Өмнөд Суданд энхийг сахиулагчдын тоог нэмэгдүүлнэ | News.MN - Мэдээллийн эх сурвалж

Өмнөд Суданд энхийг сахиулагчдын тоог нэмэгдүүлнэ

Хуучирсан мэдээ: 2015.12.16-нд нийтлэгдсэн

Өмнөд Суданд энхийг сахиулагчдын тоог нэмэгдүүлнэ

 

НҮБ-ын Аюулгүйн зөвлөлийн хуралдаанаар Өмнөд Судан дахь энхийг сахиулах ажиллагаанд оролцох цэргийн тоог нэмэгдүүлэхээр болжээ. Аюулгүйн зөвлөлийн шийдвэрээр Өмнөд Суданд нэмж 500 орчим цэрэг, 600 цагдааг илгээх бөгөөд нийтдээ олон улсын энхийг сахиулагчдын тоог 15 мянгад хүргэхээр болсон аж. Мөн Өмнөд Суданы энхийг сахиулах ажиллагаанд тагнуулын нисгэгчгүй онгоцнуудыг ашиглахаар болсон байна.

 

Өмнөд Судан улс 2011 онд тусгаар тогтнолоо зарласнаас хойш зөрчил үймээн тасрахгүй байгаа юм. Өмнөд Судан сөргөлдөгч талууд өнгөрсөн наймдугаар сард энхийн баримт бичигт гарын үсэг зурсан боловч биелүүлэхгүй байгаа аж. Өмнөд Судан дахь зөрчил мөргөлдөөний улмаас 2.4 сая орчим хүн орон гэрээсээ дайжжээ.

 

Б.АНХТУЯА

ЭХ СУРВАЛЖ: AGENCE FRANCE-PRESSE

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс