Адлагдсан дотоодын аялагчдаа тойглохоос өөр гарцгүй | News.MN

Адлагдсан дотоодын аялагчдаа тойглохоос өөр гарцгүй

Адлагдсан дотоодын аялагчдаа тойглохоос өөр гарцгүй

Адлагдсан дотоодын аялагчдаа тойглохоос өөр гарцгүй

Аялал, зугаалгын улирал ирлээ. Гэр бүл, найз нөхөдтэйгөө Монгол орноороо аялцгаадаг олон хүн бий. Цар тахлын улмаас хөл хорио хорио тогтоож, дэлхийн улс орнууд хилээ хааж, агаарын тээврээ зогсоосноор гадаадаас жуулчид энэ жилдээ ирж чадахгүй нь тодорхой болсон. Тиймээс эдийн засгийн "тэг" зогсолтод орсон аж ахуйн нэгжүүд дотоодын жуулчдыг татахад анхаарах болсон байна.

 Жуулчны бааз, тур, оператор компаниуд дотоодын аялагчдад зориулсан илүү хямд үйлчилгээтэй, сонирхолд нь нийцэх шинэлэг хөтөлбөрүүдийг боловсруулж шинэ менежментээр ажиллах болжээ.

Тухайлбал, гадаадын болон дотоодын аялал жуулчлалын цогц үйлчилгээ үзүүлдэг “Централ Ази Травел” ХХК нь өмнө нь гадагшаа аялал зохион байгуулдаг байсан бол өдгөө ашиг олохоос илүүтэй ажлын байраа авч үлдэхийн тулд дотоодын жуулчид руу чиглэсэн шинэ хөтөлбөрүүдийг боловсруулж, зургадугаар сараас иргэдэд танилцуулахаар бэлтгэж эхэлжээ. Мөн бусад компани, жуулчны баазууд ч бас тодорхой хөтөлбөр боловсруулж, нийгмийн сүлжээнд сурталчилж буй. Гэвч, тэдэнд тулгамдамж буй хамгийн том асуудал нь дотоодын аялагчид жуулчны бааз, тур, оператор компаниудад буудлахаас илүү майхан сав бариад хээр гадаа хонох дуртай. Энэ нь жуулчны бааз, тур оператор компаниудыг илүү үнэтэй гэж үздэг, нөгөө талаас аль болох хямд зардлаар аялахыг  хүсдэгтэй нь холбоотой. Иймд жуулчны бааз, тур, оператор компаниуд энэ жилээс дотоодын аялагчдаа татахын тулд гэр бүлээрээ аялахад гаргадаг зардалтай дүйцэхүйц болон түүнээс бага зардлаар илүү ая тухтай амрах боломжийг бүрдүүлэхэд анхаарч эхэлжээ. Энэ нь байгаль орчинд ч бас сөрөг нөлөө багатай гэдгийг албаны хүмүүс онцолж байна.

Цар тахал аялал жуулчлалын салбарт 100 хувь сөргөөр нөлөөлж энэ салбараас манай улсад орж ирдэг 600 гаруй сая ам.долларын орлого тасарсан. Гэхдээ аялал жуучлалын салбарын орлого зөвхөн гадны жуулчдаас бүрддэг гэвэл өрөөсгөл ойлголт аж. Түрээсийн дугуй унаад, хээр гадаа мешонктой хоноод явдаг гадны "тэнэмэл" жуулчид байдаг бол аялалын компаниудаар үйлчлүүлж, тав тухыг эрхэмлэдэг дотоодын аялагчид ч бий. Дотоодын жуулчдын тоо 2018 онд давхардсан тоогоор хоёр сая гаруйд хүрч байсан. Жилээс жилд аялагчдын тоо нэмэгдэх хандлагатай байгаа тул хөл хорионд дэлхий нийтээрээ орсон энэ үедулсын аялал жуулчлалын салбар арай сэхээнд орчихоогүй байна.

Аялал жуулчлалын салбарт үйл ажиллагаа явуулдаг 500 гаруй компани, тур оператор бий. Уг салбарт 54 мянга гаруй хүн ажилладаг аж.

