Афган охид машины эд ангиар амьсгалын аппарат бүтээжээ | News.MN

Афган охид машины эд ангиар амьсгалын аппарат бүтээжээ

COVID-19

Афган охид машины эд ангиар амьсгалын аппарат бүтээжээ

Афган охид машины эд ангиар амьсгалын аппарат бүтээжээ

Дэлхий даяар цар тахал дэгдэж улс орон бүр амьсгалын аппаратны хомсдолд ороод байгаа билээ. Түүнчлэн дайн тулааны хөлд нэрвэгдсэн Афганистан улсын 38,9 сая хүнд ердөө 400 орчим амьсгал дэмжих аппарат ногдож байдаг гэнэ.

Тэгвэл Афганистаны робот зохион бүтээгч охидын баг машины эд ангиар зах зээлийн үнээс 60 дахин хямд амьсгалын аппарат бүтээснийг BBC онцолжээ.

Өмнө нь олон улсын робот бүтээгчдийн тэмцээнд амжилттай оролцож, тусгай байр эзэлж байсан “Afghan Dreamers” хэмээх багийн охид 14-17 настай. Одоо тэд энэхүү аппаратаа аль болох олныг үйлдвэрлэж, орон нутгийн эмнэлгүүдэд нийлүүлэхээр хичээн ажиллаж байгаа аж. Охид амьсгалын аппаратаа хуучин Toyota Corolla автомашины хөдөлгүүр, Honda мотоциклийн дамжуулах эд ангиудыг ашиглан бүтээсэн байна.

Дэлхий даяар амьсгалын аппаратны хомсдолд орсон энэ үед нэг амьсгалын аппаратын зах зээлийн үнэ 30,000-50,000 ам.долларын хооронд байгаа нь ядуу, буурай улс орнуудад хүнд цохилт болж байгаа юм. Харин Афган охидын бүтээл 600 ам.доллар хүрэхгүй өртгөөр бүтэж байна.

“Afghan Dreamers” багийн охид тус улсад халдвар анх бүртгэгдсэн Херат мужийн оршин суугчид бөгөөд хөрш зэргэлдээ хотууд нь тахлын голомт болоод байгаа учир хөл хорионы улмаас сэлбэг хэрэгсэл олоход бэрхшээлтэй байгаа тухай ярьжээ.

Тус улсын эмэгтэйчүүдийн ердөө 30 хувь нь л бичиг үсэг тайлагдсан ба Афган охидын бүтээл нийгмийн хандлагад хүчтэй нөлөөлөх нь гарцаагүй. Мөн тус улсын Ерөнхийлөгч Ашраф Гани “Afgan Dreamers” байгин төслийг дэмжихээ амласан байна.

Эх сурвалж: BBC 

 

Энэ мэдээнд өгөх таны сэтгэгдэл?
15
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

хүннү 2020-05-21 202.179.25.226

Эрдэмтэдийг харалтгүй мөнгө бодсон юмууд. Тодорхой жишээ энэ л байна. Эрдэмтэдийн бүтээсэн нь 40 000 долар, Жирийн хүний зохиосон нь 600 долар байна. Аймаар ялгарч байгаа биз. Бүр сайжрууллаа гэхэд 4000долар болог л доо. Юу 40 000 вэ?

Avatar

xgsd 2020-05-21 202.21.108.229

Манай Шинжлэх Ухааны Академи болон түүний 30 хүрээлэнгээс л дээр байна даа

Avatar

Зочин 2020-05-21 202.179.26.39

hoorhon yum be.. manai zaluuchuud neg yum bodno baigaa

NewsMN Гар утасны хувилбар Татах
NEWS.mn

Мэдээллийн эх сурвалж