10,221 өрх тэтгэмжийн мөнгөөр амьжиргаагаа залгуулж байна | News.MN

10,221 өрх тэтгэмжийн мөнгөөр амьжиргаагаа залгуулж байна

10,221 өрх тэтгэмжийн мөнгөөр амьжиргаагаа залгуулж байна

10,221 өрх тэтгэмжийн мөнгөөр амьжиргаагаа залгуулж байна

Засгийн газрын хэрэгжүүлэгч агентлаг Гэр бүл, хүүхэд, залуучуудын хөгжлийн газрын зүгээс өнөөдөр/2020.05.26/ цаг үеийн асуудлаар мэдээлэл хийлээ. Гэр бүл, хүүхэд, залуучуудын хөгжлийн газрын даргын тушаалаар баталсан удирдамжийн хүрээнд covid-19 цар тахлын энэ онцгой цаг үед гэр бүлийн бүх гишүүдийн үүрэг хариуцлагыг нэмэгдүүлэх, гэр бүл дэх хүүхэд хөгжил хамгааллыг сайжруулах, хүүхдэд ээлтэй гэр бүлийн орчныг нэмэх, дэмжих, тэгш оролцоог хангах хүрээнд Хүүхдийн эрхийг хамгаалах олон улсын өдрийг “Хүүхэд гэр бүлдээ аз жаргалтай” уриан дор гэртээ тэмдэглэн өнгөрүүлэх уриалгыг гаргаж байгаа юм байна. Мөн энэхүү удирдамжийг нийслэл болон орон нутгийн Гэр бүл хүүхэд, залуучуудын хөгжлийн газарт хүргүүлж, нэгдсэн удирдлага, арга зүйгээр ханган ажиллаж байна. Энэ жил дэлхий даяар covid-19 цар тахал гарсантай холбоотойгоор Монгол Улсын Засгийн газраас шат дараалсан арга хэмжээ авч, иргэдийг олон нийтийн газар бөөгнөрөл үүсгэхгүй байхыг сануулахын зэрэгцээ үзвэр үйлчилгээний газруудын үйл ажиллагааг тодорхой хугацаанд хаасан.

Цар тахал дэгдсэн энэ үед Засгийн газрын хэрэгжүүлэг агентлаг Гэр бүл, хүүхэд, залуучуудын хөгжлийн газраас гэр бүл, хүүхэд, залуучууд руу чиглэсэн олон арга хэмжээ авч ажиллаж байна. Үүний хүрээнд “Эрсдэлт нөхцөлд амьдарч байгаа хүүхдийг илрүүлэх, хэрэгцээг тодорхойлох түргэвчилсэн үнэлгээ”-г 2020 оны гуравдугаар сард улсын хэмжээнд зохион байгуулж, 109,991 өрхийг хамруулсан байна Урьдчилсан байдлаар эдгээр өрхийн 19 хувь буюу 20 мянган өрх эрсдэлтэй, 47 хувь буюу 50 мянган өрх цаашдаа хөл хорио тогтоох арга хэмжээ үргэжилбэл эрсдэлт нөхцөл руу шилжих магадлалтай, хүүхдээ хараа хяналтгүй гэрт бие даалган үлдээдэг, өрхийн нэг гишүүн хөдөлмөр эрхэлдэг, тогтмол орлогогүй байна.

Эрсдэлт өндөртэй 20 мянган өрхийн 51.1 хувь буюу 10,221 өрхийн 24,246 хүүхдэд дэмжлэг, тусламж шаардлагатай, хоол хүнсний хомсдолтой, тухайн өрхөд байнгын ажлын байртай гишүүн байхгүй, зөвхөн хүүхдийн мөнгө, тэтгэвэр, тэтгэмжийн мөнгөөр амьжиргаагаа залгуулж амьдарч байна.

Мөн тус байгууллагын “Гэр бүл мэдээллийн сан”-ийн Эрсдэлийн программд 2020 оны дөрөвдүгээр сарын 23-ны байдлаар 22,853 хүүхэд бүртгэлтэй байгаа бөгөөд Covid-19 халдварт цар тахал цаашид нэмэгдэх, хорио цээрийн дэглэм үргэлжлэх тохиолдолд эдгээр хүүхдүүдэд чиглэсэн хүнс тэжээл, хувцас, амин дэм, ариутгалын бодис зэрэг суурь хэрэгцээг хангахад дэмжлэг үзүүлэх шаардлагатай байгаа ажээ. Үүнээс гадна нийт өрхийн 10 орчим хувьд өрхийн зөвхөн нэг гишүүн үйлчлэгч, галч, харуул, барилгын туслах, нүүрс шуудайлж зарах гэх мэт ажил хийдэг. 85 хувь нь ажилгүй байна. Хүүхдийн мөнгө, тэтгэвэр, тэтгэмж, асаргааны мөнгө, Цалинтай ээжийн хөтөлбөрийн мөнгөнөөс өөр орлогын эх үүсвэргүй байна. Нийт өрхийн 60 орчим хувь нь архины хамааралтай гишүүнтэй, хүүхдээ үл хайхарсан, гэрийн ахуй, нөхцөл байдал хүнд байна хэмээн мэдэгдлээ.