ДОТООДЫН АЯЛАЛ ЖУУЛЧЛАЛ ХӨГЖИХӨД ЭДИЙН ЗАСАГ ӨСЧ, ИРГЭДИЙН АМЬЖИРГАА ДЭЭШИЛДЭГ

Дотоодын аялагчдаа хүлээн авахын тулд аялал жуулчлалын компани, тур операторууд юу хийх шаардлагатай, мөн иргэд тэдэнд хэрхэн дэмжлэг үзүүлэх хэрэгтэйг  БОАЖЯ-ны Аялал жуулчлалын бодлого зохицуулалтын газрын дарга С.Баясгалантай ярилцлаа.

-Цар тахлын үед аялал жуулчлалын салбар эдийн засгийн хүнд цохилтод өртсөн. Тиймээс танай салбарынхан хямралаас гарах ямар шинэ менежмент хийж байна.  Дэлхийн хөл хорио цаашид хэр удаан үргэлжлэхийг өнөөдөр хэн ч таамаглаж чадахгүй байна шүү дээ?

-Цар тахлын улмаас гадаадын жуулчдын урсгал бүрэн зогссон. Хөл хорио тогтоосон үед аялал жуулчлалын салбар цаашид яаж ажиллах, халдвар тархалт буурсны дараа шинэ нөхцөл байдалд хэрхэн дасан зохицож ёстой вэ гэсэн асуудлууд гарч ирж байна. Аялал жуулчлалын салбар 2019 оны төгсгөлд нийт 570 орчим мянган гаднын жуулчин хүлээн авч, дотоодын эдийн засагт 607 орчим сая ам.доллар буюу  1.6 их наяд төгрөгийн орлого төвлөрүүлж байсан. Энэ салбарт 1300 орчим компни үйл ажиллагаа явуулж байна. Жуулчны бааз, тур, оператор компаниуд зэрэг шууд байдлаар 40-50 мянган ажлын байр бий болдог. Үүнээс гадна улирлын чанартай 118 мянган ажлын байр идэвхждэг салбар.

Өнөөдөр аялал жуулчлалын салбарын үйл ажиллагаа нам зогссон.  2020 оны сүүлээр дэлхийн хөл хориог тавигдлаа гэхэд аялал жуулчлалын салбарын тоон үзүүлэлт хориод жилийн өмнөх рүү "очих" нөхцөл байдал үүссэн. Гэтэл одоогоос 20 жилийн өмнөхтэй харьцуулшгүй ажлын байр, аж ахуй нэгжийн тоо өссөн.  Иймд аль болох эрсдэл багатай хүндрэл бэрхшээлийг даван туулахад анхаарч ажиллаж байгаа.

Хамгийн гол асуудал нь ажлын байрыг авч үлдэх, дотоодын аялал жуулчлалыг хөгжүүлэхэд биш аж ахуй нэгжүүд эдийн засгийн хүндрэлийг эрсдэлт багатай даван туулъя гэсэн нөхцөл байдалтай тулгарч байна.

-Аялал жуулчлалын салбар ихэвчлэн гадаадаас ирэх жуулчдад анхаарлаа төвлөрүүлж дотоодын аялагчдаа тоодоггүй байсан нь худлаа биш. Тэгэхээр дотоодын аялал жуулчлалаа хөгжүүлэхэд юун дээр илүү анхаарч байна вэ ?

– Дотоодын аялал жуулчлал гэдэг бол уламжлалт ахуй соёлтой холбоотой. Дотоодын аялагчид аяллын компаниар үйлчлүүлэхээс илүү найз нөхөд, ах дүү нараараа нийлээд аялцгаадаг. Ер нь монголчуудын аялах давтамж жилээс жилд нэмэгдэж байна. Өмнө нь, жилд нэг удаа буюу зуны амралтаараа аялдаг байсан бол одоо жилд 3-4 удаа гэр бүл, найз нөхдөөрөө олон тийшээ аялахыг зорьдог болж.

-Хэр олон хүн дотоодоор аяладаг юм бол. Тийм тоон судалгаа байна уу?

-Дотоодын жуулчдын урсгал 2019 онд давхардсан тоогоор 1 сая орчимд хүрсэн. Мөн 2.4 сая иргэн давхардсан тоогоор гадагшаа аялсан байна. Коронавирусээс болоод монголчуудын гадагшаа аялах хөдөлгөөн хязгаарлагдсан. Энэ боломжийг ашиглаад дотоодын аялал жуулчлалыг хөгжүүлэх, аж ахуй нэгжүүдээ дэмжиж болж харагдаж байгаа. Цар тахлаас өмнө амралтын газар, жуулчны баазууд гадны жуулчдад үйлчилж ашиг олж байсан бол манай улс төдийгүй дэлхийн аялал жуулчлалын чиг хандлага өөрчлөгдөж байна. Аялал жуулчлалын салбарт үүссэн  шинэ нөхцөлд аж ахуй нэгжүүд дасан зохицох шаардлага гарсан.

