Япон: Мөрийтэй тоглосон прокурор огцрох хүсэлтээ өгчээ | News.MN

Япон: Мөрийтэй тоглосон прокурор огцрох хүсэлтээ өгчээ

Япон: Мөрийтэй тоглосон прокурор огцрох хүсэлтээ өгчээ

Япон: Мөрийтэй тоглосон прокурор огцрох хүсэлтээ өгчээ

Японы нийслэл Токио хотын Прокурорын газрын дарга Хирому Курокава мөрийтэй тоглоом тоглосон гэх асуудлаар албан тушаалаасаа огцрох хүсэлтээ өгсөн байна.

Тэрбээр цар тахлын улмаас улс даяар хөл хохио тогтоосон үед буюу энэ сарын 1 болон 13-нд  “Sankei” сонины сэтгүүлчийн Токио дахь гэрт очиж мөрийтэй мажан тогложээ. Энэ үеэр “Asahi” сонины нэгэн сурвалжлагч бас байлцсан аж.

Өдгөө 63 настай Курокава нь Японы Ерөнхий сайд  Абэ Шинзотой ойр дотно харилцаатай байдаг ба түүний энэ үйлдэл ард иргэдийн болон сөрөг хүчнийхний дургүйцлийг ихэд хүргэжээ. Ингэж мөрий тавин мажан тоглох нь тус улсын хуулиар хориотой байдаг бөгөөд хөл хорио тогтоосон энэ үед хуулийн байгууллагын том албан тушаалтан ийм асуудал гаргасан нь шуугиан дэгдээгээд байна.

Тус улсын хуулиар тэр энэ жил тэтгэвэртээ гарах байсан ч эрх баригчид түүнийг прокурорын газрын даргаар үргэлжлүүлэн ажиллуулах санал гаргасан бөгөөд үүнийг сөрөг хүчнүүд эсэргүүцэж байсан юм.

Эх сурвалж: MAINICHI

Энэ мэдээнд өгөх таны сэтгэгдэл?
3
ЗөвЗөв
1
ХөөрхөнХөөрхөн
1
БурууБуруу
0
ХахаХаха
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
Баярлалаа!

Холбоотой мэдээ

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-05-21 203.91.115.42

Манай гахайнууд яадаг билээ? Би тоглосон юм биш эх орондоо казино байгуулах ариун үйлсийг хэрэгжүүлэх үүднээс үзэж танилцсан гэдэг биз дээ? Бат-Эрдэнэ аварга банкны мөнгөөр тоглочихоод ичих ч үгүй би цэвэр гэж гараа үзүүлдэг. Занданшатар бүр банк дампууртал тоглочихоод яагаад намайг ганцхан илүү үзээд байгаа юм, бүгд л тоглодогшдээ гээ хэнэг ч үгүй хэлдэг.

Avatar

Мораль гэж энийг хэлдэг юм 2020-05-21 192.82.68.204

Япончужуд үнэхээр өндөр ёс суртахуунтай. Манайд хуулийнхан улайн цайм авилга авчихаад гүрийгээд байдаг

Avatar

Зочин 2020-05-21 59.153.115.154

Хэ хэ…. Зөвдөө, сайн эр байна. Ямар өндөр сахилга хариуцлага, ухамсартай юм. Өөрийнхөө л цалин мөнгөөр багахан мөрийцсөн байх л даа. Харин манай ухнууд бүр таг шүү… Бүгд казиночид. Бүгд ард түмнээсээ хулгайлсан хулгай луйврын мөнгөөрөө мөрийцөнө. Тэгээд ичих ч үгүй, гэмших ч үгүй. Аргагүй дээ адгуус юм чинь…

Avatar

Ойлгосонгүй ээ 2020-05-21 139.5.219.212

Гэртээ юү!

NewsMN Гар утасны хувилбар Татах
NEWS.mn

Мэдээллийн эх сурвалж