Хонгконгийн гудамжинд өчигдөр /2020.05.24/ мянга мянган хүн цугларч, нутгийн эрх мэдэл, иргэдийн эрх чөлөөнд заналхийлсэн БНХАУ-ын хэрэгжүүлэх гэж буй үндэсний аюулгүй байдлын талаар маргаантай хуулийг эсэргүүцэн жагсчээ.

Жагсагчид үд дундын үед хөл хөдөлгөөн ихтэй дүүрэгт цугларч эхэлсэн байна. Гэвч хагас цаг  ч бололгүй цагдаа нар жагсагчдын эсрэг нулимс асгаруулагчаар "галлаж" ус шүршжээ. Учир нь жагсагчид хөл хорионы дэглэмийг зөрчин олноор цугларсан нь хууль бус үйлдэлд тооцогдох гэнэ. Эрх баригчид жагсаалыг хууль бус хэмээн тодорхойлж, цагдаа нарыг даруй арга хэмжээ авахыг тушаасан аж.

Protesters gesture with five fingers, signifying the "Five demands - not one less" as hundreds of protesters march along a downtown street during a pro-democracy protest against Beijing's national security legislation in Hong Kong, Sunday, May 24, 2020. Hong Kong's pro-democracy camp has sharply criticised China's move to enact national security legislation in the semi-autonomous territory. They say it goes against the "one country, two systems" framework that promises the city freedoms not found on the mainland. (AP Photo/Vincent Yu)

Гэвч цагдаа нарын шаардлагыг үл тоон хэдэн мянган хүмүүс өнгөрсөн жил зургаан сар гаруй үргэлжилсэн тэмцлийн үеэр хэрэглэгдэж байсан “Хонгконгийг чөлөөл, бидний хувьсгалын цаг ирлээ” гэх мэт уриагаа хашгиран жагссан аж. Мөн зарим нь “Хонгконгийн тусгаар байдал бол үүнээс гарах ганц зам” хэмээж, олон хүн Хонгконгийн тусгаар байдлыг илэрхийлсэн цэнхэр далбаа намируулан зам хааж, цагдаа нар луу хог шидэлж байжээ.

Шинэ хуулийн дагуу энэ мэт бослого, тэмцэл гаргах, үймээн самуун зохион байгуулах, урвах, салан тусгаарлах нь хориотой юм. Тиймээс олон хүн шинэ хуулийг Бээжин өрсөлдөгчдөө чимээгүй болгох, иргэдийн эрх чөлөөнд халдах оролдлого хэмээн үзэж байгаа билээ.

Энэ жагсаалын үеэр цагдаа нар 120 хүн баривчилсан бөгөөд Хонгконгийн удирдагч Керри Лэм Бээжингийн талд байгаагаа илэрхийлсээр байгаа билээ. Тэрбээр шинэ хуулийг бүрэн дэмжиж байгаа бөгөөд энэ хууль иргэдийн эрх чөлөөнд халдахгүй хэмээн мэдэгдэж байсан юм.

Эх сурвалж: CNN.COM