Зөвхөн гаднын жуулчид авна гэж хүлээж суух боломж алга. Бизнесээ авч үлдэхийн тулд дотоодын жуулчдадаа тохирсон үйлчилгээг бий болгож, эрсдлийг даван туулах ёстой. Зарим аж ахуй нэгж зөвхөн гадны жуулчдад үйлчилдэг, дотоодын жуулчдад үйлчлэхгүй гэдэг байсан. Одоо бол ийм боломж байхгүй.

Гэтэл дотоодын аялагчид гадаадын жуулчдаас илүү зарцуулалт ихтэй. Гэр бүл, найз нөхдөөрөө олон чиглэл рүү аялдаг, төлөвлөөгүй маш их зардал гаргадаг бол гадаадын жуулчид багц аялалын төлбөрт орсон үйлчилгээгээ л авдаг, илүү зардал гаргадаггүй.

Тиймээс дотоодын жуулчид том зах зээл, том боломж байгааг аж ахуй нэгжүүд харж эхлээд, тэдэнд зориулсан бүтээгдэхүүнүүдийг зарлах болсон байна.

Тиймээс Байгаль орчин аялал жуулчлалын яамнаас иргэдийг мэдээллээр хангах, дотоодын жуулчид болон аж ахуй нэгжүүдийг холбох, дэмжлэг үзүүлэхэд аж ахуй нэгжүүдэд ашигтайгаар дотоодын аялал жуулчлал зохион байгуулалтад орох боломжтой гэж үзэж байна. Цар тахлын дараа ч дотоодын жуулчид зохион байгуулалттай аялдаг хандлага руу энэ жилээс орж байна.

-Та түрүүнд хэллээ. Дотоодын аялагчид голдуу майхан, савтай аялдаг гэж. Тэгвэл тэднийг жуулчны бааз, амралтын газруудад мөнгөө үрэх боломжийг та нар өөрсдөө гаргах ёстой юм биш үү. Ер нь  дотоодын аялал жуулчлалыг хөгжүүлэхэд ямар саад бэрхшээл тулгардаг вэ?

-Дотоодын аялагчид хөдөө орон нутагт амьдардаг хамаатан, найз нөхөд дээрээ очиж амардаг, хувийн машинаараа аялдаг. Иргэдийн дунд  жуулчны бааз, амралтын газрууд үнэтэй гэсэн ойлголттой байдаг. Энэ жилийн хувьд цар тахлын улмаас аялал жуулчлалын салбарт их онцлог жил болж байгаа тул жуулчны баазууд иргэддээ тохируулан хямд үнийг санал болгож байна. Нөгөөтэйгүүр иргэн аюулгүй байдлаа хангаж аялах шаардлага тулгарч байна. Учир нь, коронавирус тархахдаа аливаа гадаргуу дээр тархахдаа 2-3 хоног амьдрах чадвартай. Халдварт өвчний эрсдэлээс өөрийгөө болон бусдын эрүүл мэндийг хамгаалахад стандартын шаардлага хангасан аж ахуй нэгжүүдээр үйлчлүүлэхэд илүү давуу тал болж байгаа юм.

Дотоодын аялагчид бие даан аялахаас илүүтэй аж ахуй нэгжид түшиглэн аялахад эдийн засгийн болоод ажлын байрыг хадгалж үлдэх чухал ач холбогдолтой. Нөгөөтэйгүүр аялал жуулчлалыг дагаад тухайн орон нутагт орлого оруулах эдийн засгийн чухал ач холбогдолтой тул энэ жилээс дотоодын аялал жуулчлалыг зохион байгуулалтад оруулахаар ажиллаж байна.

