийн Хан-уул дүүргийн эрүүгийн анхан шатны шүүхийн ерөнхий шүүгч И.ГАНБАТ:

-Хэрэгт эд мөрийн баримтаар ирүүлсэн сая 425 мянга 200 ам.долларыг шүүх улсын орлого болгохоор шийдвэрлэсэн. Өчигдөр  цахим орчинд тарсан бичлэг нь 2008 оны есдүгээр сарын 14-ны өдөр шүүгдэгч Б.Мөнгөншагайн хөлсөлж байсан Сүхбаатар дүүрэгт байрлах 220 барилга дотор гүйцэтгэх ажиллагаа явуулах үед  хийгдсэн бичлэг.

Энэ бичлэг бол  шүүхийн хэлэлцүүлэгт хэлэлцэгдээгүй нотлох баримт. Өөрөөр хэлбэл, 27-28 хавтаст хэрэг дотор тэр бичлэг ирээгүй.  Харин  бичлэг дээрх байшин, нөхцөл байдлын талаар хавтас хэрэгт гараар бичиж нотлох баримтаар хавсаргасан байсан.

Цахим орчинд гарсан шиг шүүгч нар мөнгөө хувааж байгаа бичлэгээ хараад биеийн байдал хүндэрсэн гэдэг нь худал. Шүүхийн хэлэлцүүлэгт шүүгдэгч н.Өнөрцэцэг нотлох баримт судалж байх явцад бие нь эвгүйтэж ухаан алдсан.  Улмаар хуульд заасан хүндэтгэн үзэх шалтгаан гарсан учраас эмнэлэгт хэвтүүлсэн.Шүүх хуралдааныг цааш үргэлжлүүлэх боломжгүй болсон учраас , шүүгдэгч Б.Сайханцэцэгтэй хамт хэргээс тусгаарласан байна. Эмнэлгээс гарсан үед нь тухайн хоёр хүний хэргийг дахин хянан хэлэлцэнэ.  Түүнээс биш мөрдөн байцаалтад буцаасан зүйлгүй" гэв.

Э.БУРАМ

Энэ мэдээнд өгөх таны сэтгэгдэл?
7
ТэнэглэлТэнэглэл
2
ХахаХаха
1
ЗөвЗөв
1
БурууБуруу
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
Баярлалаа!

16 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Zochin 2020-05-26 202.9.40.70

N. Uranchimeg bol estoi zuv ylaa avsan bna shuuh shudarga shuusen.. Aimaar avgai dandaa hahuuli ugch uuriin tald shiiduuldeg bi hohirogch n bna.. Ene avgai torond orson n olon huniig avarch chadlaa da.. Shiidvert setgel hangaluun bna

Avatar

Цэндсүрэн ? 2020-05-26 103.57.94.126

М.Цэндсүрэн гэж өмгөөлөгч төрийн байгууллагад өмгөөлөл хийгээд прокурор, шүүхийнхэнд хахуулийн зуучлал хийдэг аймаар авгай гэсэн. Иргэний нисэхийн ерөнхий газрын ариунболд гээд даргатай нийлж өмгөөлөл хийх нэрээр мөнгө угаадаг аж. Энэ аймаар авгайг АТГ-т өгөхөд зөндөө факт гарна даа.

Avatar

зочин 2020-05-26 203.91.115.245

Хүнийг нэр устай зарлаж байгааг харахад ард нь баримт байдаг л байгаа даа

Avatar

зочин 2020-05-26 64.119.22.174

хориход нас барсан шүүгч гавьяат чинь амиа хорлохоос өөр замгүй байсан хэрэг үү.

Avatar

Нотлох баримт өгөөгүй ?!?! 2020-05-26 202.9.40.162

ГҮЙЦЭТГЭХ АЖИЛЛАГААНЫ ҮЕЭЭР РИЙСЭН БИЧЛЭГИЙГ ШҮҮХИЙН ХЭЛЭЦҮҮЛЭГТ НОТЛОХ. БАРИМТААР ӨГӨӨГҮЙ БАЙЖЭЭ. ГҮЙЦЭТГЭХ АЖИЛЛАГААГ ИРГЭНИЙ БУРУУТАЙ ҮЙЛДИЙГ НОТЛОХ ГЭЖ, ШҮҮХИЙН ХЭЛЭЦҮҮЛЭГТ ГЭМ БУРУУТАЙГ НОТЛОХ ГЭЖ ХИЙДЭГ БИШ ҮҮ ??? ГҮЙЦЭТГЭХ АЖИЛЛАГААНЫ БАРИМТЫГ ХҮРТЭЛ ШҮҮХЭЭС НУУСАН БАЙХЫГ БОДОХОД ЦАГДАА, ТАГНУУЛЫНХАН ЯАЖ АЖИЛЛАЖ БАЙГАА , ХЭНИЙ ТАЛД ҮЙЛЧИЛЖ БАЙГАА НЬ ОЙЛГЛМЖГҮЙ …

