"Төр нь авлигад идэгдсэний илрэл нь хар жагсаалт" | News.MN

"Төр нь авлигад идэгдсэний илрэл нь хар жагсаалт"

"Төр нь авлигад идэгдсэний илрэл нь хар жагсаалт"

"Төр нь авлигад идэгдсэний илрэл нь хар жагсаалт"

Транспэрэнси Интернэйшнл Монгол ТББ-ын гүйцэтгэх захирал О.Батбаяртай ярилцлаа.


-Монгол Улс Олон улсад мөнгө угаах, терроризмыг санхүүжүүлэх эрсдэлтэй орноор нэрлэгдэж, хүндхэн нөхцөлд байна. Энэ үед Монгол Улс дахь авлигийн нөхцөл байдал ямар түвшинд байна гэж танай байгууллага дүгнэж байна вэ?

-Монгол Улс дахь авлигын түвшнийг хэмжиж буй том судалгаа бол авлигын индекс гэж хэлж болно. Үүнд есөн эксперт байгууллагын үнэлгээг харгалзан үзэж, дүгнэлт хийдэг. Сүүлийн таван жилийн хугацаанд Монгол Улс авлигын индексээр 40-оос доош оноо авч ирсэн. Тухайлбал, 2012 онд Монгол Улсын хувьд Авлигын индекс 36 оноотой байснаас 2015 онд гэхэд 39 оноо болтлоо өссөн, сайн үзүүлэлт гарч байсан бол 2016 онд 38 оноо, 2017 онд 36 оноо, 2018 онд 37 оноо, 2019 онд 35 оноо авч 105 дугаар байранд эрэмбэлэгдэж байна. Авлигын индексээр 40 онооноос доош оноо авсан орнуудад авлигын нөхцөл байдал дордох магадлал илүү өндөр байдаг . Ковид19  вирус туссан өвчтөнүүд  амьсгалын аппаратад орсон  тохиолдолд 50 хувиас дээш нь найдваргүй нас барж байгаа тухай судалгаа гарсан байсан түүн шиг манай улс амьсгалын аппаратад орчхоод байна гэсэн үг.

-Авлигын индексийг гаргахад 9 эксперт байгуулагын үнэлгээг харгалзан үздэг гэлээ. Энэ талаар тодруулахгүй юу?

-Тухайлбал, Дэлхийн банкны эрхлэн гаргадаг улс орнуудын бодлого ба институтийн үнэлгээ байна. Тус үнэлгээнд Монгол Улсын төсвийн зарцуулалт хэр оновчтой, ил тод байдаг эсэхэд үнэлэлт өгөхөд 100 онооноос 35 оноог л авсан байна. /2018 онд 43 оноо, 2017 онд 43 оноо, 2016 онд 47 оноо/

Хоёрдугаарт, Дэлхийн эдийн засгийн Форумын эрхлэн гаргадаг Гүйцэтгэх захирлуудын үзэл бодлын судалгаа. Энэ судалгаанд Монгол Улс авах ёстой 100 онооноос 28 оноо авсан. Энэхүү судалгаа Монголын бизнесийн орчин хэр авлигын эрсдэлтэй бэ гэдгийг шалгачихдаг. Энэ мэтчилэн өрсөлдөх чадвар, аудитын байгууллагын ба сонгуулын байгууллагын хараат байдал, авлигын хэрэг шүүхээр шийдэгдэж буй байдал, ялын бодлого, ардчиллын институт зэрэг үзүүлэлтээр олон улсын есөн эксперт байгууллагын үнэлэлтэд үндэслэн Монгол Улсын авлигын индекс тодорхойлогддог. Энэ экспертүүд манайхыг авлигын эрсдэл өндөр гээд дүгнэсэн гэж ойлгож болно.

-Монгол Улсад сүүлийн таван жил авлигын индекс буурсан үзүүлэлттэй байна. Үүний гол шалтгаан юу вэ?

Монгол Улсад авлигын индекс сүүлийн таван жилд буурч байгаа гол шалтгаан нь ардчиллын институт нь сул байгаагийн шинж тэмдэг. Өөрөөр хэлбэл, Шүүх засаглал, Гүйцэтгэх засаглал, Хэвлэл мэдээлэл, АТГ, Улс төрийн нам, Аудит, Сонгуулийн ерөнхий хороо, Хувийн хэвшил гэх мэтчилэн институт нь сул, авлигад идэгдчихсэн байгаагийн илрэл гэж хэлж болно.