Энэ хүрээнд зочид буудал, амралтын газрууд аюулгүй ажиллагааны горимыг баримтлах журам боловсруулж үүрэг чиглэлийг орон нутагт хүргүүлж байна. Хоёрдугаарт, дотоодын аялал жуулчлалыг хөгжүүлэх зохион байгуулалттай аяллыг идэвхжүүлэхийн тулд иргэдэд мэдээ мэдээллийг нэг цэгээс өгөх шаардлага үүсч байна. Жишээ нь, аялагчид бие даан хувиараа аяллаа гэхэд тухайн бүс нутагт жуулчны баазын захиалга нь дүүрсэн байдаг, мөн аялалын маршрут тодорхой бус байх зэрэг олон хүндрэл бэрхшээл гардаг. Тиймээс урьдчилан захиалга өгөх, хөнгөлөлттэй үнээр үйлчлүүлэх боломжийг олгох зэрэг үйлчилгээ нэвтрүүлэхээр Байгаль орчин, аялал жуулчлалын яамнаас аж ахуй нэгжүүдтэй хамтран дотоодын аялагчдад зориулсан аппликэйшн боловсруулж байна. Энэхүү аппликэйшныг иргэд тавдугаар сарын сүүлчээр ашиглаж боломжтой. Аппликэйшнт хөдөө орон нутгаар аялах боломжтой газрууд, чиглэл, амралт жуулчны баазад урьдчилан захиалга өгөх боломж бүрдэж байна гэж ойлгож болно. Өөрөөр хэлбэл, иргэд нэгдсэн мэдээллийг нэг дороос авч тодорхой аяллын маршруттайгаар аялах боломж бүрдэж байгаа. Тэгэхээр дотоодын аялал жуулчлалыг хөгжүүлэхэд стандартын шаардлагыг нэмэгдүүлэх ёстой. Жуулчид багатай ийм цаг үед бид өөрсдийгөө хөгжүүлж, үйлчилгээний  чанараа сайжруулахад анхаарах ёстой.

-Жуулчны бааз, тур компани, амралтын газруудад төрөөс ямар дэмжлэг үзүүлж байна. Учир нь, засаг болгон аялал жуулчлалыг алт болгоно гэж амалдаг шүү дээ?

-Аялал жуулчлал бол олон улсын нэршлээр үйлдвэрлэлийн салбар. Гэтэл Монгол Улсад аялал жуулчлалын салбарыг үйлчилгээ гэж үздэг тул өнөөдрийг хүртэл жижиг дунд үйлдвэрлэл эрхлэгчдэд олгодог хөнгөлөлттэй зээлд хамрагддаггүй байлаа. Гаднаас жуулчин оруулж ирж буй  тур, оператор компаниудад экспорт хийж байна гэж үзээд НӨАТ-аас чөлөөлдөг. Гадаадын жуулчдад үзүүлдэг үйлчилгээнд НӨАТ-аас чөлөөлдөг. Гэтэл жуулчны бааз, зочид буудлуудад ямар нэгэн дэмжлэг байгаагүй. Өнгөрсөн жилээс БОАЖ-ын сайдын багцаас анх удаа арилжааны банкуудтай хамтран ногоон зээлийг эхлүүлсэн. Арилжааны банкууд 18 хувийн хүүтэй ногоон зээл олгодог байсныг БОАЖ-ын сайдын багцаас 10 хувийн хүүг татсан. Ингэснээр аж ахуй нэгжүүд жилийн найман хувийн хүүтэй зээл авах боломж нь бүрдсэн. Цаашид төрөөс олгож буй зээл болон олон улсын хөнгөлөлтэй зээлүүдэд аялал жуулчлалын салбар орох нөхцөл бүрдэж байгаа.

-Дотоодын аялагчдын нэг сөрөг тал нь байгаль орчинд багагүй хор, хохирол учруулдаг. Явсан, буудалласан газраа хог орхиод явчихдаг, байгаль орчныг бохирдуулдаг дотоодын аялагчид олон шүү дээ?

-Энэ бол дотоодын аялалын хамгийн том сөрөг тал нь. Энэ жил дотоодын жуулчдын урсгал идэвхжих хандлагатай байгаа тул энэ жил 20 орчим стандартын шаардлага хангасан отоглох цэгүүдийг байгуулахаар ажиллаж байна. Эдгээр отоглох цэгүүд нь машин болон майхны зогсоолтой, ил гал түлдэг цэгтэй, ариун цэврийн газартай байх юм. Иргэд дуртай газраа хорхог боодог хийж гал түймэр тавих нь түгээмэл. Дээр нь иргэдийн урсгал гол нууруудыг чиглэдэг тул дагаад хог хаягдал бохирдлын асуудал хөндөгддөг. Тиймээс иргэдийн аялдаг гол чиглэлүүдэд отоглох цэгүүдийг байгуулахаар ажиллаж байна.