Avatar

зочин 2020-05-26 49.0.191.250

Цолмонгийн нэг тайлбарыг уншсан юм энэ хүн хахуул авилга аваагүй юм б.а гэж бодогдсон. Ар тал ахуй амьдрал, сургууль соёлоо бичсэн байсан авилга авахгүй бүсгүй б.а гэж бодогдсон баяр хүргэё. Би танихгүйлдээ

Avatar

зочин 2020-05-26 203.91.115.245

Харин тийм Цолмонд баяр хүргэе, шүүх бол хүний зөв бурууг нэг талд нь гаргаад өгдөг газар

Avatar

ner ugui 2020-05-26 77.111.246.30

Халиунбаяр шүүгч хахууль авсан бол авсантай нь тэнцүү хэмжээний мөнгийг гаргуулж улсад оруулах ёстой. Гэтэл мөнгө гаргуулаагүй байхыг бодоход ямар ч мөнгө аваагүй байна шүү дээ. Ямар ч мөнгө өөртөө аваагүй хүнийг яагаад яллаад байна вэ? Анх үндэслэлгүй хөрөнгөжсэн гэж шалгаад хэрэг нээгээ биз дээ. Одоо үндэслэлгүй хөрөнгөжөөгүй болох нь тогтоогдлоо. Хуурамч хэрэг нээсэн хүмүүс ямар ял авах вэ? Одоо нөгөө талын гаруудыг нь шалгах хэрэгтэй бус уу?

Avatar

харамсалтай 2020-05-26 103.229.122.59

АВЛИГАЧИН шүүгчдыг ялгаж үзэх хэрэг байна уу? АВЛИГАЧИН бол авлигачин Ял өгөх ёстой. ЯАХААРАА их бага ял өгч байгаа юм вэ? НАЙЗ нараа өрөвдөөд байна уу?

Avatar

Хуульч 2020-05-26 192.82.64.220

Шинэчлэн найруулсан Эрүүгийн хуульд яг энэ зүйлчлэлээр ялын дээд хугацаа 5 жил хүртэл гэсэн байгаа, 5 жил өгсөн байна. Эрүүгийн хэрэгт хэтэрхий бага хугацаатай ял оногдууллаа гээд байдаг. Эрүүгийн хууль тийм байгаад байна. Тэрийг нь энэ шүүгчид хэрглэдэг.

Avatar

Зочин 2020-05-26 202.9.40.162

НААД ҮГЭЭ ТЭР НЯМБААТАРТАА ХЭЛ ЗА !!!!

Avatar

zochin 2020-05-26 58.109.221.157

shuugch shuugchee shiitgeh uu bas deed shuuhiin gd baigaa

Avatar

Зочин 2020-05-26 139.5.217.93

5 хан жил үү, арай ч дээ….

Avatar

ХУУЛЬЧ 2020-05-26 192.82.73.155

Зөв шийджээ. Буруутай шүүгч нь ялаа авсан байна. Буруугүй шүүгч нь цагаатгагдсан байна.
Ер нь ийм байдлаар шүүгч нарыг шалгаад гэмтэйд нь хариуцлага тооцож гэмгүйг нь буцааж томилдог байх нь зөв.
Шүүгч нар цочроо авч шударга ажилладаг болно гэсэн үг.

Avatar

Зочин 2020-05-26 202.126.89.108

Дээд шүүхийн Цолмон Ганцоожийг яагаад цагаатгав? Прокурор эсэргүүцэл бичих хэрэгтэй

Avatar

Зочин 2020-05-26 202.126.89.108

Шүүгч шүүгчээсээ хахууль авч дээ

NewsMN Гар утасны хувилбар Татах
NEWS.mn

Мэдээллийн эх сурвалж