-Ардчиллын хамгийн чухал институт нь улс төрийн нам. Улс төрийн намын санхүүжилт ил тод бус байдаг нь олон нийтийн шүүмжлэл дагуулдаг ч өнөөдрийг хүртэл шийдлээ олж чадахгүй байгаа нь өөрөө авлигын индекс өндөр байх шалтгаан байх?

-Транспэрэнси интернэйшнл байгууллага улс төрийн намуудад авлигын эрсдлийн үнэлгээ хийсэн. Энэхүү үнэлгээнээс ажиглахад Монголын улс төрийн намууд бүгд авлигад өртөхөд бэлэн байна, засаглалын асуудалтай байна. Хамгийн энгийн жишээ гэвэл, намуудын дүрэм ба алсын хараа зорилтод авлигатай тэмцэх тухай нэг үг өгүүлбэр ч байхгүй, авлигаас сэргийлэх сургалт судалгаа намуудад хийгддэггүй, хэн мөнгө өгсөн хүнээс хуулийн этгээдээс ямар ч шалгуургүй хандив авахад бэлэн, дотооддоо авлигыг мэдээлэх хянах механизм байхгүй, авлигын эсрэг тэмцдэг лидер байхгүй, намын даргын шийдвэрээр улс төрийн намаас  хяналтын хороо нь хөөдөг, хөөгдвөл захиргааны шүүхэд хандах боломжгүй гэх мэт.  Үүний зэрэгцээ, амралтын өдрүүдэд намууд УИХ-ын сонгуульд сойх нэр дэвшигчдээ тодрууллаа. Харамсалтай нь, тэд олон нийтэд ил тод, хариуцлагатайгаар нэр дэвшигчдээ тодруулж дахиад л чадсангүй. Нөгөө л нэг хуйвалдаан, тохиролцооны аргаар нэр дэвшигчдээ тодруулж байгаа нь харагдлаа.

Мөн улс төрийн намууд угтаа бол иргэдэд үйлчлэх ёстой байгууллага. Гэтэл тэд гишүүддээ үйлчилдэг байгууллага болчихлоо. Сонгуульд ялмагцаа гишүүддээ ажлын байр гаргаж өгдөг. Концесс, ЖДҮ авч өгдөг. Гишүүдээ албан тушаалд томилдог. Сонгуулийн ерөнхий хороо, Төрийн аудит нь улс төрийн захиалгаар ажилладаг нь хэвийн үзэгдэл болчихлоо. Сүүлийн 30 жилд хамгийн ил тод байх ёстой улс төрийн намууд авлигажсан институт болж хувирлаа,

-Монгол Улс Авлигатай тэмцэх газартай хэр нь авлигын үзүүлэлт яагаад өсөөд байна вэ?

-Транспэрэнси интернэйшнл байгууллагын үнэлгээ хийсэн байгууллагуудын нэг бол Авлигатай тэмцэх газар. Тэрхүү үнэлэлтээс харахад АТГ-ын эрх зүйн орчин өөрөө асуудалтай. АТГ-ын илрүүлсэн гэмт хэргийн 24 хувийг шүүх шийдэж, 76 хувийг хэрэгсэхгүй болох эсвэл нэмэлт мөрдөн байцаалтад шилжүүлэх замаар шийдэгдэхгүй орхигдож байна. Иймээс АТГ хараат бус байдлыг сайжруулах ёстой. Мөн Авлигатай тэмцэх тусгайлсан шүүх байгуулах ёстой. Ийм жишиг дэлхийн олон улсад бий. Өнгөрсөн жил Хонконгийн Авлигатай тэмцэх газрын  зөвлөх Монгол Улсад айлчилсан. Айлчлахынхаа үеэр тэрбээр Монгол шиг цөөн хүн амтай улс авлигатай тэмцэхэд улс төрийн хүсэл зориг байгаад хичэээгээд ажиллавал ганцхан жил хэрэгтэй гэж хэлж байсан. Үүнээс харахад, Монголын улстөрчдөд авлигатай тэмцэх улс төрийн хүсэл эрмэлзэл алга. Энэ мэтчилэн бид дотооддоо асуудалтай байгаа болохоор гадаадын хоригт орчхож байгаа юм.

-Монгол Улс мөнгө угаах, терроризмыг санхүүжүүлэх эрсдэлтэй улс хэмээн дэлхий дахинд нэрлэгдэж, FATF-ийн “Саарал жагсаалт” болон Европын холбооны “Өндөр эрсдэлтэй орнуудын жагсаалт”-д багтчихлаа. Мөнгө угаах, терроризмыг санхүүжүүлж байж болзошгүй гэх хэрэг нь авлига, албан тушаалыг хэрэгтэй шууд холбогдох байх. Саяхан том, том хэргийн шүүх хуралдаан болж, олон нийтийг нэлээн талцууллаа шүү дээ?

-FATF нь манай улсыг "Саарал жагсаалт"-д багтаахдаа хууль эрх зүйн орчиндоо мөнгө угаах гэмт хэргийг хэр зүйлчилсэн бэ, ялын бодлого хэр оновчтой байна вэ гэдэг дээр анхаарал хандуулсан. Авлигын мөнгийг үл хөдлөх хөрөнгө гэх мэт зүйлд зарцуулж, угаадаг. Харамсалтай нь, АТГ дээр илрүүлсэн хэргийн 24 хувьд нь шүүх өнөөдөр ял оноож байна. 76 хувийг нь хэрэгсэхгүй эсвэл нэмэлт мөрдөн байцаалтад шилжүүлж байгаа нь авлигын гэмт хэргийн шийдвэрлэлт ямар түвшинд байна вэ гэдэг нь харагдаж байна.

Саяхан М.Энхсайханд холбогдох шүүх хурал болсон. За яахав, М.Энхсайханыг авлига авсан гээд шийтгэлээ. Гэтэл авлигын бүх хэргийг тэгш шийтгэж чадаж байна уу гэвэл үгүй. Энэ зүгээр улс төрийн ял шийтгэл, өрсөлдөгчөө намнах гэсэн арга барил гээд л гадаадын байгууллагууд дүгнэчхэж байна. Өөрөөр хэлбэл шүүгчид ба прокурорууд улс төрчдийн захиалгаар ажиллаж байгаа нь илт харагдаж байна.

Иймэрхүү хандлага манай улсыг "Саарал жагсаалт"-д орох нэг үндэс болсон.

-Авлигын мөнгийг үл хөдлөх хөрөнгөд зарцуулах замаар угаадаг гэлээ. Тэгвэл үл хөдлөх хөрөнгийн агентууд энэ чиглэлд хэрхэн ажилладаг юм бэ. Энэ талаар FATF-н зөвлөмжинд тусгасан байсан?

-Олон улсад үл хөдлөх хөрөнгийн агентуудыг дурын хүн хийгээд байдаггүй ажил. Тэд магадлан итгэмжлэгдсэн, лицензтэй хүмүүс байдаг. Мөн үл хөдлөх хөрөнгө худалдан авч буй, борлуулж буй мөнгө дансаар шилждэг. Тэд сэжиг бүхий гүйлгээг мэдээлэх үүрэг хүлээдэг. Гэтэл манай улсад дурын охид, хөвгүүд үл хөдлөх хөрөнгийн агент хийж байна. FATF энэ асуудал онцгой анхаарал хандуулах зөвлөмж өгсөн байна лээ.

Мөн нотариатч сэжиг бүхий гүйлгээг мэдээлэх үүрэг хүлээдэг. Гэтэл тэд босго дүнгээс хэтэрсэн гүйлгээг мэдээлдэггүй байдал нь тодорхой болсон.

Монгол Улс "Саарал жагсаалт"-д орсон гэдэг үндэс нь гаалийн байгууллага дээр хураагдаж буй мөнгийг мэдээлээгүй гэдэг үндэслэл байсан. Гаалийн деклараци нь цахимжаагүй. Хураагдсан бэлэн мөнгөний мэдэээлэл сул, буцааж олгодог гэх мэт. Алт, үнэт металл их хэмжээгээр хууль бусаар хил давдаг зэрэгт тодорхой хариу өгч чадаагүй.

Үүний зэрэгцээ,  саарал жагсаалтад орсон нэг шалгуур нь төрийн сангийн мөнгө ЖДҮ-р  болон бусад хэлбэрээр угаагддаг гэсэн үнэлгээ нөлөөлсөн .  Эрүүл мэндийн даатгалын мөнгө яагаад эрсдэлтэй банканд байршсан  тэр мөнгө цаашаа хайчсан зэрэг нь төрийн  мөнгө угаагддаг  байж болзошгүй гэсэн хардлагыг төрүүлж байгаа хэрэг.

-Улсын бүртгэлийн хуульд өөрчлөлт ороод эцсийн эзэмшигчийг зарладаг болчихоогүй юу. Мөн Монгол Улсад шилэн дансны тухай хууль үйлчилж байгаа нь төрийн байгууллагын гүйлгээ ил тод байгаагийн илрэл биш гэж үү?