-"Айлаас гуйхаар авдраа уудал" гэж үг бий. Дотоодын аялал жуулчлалыг хөгжүүлбэл, манай аялалын салбарт мөнгө олох маш том боломж байна гэж таны ярианаас ойлгогдлоо?

-Уул уурхай бусад салбараас ялгаатай нь аялал жуулчлалын салбарын онцлог нь бидний бий болгож буй эдийн засгийн урсгал нь иргэдэд жигд тардаг. Нэг жуулчин аялахад 20 гаруй ажлын байр идэвхждэг. Аялал жуулчлалын салбарын орлого улсын төсөв биш иргэдийн халаасанд ордог болохоор дотоодын эдийн засгийн жигд өсөлтийг бий болгодог. Монгол банкны хийсэн судалгаагаар Монгол Улсад хөрөнгө оруулалт хийгээд хамгийн хурдан нөхдөг салбар нь аялал жуулчлалын салбар, хоёрдугаарт худалдаа үйлчилгээ бусад салбаруудын гарцыг 25-аас дээш буюу хамгийн их хувиар нэмдэг салбар нь аялал жуулчлалын салбар гэж үзсэн. Магадгүй энэ жил 500 мянган дотоодын иргэн аялалаа гэж тооцъё.

Нэг иргэн өдөрт 80 мянган төгрөг зарцуулна, дунджаар тав хоног аялалаа гэж тооцвол, 200 орчим тэрбумын урсгал орон нутагт бий болно. Нэг аймаг 20 орчим тэрбумын орлого олох боломж байна. Иймд жуулчдын урсгалыг татах чиглэлд аймгуудын удирдлагууд ч бас анхаарч, ажиллах шарадлагатай.

Хүн бүр заавал Хөвсгөл явах биш, шинэ бүс нутгууд руу аялах боломжтой. Гэхдээ аль ч улсын аялал жуулчлалын салбар бол дотоодын жуулчдаас илүү гаднаас валютын орлого татах ёстой. Энэ жилийн хувьд дотоодын жуулчдыг татах зорилгоор ашиг олохоос илүүтэй  аж ахуй нэгжүүдийн үйл ажиллагааг хэвийн үргэлжлүүлэх, ажлын байрыг авч үлдэх арга хэмжээг л авч байна гэлээ.

Б.ЦЭЦЭГ

Энэ мэдээнд өгөх таны сэтгэгдэл?
4
ЗөвЗөв
3
ХахаХаха
1
ХарамсалтайХарамсалтай
1
ТэнэглэлТэнэглэл
0
ХөөрхөнХөөрхөн
0
ГайхмаарГайхмаар
0
БурууБуруу
Баярлалаа!

Холбоотой мэдээ

30 сэтгэгдэл

News.mn сайтад сэтгэгдэл оруулахад анхаарах зүйлс

Avatar

zochin 2020-05-22 202.9.46.202

Тойглох биш тойлох. Хурга ишиг тойглох гэж хэлнэ.

Avatar

Зочин 2020-05-22 202.21.107.97

Амралтын газар очиж архичдын дунд холилдоогүй байна. Зүгээр л малчид маань саахалтын газар илүү гэр бариад хөлсөл чих. Үр хүүхдээ үнээ малд ойрхон байлгаад хэд хоног салхинд гарчхаад ирмээр байна.

Avatar

mr 2020-05-22 202.55.191.130

mongol ulsiin irgen nutagtaa tuhtaihan amrah erh baihgui, gaigui gazruud ni tengert tulsan unetei, urgelj gadaad avna gesen teneg bodloosoo salchih, nutag negtnee demj mongolchuud mungutei shuu

Avatar

Зочин 2020-05-22 64.119.25.185

Гол нь хэт их архидалт тэрийгээ дагаад элдэв гэмт хэрэг гархаас сэргийлэх мөн нийтийн бие засах газрууд хогийн цэгүүдээ нэмэх хэрэгтэй. Харуул хамгаалалт цагдаагийн эргүүлүүдийг ихээр нэмэх ёстой

