Гитлерийн “хайртай” Санчир матар амьсгал хураажээ | News.MN

Гитлерийн “хайртай” Санчир матар амьсгал хураажээ

Гитлерийн “хайртай” Санчир матар амьсгал хураажээ

Гитлерийн “хайртай” Санчир матар амьсгал хураажээ

Дэлхийн хоёрдугаар дайнаас эсэн мэнд үлдсэн “Saturn” буюу Санчир гаригийн нэртэй матар 84 насандаа Москвагийн амьтны хүрээлэнд амьсгал хураасан байна. Миссисипи төрлийн матар 30-50 насладаг ч энэ матар харьцангуй урт насласан нь энэ юм. Москвагийн амьтны хүрээлэн Санчир матарт зориулсан тусгай үзэсгэлэнг Москва хотын Дарвины музейд нээхээр болжээ.

“Магадгүй энэ матар дэлхийн хамгийн урт насласан матар ч байж мэдэх юм. Одоогоор амьд байгаа хамгийн урт настай матар Сербийн нэгэн амьтны хүрээлэнд байдаг Мужа нэртэй эр матар ба 80 орчим настай” хэмээн Москвагийн амьтны хүрээлэнгийн ажилтан ярьжээ.

АНУ уг матрыг анх Берлиний амьтны хүрээлэнд бэлэглэж байсан ба Нацист Германы удирдагч Гитлер тус амьтны хүрээлэнд ойр ойрхон очиж, Санчир матрыг хардаг байсан аж. Зарим судлаачид уг матрыг Гитлерийн хувийн цуглуулгын амьтдын нэг ч гэж үздэг.

1943 оны арваннэгдүгээр сард Берлиний амьтны хүрээлэн агаарын цохилтод өртсөн ч Санчир матар амьд үлджээ. Хачирхалтай нь, матрыг гурван жилийн дараа буюу 1946 онд Германд байрлаж байсан Британийн цэргүүд олж, дараа нь ЗХУ-д шилжүүлж өгсөн байдаг. Дээрх гурван жил Санчир матар хаана, хэрхэн амьдарч байсан нь одоог хүртэл тодорхойгүй байдаг.

Эх сурвалж: BBC

 

 

Энэ мэдээнд өгөх таны сэтгэгдэл?
1
ХөөрхөнХөөрхөн
1
ГайхмаарГайхмаар
0
ЗөвЗөв
0
ХахаХаха
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-05-24 64.119.27.244

Ум ма нэ бад мэ хум

Avatar

Зочин 2020-05-24 202.126.89.208

Ккк. Альбинос?

Avatar

Зочин 2020-05-24 103.26.193.244

no, хөгшрөөд буурал болчихож

NewsMN Гар утасны хувилбар Татах
NEWS.mn

Мэдээллийн эх сурвалж