-Эцсийн эзэмшигчийн татварын хууль, мөнгө угаах, терроризмыг санхүүжүүлэхтэй тэмцэх тухай хуулиудад тус бүр өөрөөр заагаад өгчихсөн. Дээрээс нь Улсын бүртгэлийн газар нь хуулиараа бүртгэнэ, гэхдээ олон нийтэд мэдээллэхгүй гэчихсэн. ЖДҮ-ийн хэрэгтэй холбоотойгоор ихэнх улстөрчид, улс төрд нөлөө бүхий хүмүүс бүртгэлийн opendata-с нэрээ засаж  авсан. Ингэхээр Монгол Улс өөрөө оноо алдах эрсдэлтэй болчихож байгаа юм. Бүх хууль эрх зүйн орчин хоорондоо уялдаатай байх ёстой. Шилэн данс гэхэд 5 саяас дээш гүйлгээг бүртгэдэг. 5 сая доторхийг бүртгэдэггүй гэх мэтчилэн асуудал байна.

-Covid-19-тай холбоотой маш их хандив, тусламж ОБЕГ-т цуглаж буй. Энэ үеийг далимдуулж дэлхийн улс орнуудад мөнгө угаах эрсдэл гарч болзошгүй гэсэн анхааруулга өгсөн байсан. Энэ тал дээр танай байгууллага хэрхэн ажиллаж байна вэ?

-Цар тахалтай холбоотойгоор Монгол Улс нэг удаагийн хууль баталсан. Энэ хуульд бүх зарцуулалтыг ил тод зарлах талаар тусгасан. Тиймээс ОБЕГ-ыг олон улс, иргэдээс авсан хандивын зарцуулалтыг ил тод зарлахыг бид шаардаж байгаа.

-Гэхдээ ОБЕГ-аас зарцуулалтыг албан ёсны сайтаас нь харчхаж болно гэдэг шүү дээ?

-Тийм ээ. Зарцуулалт нь сайт дээр тавигдсан байна лээ. Гэхдээ хэд хэдэн сэжигтэй гүйлгээг бид илрүүлэн, АТГ-д хандаад байгаа. ОБЕГ ч тэрхүү сэжиг бүхий гүйлгээг тайлбарлах ёстой.

-Тухайлбал, ямар сэжиг бүхий гүйлгээ байна гэж?

-Тухайлбал, 300 сая төгрөгийн гүйлгээ хоёр байгууллага руу даатгал гэсэн нэр дор шилжсэн байсан. Даатгалыг гадаад улсуудад сар бүр л бага багаар  шилжүүлдэг гэтэл нэг гүйлгээгээр л хэдэн 300 сая даатгал шилжүүлсэн байсан. Үүнийгээ тайлбарлах шаардлагатай. Энэ нь эргээд мөнгө угаах эрсдэл гэж тооцогдож болзошгүй шүү дээ.

-Саарал болон Хар жагсаалтаас хэрхэн гарах вэ?

-Саарал жагсаалтаас гарч байж бид Хар жагсаалтаас гарна.Европын холбоо хар жагсаалтаас хасах арга замыг харахаар эхлээд ФАТФ саарал жагсаалтаас хассаны дараа хасдаг юм билээ. Хасах нэг шалгуур нь  хувийн хэвшлийн байгууллагуудын эцсийн өмчлөгчийг зарлаж, ил тод болгосон цагт бид хар жагсаалтаас гарна. Иймээс бид мөнгө угаах, терроризмыг санхүүжүүлэхтэй тэмцэх чиглэлд хууль эрх зүйн орчноо сайжруулах шаардлага байна. Монгол Улс өөрөө хууль эрх зүйн орчноо сайжруулахгүй. Үүнд улс төрийн хүсэл эрмэлзэл алга. Засгийн газрын хэрэг эрхлэх газар EITI ба OGP байгууллагуудын өмнө эцсийн өмчлөгчийг 2020 оны 1 сараас мэдээлнэ гэсэн амлалт хүлээсэн атлаа тэрийгээ биелүүлэхгүй байгаа нь Монголын улс төрчдийн  худлаа ярьдаг гэж харагдуулж байна. УИХ нь хагас дутуу хууль баталснаас үүдээд өнөөдөр олон улсад хагас дутуу оноо аваад, саарал, хар жагсаалтад орчихоод сууж байна. Иймээс өнөөдрийг нөхцөл байдлаа бодитоор дүгнээд, хууль эрх зүйн орчноо цэгцлээд авах хэрэгтэй. Ингэсэн цагт Монгол Улсын авлигатай тэмцэх орчин сайжирч, авлигын индекс дээшилнэ.