Avatar

Зочин 2020-05-22 176.63.23.11

Гарчигаасаа эхлээд л заавал нэг өдсөн, хагаралдуулсан хэрүүлийн шинжтэй үг өгүүлбэр ашиглах юм. Сэтгүүлчид гэж нийгмийг хараар будах зорилготой хар сэтгэлтнүүд болжээ. Хийсэн ярилцлагадаа зохицуулаад л дотоодын аяллаа дэмжих, хоггүй аялахыг уриалсан шинжтэй гарчиглаж болно доо

Avatar

Зочин 2020-05-22 202.21.98.146

Yag tiim

Avatar

Б.ЦЭЦЭГ 2020-05-22 202.21.98.146

Б.ЦЭЦЭГ er-guu -AAA – LLL

Avatar

123456 2020-05-22 49.0.212.111

NEWS.MN-ийнхэн угаасаа эргүү улаантнууд

Avatar

Зочин 2020-05-22 202.9.40.94

Амралтаа аваад хэд хоног Улаанбаатар хотод ойрхон газар очихыг хүсдэг хүмүүс маш олон. Гэтэл буудлынх нь үнэ их байдаг мөн үзэж харах байгалийн сонин тогтоц багатай газар байрлаж байгааг бодолцох хэрэгтэй байна.

Avatar

Зочин 2020-05-22 64.119.23.98

Нэг ороо 40-80.0 мянгаар үнэлдэгээс болж тур баазаар үйлчлүүлэгч нар цөөрсөн манай малчид гэр буудал ажиллуулаад нэг гэрт 4-5 ор тавьчихаад хоногийн 30-40 мянга гэхээр малчидаа дэмжиж эхэллээ. Өглөө цайны сүү үнэгүй өрөм хямдхан өгнө хоол хийгээд өгөөч гэвэл үнэгүй шахам хийгээд өгчих нь зун тэднийгээ дэмжинэ шүү нөхөд өө

Avatar

Зочин 2020-05-22 202.126.88.64

Ger buudald buuj hen korona tusahyg huseh ve dee!

Avatar

c 2020-05-22 103.57.94.17

Mongold corona baihgui ** ee

Avatar

123456 2020-05-22 49.0.212.111

140 короначин байгаа

Avatar

Майхантай аялагч 2020-05-22 64.119.23.193

Хөдөө олон хоногоор аялах бол ОТОГ майхан л тохиромжтой юм билээ шүү. Майхантай зутрана гэж боддог байсан Отогоос Хайкер 240 про гэж загвар авсан. Үнэн сүпер.

0 0

Avatar

Зочин 2020-05-22 80.110.117.204

Хотоос 100 расиуст бол цөөн хоног буудал орно.Харин орон нутаг руу алсхан явбал ямар зардал гарах вэ.80 мян төгрөгний талаас илүү хувь шатуунд зарцуулагдана.Үлдсэн багахан хэсгийг хүнс хоноглох газарт зарна.Ингээд буудалд хонохгүй майхан сонголт болно.Жаахан мэдрэмжтэй тооцоо хийгээч.

Avatar

Зочин 2020-05-22 39.125.13.164

Сайхан мэдээ бна баярлалаа гэр бүлийн багц гаргаад өгвөл сайхан бна тэгвэл буудалд буугаад тухтай аялана

Avatar

Зочин 2020-05-22 192.82.69.191

БААЗАД ГАНЦ ХОНОХОД ХЭДЭН ЗУУН КМ ЯВЧИХ БЕНЗИНИЙ ҮНЭТЭЙ ТЭНЦҮҮ ТЭГСЭНЭЭС МАЙХАНДАА ХОНООД ХОЛХОН ЯВААД ШИНЭ ГАЗАР ҮЗЭЖ БАЙСАН НЬ ДЭЭР .

Avatar

Зочин 2020-05-22 192.82.72.84

Нөгөө Монгол хүн нохой хоёр оруулахгүй гэдэг жуулчны баазууд нэгмөсөн дампуурах хэрэгтэй

Avatar

Зочин 2020-05-22 203.169.49.123

МОНГОЛ ХҮНИЙ СОЁЛЫГ ДЭЭШЛҮҮЛЭХ ТАЛААР АЖИЛЛАХ ХЭРЭГТЭЙ. ЗӨВХӨН ШҮҮМЖЛЭХ БИШ БОДИТОЙ АЖИЛ ЯВУУЛАХ. МОНГОЛЧУУД АМРАЛТ ГЭДГИЙГ АРХИДАЛТ ГЭЖ ОЙЛГОДОГ.

