Европын шилдэг сонин Улаанбаатарын аялал жуулчлалыг онцлов | News.MN - Мэдээллийн эх сурвалж

Европын шилдэг сонин Улаанбаатарын аялал жуулчлалыг онцлов

Хуучирсан мэдээ: 2015.12.16-нд нийтлэгдсэн

Европын шилдэг сонин Улаанбаатарын аялал жуулчлалыг онцлов

Европын 2012 оны шилдэг сонин, 2013 оны Европын долоо хоног тутмын шилдэг сонин ХБНГУ-ын Welt am Sonntag 2015 оны 12 дугаар сарын тусгай дугаараа Улаанбаатар хотын аялал жуулчлал сэдвээр бэлтгэн гаргалаа. 8 нүүр бүхий уг тусгай дугаар 1,1 сая уншигчидтай бөгөөд сонины цахим хуудас Welt.de-г сард 45,7 сая хүн уншдаг аж. Найрсаг Улаанбаатар хөтөлбөрийн хүрээнд хийгдэж буй соёл, урлагийн арга хэмжээ, хот орчмын аялал амралтын бүсүүд, хотын аялал жуулчлалын бүтээгдэхүүнийг онцолсон уг хэвлэлийн сурталчилгаа нь Монголын аялал жуулчлалын түүхэнд хамгийн далайцтай медиа маркетинг болж байгаа гэдгийг нийслэлийн Засаг дарга Э.Бат-Үүл онцоллоо. Нийслэлийн Засаг даргын Тамгын газар, Нийслэлийн Аялал жуулчлалын газар, ХБНГУ-ын Глобал Инсайт Медиа байгууллагууд тусгай дугаарыг гаргахад хамтран ажилласан байна. Аяллын дугаарын герман хэл дээрх хувилбарыг герман хэлтэй орнуудын, англи хувилбарыг Европын бусад зах зээлийн сурталчилгаанд ашиглана учир нь агуулга, илэрхийллийг Европ жуулчдын онцлог, сонирхолд тулгуурлан гаргасан гэж Нийслэлийн Аялал жуулчлалын газраас мэдээллээ. Өнгөрсөн онд Монгол улс Берлинд болдог Ай-Ти-Би олон улсын аялал жуулчлалын үзэсгэлэнд түнш орноор, Улаанбаатар хот үндсэн оролцогчоор оролцсон билээ. Сонины ярилцлага, мэдээллүүдийг эндээс, тусгай дугаарыг эндээс үзэх боломжтой.

ЭХ СУРВАЛЖ: НИЙСЛЭЛИЙН ЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

ayal***** intr 2015-12-16 202.179.27.16

yaahav uuleee ailin ehnertei sadarlaj er nuhriig n horooson yalaa hezee edleh gej bna daa.