Дэлхийн эрүүл мэндийн байгууллагын гаргасан мэдээллээр Covid-19-ийн улмаас дэлхий дахинд 80 сая гаруй хүүхэд дархлаажуулалтын вакцинаа хийлгэж чадахгүй байгаа аж. Үүнтэй холбоотойгоор дэлхий дахинд улаан бурхан болон халдварт саа өвчин дахин дэгдэх нөхцөл үүсэх эрсдэлтэй байна.

Монгол Улсын хувьд Covid-19-ийн халдвараас өмнө дархлаажуулалтын вакцины нөөцийг хангаж, тээвэрлэлт, хадгалалтын нарийн журмын дагуу авчирчээ. Мөн бүх вакциныг НҮБ-ын Хүүхдийн сангаар дамжуулан ДЭМБ-ын гэрчилгээтэй орнуудаас авчирсан байна. Одоогоор нөхөн дархлаажуулалтын 10 хоног үргэлжилж байгаа аж. Тиймээс товлолт дархлаажуулалтаас хоцорсон хүүхдүүд нөхөн дархлаажуулалтад хамрагдахыг ЭМЯ-наас уриаллаа.

Р.ДУЛАМ