Иймд Гэр бүл, хүүхэд, залуучуудын хөгжлийн газраас цар тахлын үед дараах арга хэмжээг авч хэрэгжүүлж байна.

  • Хөдөө орон нутгаас нийслэлд шилжин ирж буй иргэдэд туслан газрын асуудлыг шийдвэрлэж, орон гэртэй болгох
  • Хүнсний талонд хамруулах
  • Ажлын байранд холбон зуучлах
  • Гэрээр оёдол хийх чадвартай 2 өрх, түлээ нүүрс зардаг нэг өрхөд гарааны бизнессийн тусламж үзүүлэх
  • Цахимаар хичээлээ хийх боломжгүй хүүхдүүдэд зуны саруудад хичээлийн хөтөлбөрөө нөхөж судлах боломжийг бүрдүүлэх
  • Хөгжлийн бэрхшээлтэй болон хоол тэжээлийн дутагдалтай хүүхдүүдэд зориулан Хөгжлийн бэрхшээлтэй хүүхдүүдийн сэргээн засах хөгжлийн төвд хэвтүүлэн эмчлүүлэх, 50 ортой тасаг нээх
  • Сэтгэл зүйн тулгамдсан асуудалтай эцэг эх, хүүхэд, өсвөр үеийнхэнд урт хугацааны нийгэм-сэтгэл зүйн зөвлөгөө өгөх
  • Архины хамааралтай болсон өрхийн гишүүдэд урт хугацааны эмчилгээ, зан үйлийг засах сургалтанд хамруулах зэрэг олон шат дараалсан ажлуудыг зохион байгуулж байна.

Хүүхдийн тусламжийн 108 утас мэргэжлийн сэтгэлзүйчдээр  хүрээгээ тэлж, тус утсанд хандсан хэн ч мэргэжлийн сэтгэлзүйчдээс зөвлөгөө авах нөхцөл боломж бүрдсэн ажээ

Энэ мэдээнд өгөх таны сэтгэгдэл?
2
ХөөрхөнХөөрхөн
2
ГайхмаарГайхмаар
1
ТэнэглэлТэнэглэл
0
ЗөвЗөв
0
ХахаХаха
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Ganaa. 2020-05-26 84.78.246.29

Neg too bodieo. 109 myanga urhiin 70 myanga ni ersdeltei gesen sudalgaag vzbel 65 huvi ersdeltei bh ni ee. 3 saya hvn deer avch vzbel barag 2 saya ni ersdeltei bna gesen vg biz. Ene bol MAN, AN yn sanal avah gol bai ni wm shvv dee. Tiimees ediin zasgiig tardagt ni tulgaj, halamjaar ami zalguuldag tolgoigvi hvn svreg bii bolgoh gesen chin zorilgotoo barag hvreed bgaa ni ene. Bitgii songooch edniig

Avatar

Зочин 2020-05-26 66.181.161.44

ажил хийлгэх гэхээр ажилчид олдохгүй ажил голоод байна тэтгэмжийн мөнгөөрөө юм болгохгүй архидаад дуусгадаг тийм хүмүүс ихэнх нь байна

Avatar

архичин тэнэгт зориулав 2020-05-26 66.181.191.85

төрийн үүрэг хоол хүнсээр хангах,орон байраар хангах,ажил албаар хангах гол 3 зарчим бүх улс оронд байдаг гэдгийг доорхи нэг тэнэг мэдэхгүй явжээ.үндсэн хуули бусад дагалдах хуулиа мэдэж байж юм бичиж бай.доорхи тэнэг хүүхдүүдээ гудамжинд гаргаад хаячихсан архиа уугаад явж бгаа тэнэг мал байх өө.улс орон гэдэг чини,нэг айл өрх бүл гэж ойлго

Avatar

Зочин 2020-05-26 202.21.107.101

Бизнес байхгүй бол тэтгэмж өгөхөөс өөр аргагүй. Өгөхгүй бол бухимдаад зүгээр сууж чадахгүй ш дээ.

Avatar

Хорол 2020-05-26 202.55.188.91

Тэтгэмж өгсөөр байгаад ажил хийх дургүй ,залхуу,төрөөс хэдэн төгрөг хий хэвтэж байгаад авч иддэг бүхэл бүтэн давхаргыг бий болгож байна.Ингэж үнэгүй юм тараах нь тарааж байгаа хүмүүст ч ашигтай байдаг бололтой

NewsMN Гар утасны хувилбар Татах
NEWS.mn

Мэдээллийн эх сурвалж