Энэ мэдээнд өгөх таны сэтгэгдэл?
12
ЗөвЗөв
7
ТэнэглэлТэнэглэл
1
ХахаХаха
1
ГайхмаарГайхмаар
0
ХөөрхөнХөөрхөн
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

39 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-05-19 39.125.13.164

Шүүх рүү бүү муухайгаа чих улст өрчидөөс шүүхийг хол байлгая ерөнхийлөгч томилдог системийг халая захиргааны шүүх иргэдийн талд бсан бол одоо дарга нар болон попуудын талд гаргаж хэл амнаас зайлдаг иргэд хэл ам багатай гэдэг бжээ попууд шүүх рүү дайрдагийг болиулах ёстой

Avatar

зочин 2020-05-19 203.91.115.38

Улстөрчид авлигалыг цэцэглүүлсэн, тэд нэр цэвэр гар цэвэр үйлс нь ариун зам нь шулуун сэтгэл нь бохир шуналгүй байсан бол жирийн иргэд хуулийн байгууллагынхан юу гэж авлигачин болохын хамаг муу муухай юмны үндэс бохир улстөрчдөөс үүсэлтэй эрх мэдэл албан тушаал эд хөрөнгөний шунал нөлөөнд автчихсан балиар ад чөтгөр болчихсон бүрэлбаа нар

Avatar

зочин 2020-05-19 66.181.176.167

Хууль хяналтын байгууллага нь өөрөө авилгачдаар дүүрчихсэн ийм улс урагшаа явах уу.Мэдээж үгүй.Ажил хийдгээ ад үзэж арын хаалга хаа сайгүй болж засаг удирдаж байгаа хүн нь араандаа зуусан бүхнээ нухчин дардаг нийгэм хол явах уу

Avatar

зочин 2020-05-19 66.181.176.167

төр нь ашиг сонирхолын зөрчилтэй хүмүүс гээд хэрэг үүсгээд шалгаад байхад намууд нь хулгайчдаа их хуралд нэр дэвшүүлээд тэр нь магадгүй ялаад гараад ирвэл нөгөө хэрэг нь байхгүй болчихдог ийм улс хар жагссаалтад орохоос өөр яалтай билээ.Ерөнхийлөгч нь ч мөн адил

Avatar

Jjjj 2020-05-19 64.119.20.137

Tatvariin baigyyllagiin aldaa erh zuin orchin yal shiitgel huuye. Asyydlaa sain sudal. Ta uuruu hagas dytyy yarij bn. Shuuhees herguud Yagad heregsehgu bolj bsin. Huun heleltseh hugatsaa. Hen bataldin ulsin ih hural.

Avatar

Зочин 2020-05-19 202.179.24.163

Элбэгдоржийн үед авилгачид чичирдэг байлаа. Одоо даварсан байна аа. Санаж байгаа бол авлигачид хэдэн зуугаараа шорон явдаг байлаа. Шоронгоор дүүрэн авлигачид. Одоо авилгачид ялалт байгуулчихаад сууж байна. Элбэгдоржийг хазаж чадахгүй тойрч хуцаад л.

Avatar

Paвcaл 2020-05-19 174.216.16.96

Төрийг төлөөлдөг дипломат алба нь хар тамхи зөөснөөс гол нь болж хар жагсаалтанд ороо байлгүй дээ.

Avatar

Иргэн 2020-05-19 59.153.115.161

Захиргааны хэргийн шүүгч нар авигад автагдсан байна. Шүүгч З.Одмаа Танхимийнтэргүүн Батсуурь гэж аймаар авлигач нарыг хөөж явуулаачээ Ерөнхийлөгчөө

Avatar

Ганаа 2020-05-19 85.49.124.54

Naad Tenegtulga chini uuruu hulgaich shvv dee

Avatar

МӨНГӨ ХАЙРЛА 2020-05-19 64.119.25.165

ЭНЭ ЭРХЭМ АЛБАНЫ, ХУУРАЙ ГОЁ ҮГЭЭР ЯРЬЖ Л БАЙНА. АВИЛГАЛ УСТАЖ АЛГА БОЛОХ УУ? УЛАМ ЦЭЦЭГЛЭН ХӨГЖӨӨД Л, АРГА НЬ НАРИЙСААД Л.
ӨГӨХ АВАХ ХЭЛБЭР НЬ ӨӨРЧЛӨГДСӨН.
ЭРХ МЭДЭЛ, НЭР ТӨР, ХӨРӨНГӨ ЧИНЭЭТЭЙ БОЛОХЫН ТӨЛӨӨ ЗҮТГЭЖ БУЙ ХЭНБУГАЙН Ч АВИЛГАЛ ӨГНӨ, АВНА

Avatar

Зочин 2020-05-19 82.102.25.114

Хорон санаат коммунистууд дуусаагүй л байгаа цаг үе.

