МАН 2020 оны  УИХ-ын сонгуульд оролцох нэр дэвшигчдийнхээ  баримт бичгийг Сонгуулийн ерөнхий хороонд өнөөдөр /2020.05.21/хүлээлгэн өглөө. Нэр дэвшигчдийн материалыг хүлээн авах хугацаа өнөөдөр дуусгавар болно.

Энэ үеэр УИХ-ын гишүүн Я.Содбаатар "Сонгуулийн тухай хуулийн дагуу  МАН-ын нэр дэвшигчийн холбогдох материалыг бүрдүүлж, хуулийн хугацаанд СЕХ-нд хүлээлгэн өглөө. МАН-ын Бага хурлаас итгэл хүлээлгэсэн  76 нэр дэвшигчийн материал бүрдсэн.

МАН-ын дарга У.Хүрэлсүхийн тавьсан гурван шаардлагыг хангасан нэр дэвшигчдийг тодруулсан. Тус шаардлага нь өндөр ёс суртахуунтай байх, мэдлэг боловсролтой, туршлагатай гэсэн үндсэн шалгуурыг тавьж мөн олон нийтийн дэмжлэгийг авч чадах нэр дэвшигчдийг тодруулсан. Нэр дэвшигчдийн жагсаалтад өөрчлөлт ороогүй" гэсэн юм.