Гал унтраах, аврах 74 дүгээр ангид шуурхай албаны фургон машиныг хүлээлгэн өглөө | News.MN

Гал унтраах, аврах 74 дүгээр ангид шуурхай албаны фургон машиныг хүлээлгэн өглөө

Гал унтраах, аврах 74 дүгээр ангид шуурхай албаны фургон машиныг хүлээлгэн өглөө

Өнөөдөр дүүргийн Засаг даргын орлогч Ц.Шижир Онцгой байдлын хэлтсийн гал унтраах, аврах 74 дүгээр ангид шуурхай албаны фургон машиныг хүлээлгэн өглөө. Энэ үеэр “Сүхбаатар дүүргийн Засаг дарга, Тамгын газрын хамт олон дүүргийнхээ Онцгой байдлын хэлтсийн аливаа гамшгийн үед ажиллах бэлэн байдлыг хангах, гамшгийн аюулаас урьдчилан сэргийлэх, авран хамгаалахад нь зориулж байнгын хөрөнгө оруулалт хийж ажилладаг. Гал түймэр унтраах, аврах 74 дүгээр ангид өнгөрсөн жил дүүргийн төсвийн 200 гаруй сая төгрөгөөр иж бүрэн компьютер, оффисын болон сургалтын ширээ сандал, аврах ажиллагаанд шаардагдах холбооны, бусад багаж хэрэгсэл зэргийг шийдвэрлэсэн. Энэ удаа мөн дүүргийн төсвийн 35 сая төгрөгийн хөрөнгө оруулалтаар шуурхай албаны фургон машиныг авч өгч байна. Энэ бол онцгой байдлын албаны гал түймэр, гамшиг осолтой тэмцэх, аврах ажиллагааны чадавхийг дээшлүүлэх, хуулиар хүлээсэн чиг үүргээ амжилттай хэрэгжүүлэх, төрийн үйлчилгээг иргэдэд түргэн шуурхай хүргэх боломжийг бүрдүүлж байгаа томоохон хөрөнгө оруулалтын нэг” гэдгийг Засаг даргын орлогч тодотгов. Гал түймэр унтраах, аврах 74 дүгээр анги нь Сүхбаатар, Чингэлтэй, Сонгинохайрхан дүүрэг болон Төв аймгийн Батсүмбэр сумын нутаг дэвсгэрт гал түймэр, гамшиг ослын дуудлагаар гарч ажиллаж байна.

ЭХ СУРВАЛЖ: СБД
Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-05-21 203.91.115.42

Ццц. Хадаг яндар, тууз мууз нээлт энэ тэр болцон, энэ манайхны байж байгааг хар даа. Юм үзээгүй нүүдэлчид. Өлөн Ховд зан. Америкт ингэвэл яах бол. Төсөөлөөд үз дээ. Төрийн албанд төсөв тусгасан мөнгөөр хангалт хийхэд хадаг яндар юуны хамаатай вэ?

Avatar

Зочин 2020-05-21 117.111.1.164

Ийм мэдээ оруулж байдгаа болимоор юм. Нээх өөрөөсөө өгч байгаа бишдээ! Угаасаа Онцгойгийнханд үүнээс илүү Зүйлс хэрэгтэй байгаа. Ингэж ичмээр шоу хийдгээ болимоор юм. Өөрсдөө 100 пургоны мөнгийг нь идчээд ганцыг болохоор бөөн хадаг мадаг болж өгж байдагаа боль!!!

Avatar

зочин 2020-05-21 202.21.96.212

бөөнөөрөө жагсаж машин хүлээн авдагаа болимоор юм аа хаха. хүүхэд шиг

NewsMN Гар утасны хувилбар Татах
NEWS.mn

Мэдээллийн эх сурвалж