Хятадын “Хуавей технологи” ХХК-тай хамтран ажиллана | News.MN - Мэдээллийн эх сурвалж

Хятадын “Хуавей технологи” ХХК-тай хамтран ажиллана

Хуучирсан мэдээ: 2015.12.16-нд нийтлэгдсэн

Хятадын “Хуавей технологи” ХХК-тай хамтран ажиллана

Нийслэлийн Засаг дарга бөгөөд Улаанбаатар хотын Захирагч Э.Бат-Үүл БНХАУ-ын “Хуавей технологи” ХХК-ийн дэд ерөнхийлөгч Жанг Таяныг хүлээн авч уулзлаа. Уулзалтаар “Ухаалаг Улаанбаатар” хөтөлбөрийн хүрээнд хамтран ажиллах талаар санал солилцов.

“Хуавей технологи” ХХК-ийн дэд ерөнхийлөгч Жанг Таян “Манай компани дэлхийн 60 хотод “Smart city” төслийг хэрэгжүүлж байна. Уг төслийн хүрээнд Улаанбаатар хотод эхний ээлжинд 5.5 сая долларын санхүүжилтээр нийслэлийн авто замын уулзваруудад нэгдсэн камер суурилуулах, тоног төхөөрөмж нэвтрүүлэх, хяналтын самбар бий болгох зэрэг мэдээллийн технологийн чиглэлээр хамтран ажиллах хүсэлтэй байна” гэв.

Нийслэлийн Засаг дарга бөгөөд Улаанбаатар хотын Захирагч Э.Бат-Үүл “Улаанбаатар хоттой хамтран ажиллах хүсэлтээ илэрхийлж байгаад таатай байна. Юуны түрүүнд бидний ажилд бэрхшээл учруулахгүйгээр ашиг сонирхолд нийцүүлэн хамтран ажиллах хэрэгтэй. Нийслэлийн ИТХ-ын ээлжит 16 дугаар хуралдаанаар “Ухаалаг Улаанбаатар” хөтөлбөрийг баталсан. Тус хөтөлбөрийг 3 гурван үе шаттайгаар 2020 он хүртэл хэрэгжүүлэх юм. Энэ чиглэлээр танай компанитай хамтарч ажиллахдаа баяртай байх болно” гэдгээ илэрхийллээ.

ЭХ СУРВАЛЖ: НИЙСЛЭЛИЙН ЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС

 

"Болор дуран"-аар шалгав.
Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!