Avatar

соёлжих хөдөлгөөн 2020 2020-05-22 103.57.94.17

Монголчууд амралтанд очоод амарсан хүн байдаггүй байсан учраас амралтын газрууд авах дургүй байсан

Avatar

Зочин 2020-05-22 202.126.88.54

Миний хувьд амралтын газар хэзээ ч буудаггүй гол шалтгаан бол бохир жорлон.

Avatar

Зочин 2020-05-22 202.180.218.37

Чи өөрөө хаана бие засдаг хүн бэ

Avatar

Зочин 2020-05-22 203.169.49.123

МОНГОЛ ХҮНИЙ СОЁЛЫГ ДЭЭШЛҮҮЛЭХ ТАЛААР АЖИЛЛАХ ХЭРЭГТЭЙ. ЗӨВХӨН ШҮҮМЖЛЭХ БИШ БОДИТОЙ АЖИЛ ЯВУУЛАХ. МОНГОЛЧУУД АМРАЛТ ГЭДГИЙГ АРХИДАЛТ ГЭЖ ОЙЛГОДОГ.

Avatar

МӨӨГИЙ 2020-05-22 103.43.79.229

БҮТЭХГҮЙ ҮЛГЭР,ХҮН БҮР МАШИНАА БАРИАД МАЙХНАА ЗООГООД АЙЛААС ЖААХАН МАХ, СҮҮ, АЙРАГ АВЧИХААД ЖУУЛЧНЫ БААЗ ЖУУЛЧНЫ МАШИНД МӨНГӨ ӨГДӨГ ХҮН ОЛДОХГҮЙ ЭЭ? АЯЛАЛ ЖУУЛЧЛАЛ 3ЖИЛДЭЭ СЭРГЭХГҮЙ ЭНЭ ЯАМНЫ АЖИЛЧИДАА ТАРААЖ ХУВИАРА АЖИЛ ГЭЭД ХӨӨЖ ЯВУУЛ?400САЯ ЖУУЛЧИН ГЭДЭГ ШИГ ТЭНЭГ ТЭНЭГ ЮМ ЯРИХАА БҮР БОЛЬЦГОО

Avatar

Ард 2020-05-22 202.70.34.70

ҮҮРГЭВЧТЭЙ АЯЛАЛ, МАЙХАНТАЙ АЯЛАЛ ЗЭРГИЙГ ХОРИГЛОХ ХЭРЭГТЭЙ. ЭДГЭЭР НЬ ҮЕЭ ӨНГӨРӨӨСӨН ХОЦРОГДСОН. ДЭЭР НЬ БАЙГАЛИЙГ МАШ ИХ БУРТАГЛАДАГ. ХАРИН ОРЧИН ҮЕИЙН ТААТАЙ НӨХЦЛҮҮД БҮРДҮҮЛЭХЭД АНХААРАХ ЁСТОЙ.

Avatar

Зочин 2020-05-22 103.229.122.41

Demiir

Avatar

Зочин 2020-05-22 202.21.107.97

Харин хог бага тарьдаг аялал биш юм уу. Үүргэвчинд хэрэгтэй юмаа л хийгээд явна. Хаяад байх хог үүрч явна гэж юу байх вэ дээ. Олноороо яваа аялал л их хог хаядаг шүү.

Avatar

Зочин 2020-05-22 192.82.69.191

ЗАДГАА БАЙГАЛЬД МОРЬ ХАРАХ Ч САЙХАН ШҮҮ .

Avatar

Майхантай аялагч 2020-05-22 64.119.23.193

Хөдөө олон хоногоор аялах бол ОТОГ майхан л тохиромжтой юм билээ шүү. Майхантай зутрана гэж боддог байсан Отогоос Хайкер 240 про гэж загвар авсан. Үнэн сүпер.

Avatar

Des 2020-05-22 202.126.89.83

Бид арай д дэндүү матeриаллаг болцгоожээ. Юм юмны нөөцийг шавхаж дээдийн дээдэд хүрэх санаатай дандаа… хүмүүс аялал нэрээр байгаль орчинг мөн ч их бузарлах юмдаа….хүний энгүй их шуналаас л өнөөдрийн өвчин зовлон үүсээд байна…

NewsMN Гар утасны хувилбар Татах
NEWS.mn

Мэдээллийн эх сурвалж