60 иргэнд төсөвлөсөн мөнгө яав? | News.MN - Мэдээллийн эх сурвалж

60 иргэнд төсөвлөсөн мөнгө яав?

Хуучирсан мэдээ: 2015.12.15-нд нийтлэгдсэн

60 иргэнд төсөвлөсөн мөнгө яав?

Г.Загдаа гуай 10 гаруй жилийг гэр оронгүй, эцэг эхгүй, эрхэлсэн тодорхой ажилгүй иргэдийг нийгэмшүүлэхээр “Зөв амьдрах ухаан” ТББ-ыг байгуулан ажиллаж байна. Тэрбээр гэр бүлийн хүний хамтаар орон гэргүй, архины хамааралд орсон ч энэ зуршлаасаа салахыг хүссэн, эцэг эхгүй, өнчин өрөөсөн хүүхэд гээд 130 гаруй хүнд зориулан 26 гэр гаргаж, тохижуулан өнөөг хүртэл ажиллаж байна.

Уг нь тэрбээр 2013 оныг хүртэл орон гэргүй 60 гаруй хүнийг хамруулан, төр засаг, хувийн хэвшлээс элдэв тусламж, хөрөнгө авахгүйгээр хувиараа ажиллаж иржээ. Харин 2013 оноос нийслэлээс нэмж 60 хүнийг “Зөв амьдрах ухаан” төвд төсөв мөнгийг нь олгож хамт нийгэмшүүлэхээр өгчээ. Гэтэл 2015 оны гуравдугаар улирлаас хойш эдгээр 60 гаруй хүнд сар бүр олгохоор төсөвлөсөн мөнгийг нийслэлээс өгөөгүй байна. Цаашид ч хэзээг хүртэл ийм байдалтай явах нь тодорхойгүй хэмээн өнөөдөр мэдээлэл хийлээ.

Нийслэлийн төсвөөс өгөх ёстой мөнгийг олгохгүй байгаагаас гэрэл цахилгааны мөнгөнөөс эхлээд багагүй хэмжээний өрөнд орсон гэв. Түүний хэлж буйгаар 26 гэр, бусад байшингийн гэрэл цахилгааны мөнгө 3-4 сая төгрөг нэхэгджээ.

Уг нь сард нэг хүний хоол, дулаан цахилгаанд 9000 төгрөгийг 60 хүнд нийслэлээс олгох учиртай. Гэвч энэ мөнгө нь олгогдохгүй байсаар одоо 121 сая төгрөг болжээ. Түүний зүгээс нийслэлээс олгох ёстой 121 сая төгрөгөө л шийдүүлээд, цаашид тогтмол олгоод байвал эдгээр 130 гаруй хүнийг бүгдийг нь асуудалгүй нийгэмшүүлэхийн төлөө ажиллах боломжтой гэж байгаа юм.

“Зөв амьдрах ухаан” төвд байгаа 130 гаруй хүний 60 нь хүүхэд, 17 нь хоригдож байгаад суллагдсан, 20 нь хөгжлийн бэрхшээлтэй иргэн юм байна. Тэгвэл эдгээр 60 иргэнд олгохоор төсөвлөсөн мөнгийг хэзээ олгох талаар нийслэлийн халамжийн мэргэжилтнээс тодруулсан юм. “Нэг хэсэг хаа хаанаа төсөв санхүү хүнд байсан. Гэхдээ энэ асуудлыг удахгүй шийднэ. Төсөв, санхүүгийн асуудал нь шийдэгдсэн. Одоо дарга нарын гарын үсэг зураад л болоо” гэх мэдээллийг өглөө.

Б.ЗОЛЗАЯА

ЗУРАГЛААЧ: Ц.АРИУНБОЛД

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2015-12-15 202.180.216.234

Хөөрхийдөө энэ хэдэн ядарсан хүнд туслаж байгаа хүмүүст Монгол даяараа туслах хэрэгтэй. Засаг төр туслаж чадахгүй бол ард түмэн туслах байх

Иргэн 2015-12-15 103.57.94.19

Энэ салга Батуул дэндуу юмаа !

зочин 2015-12-15 202.9.41.206

Нэгэнт л ярьж тохироод нэмж хүмүүсийг байршуулсан бол зардлыг нь хэлсэн ярьсанаараа өгөх л хэрэгтэй шүү дээ. Ингээд хулхидаад байхаар яаж хотын удирдлагад ард иргэд итгэх юм бэ. Ер нь хулхин дээр цэуэг ургуулдаг арга барил олширвол хэцүүдэнэ шүү.

Зочин 2015-12-15 203.194.114.106

60 хунд 9000 тегрегеер бодоход сард 540000 тегрег, 121 саяд 220 гаран сар. Шал худлаа ярьж суух юм даа.

Жаран хүн 2015-12-15 202.5.196.170

Цаг тухайд нь олгоод явсан бол ийм их төгрөг хуримтлагдахгүй байх л даа. Алдаж оносон орон гэргүй, эцэг ихгүй ийм олон хүнийг иргэн болгож, төрийн ачааллыг багасгаж буй ийм иргэний нийгмийн эхлэлийг төр дэмжих төдийгүй, амласнаа ёс журмын дагуу олгох ёстой. Өдий болтол олгохгзй басйан түшмэдийг уул нь нэрээр нь бичих хэрэгтэй л дээ. 9000 төгрөгөө өг л дөө