Avatar

долоогч биш 2020-05-19 202.9.46.154

луйварчд хулгайчид төрийг эзлэн шээс баас нь гоожоод байхад хэзээ ч хэрэг нь шалгагдаж шүүх рүү очдоггүй нь шүүхэд ямар хамаарал бнаа. шээс баас долоогч минь дэ.

Avatar

хэхэ 2020-05-19 103.212.119.126

ҮНЭН ҮНЭН ГАРЦААГҮЙ

Avatar

бааст 2020-05-19 202.9.46.154

авлигачид лжйварчд төрийн толгойд баыга шүү дээ б**с долоогё минь

Avatar

батбаяр мал 2020-05-19 202.9.46.154

Энэ дурак юу чрьж бгаагаа мэдэж бга болов уу. Албан тушаалтнууд авлигачид гэмт хэрэш үйлдсэн нь хуулийн гадуур, хэрэг үүсгэгдэхгүы бх нь шүүхийн буруу юу мал минь

Avatar

ИРГЭН 2020-05-19 202.9.46.29

ажлаа хийж чадахгүй бга шүүх прокурорыг татан буулгая……..

Avatar

ИРГЭН 2020-05-19 202.9.46.29

Харамсалтай нь, АТГ дээр илрүүлсэн хэргийн 24 хувьд нь шүүх өнөөдөр ял оноож байна. 76 хувийг нь хэрэгсэхгүй эсвэл нэмэлт мөрдөн байцаалтад шилжүүлж байгаа нь МОНГОЛЫН ШҮҮХ ПРОКУРОР ХЭРГИЙГ ХҮЧИНГҮЙ БОЛГОДОГ ГЭСЭН ҮГ ҮҮ??? ТЭГВЭЛ ИЙМ ШҮҮХ, ПРОКУРОРЫН ХЭРЭГ БАЙГАА ЮМУУ???????????????????? ТЭГЭЭД Л МОНГОЛ ХАР ЖАГСААЛТАНД ОРООД БГА ЮМ БНА.

Avatar

Зочин 2020-05-19 103.11.195.34

Агуулга нь бол үнэн зүйл ярьж, гарчгийг сэтгүүлч ганц шүүхээс хамааралтай юм шиг дэгсдүүлсэн байна

Avatar

Хуульч 2020-05-19 192.82.64.220

Наад хүн чинь ганцхан шүүх гэж яриагүй байхад шүүх авилгад идэгдсэн гэдэг гарчиг өгөөд. Хуульд ямар хариуцлага хүлээлгэнэ гэсэн тэр хариуцлагыг хүлээлгэн. УИХ авилгын хэрэгт хэт бага хөөн хэлэлцэх хугацаа тогтоогоод мөрдөн байцаалтын шатанд шах уу тэр хугацаа чинь дуусч байсан. Шударгаар ажиллаж байгаа шүүх, прокурорыг ингэж гүтгэж болохгүй. Улс төрч, сэтгүүлчид бодлоготой шүүхрүү дайрч байгаа харагдаж байна. Ерөнхийлөгчийн санаачилсан гэх шүүхийн хуулийг батлах зорилготой юу. Тэгвэл шүүх устана

Avatar

zochin 2020-05-19 58.109.221.157

shuuh prokuror shudarga ajillaval jagsaaltuudad orohgui

Avatar

zochin 2020-05-19 58.109.221.157

Shuuh prokuror shudarga bol uls ni yanz buriin jagsaaltad orohgui

Avatar

Ард түмэн 2020-05-19 202.131.238.166

Зөвхөн шүүхийг буруутгаж, шүүр рүү бүгдийг тохох нь үндэслэлгүй. УИХ хууль баталдаг бөгөөд авилгал хээл хахуулийн хэргийн хөөн хэлэлцэх хугацааг засах болон энэ төрлийн гэмт хэргийн ял шийтгэл хөнгөн байгаа учраас энэ төрлийн хэрэг буурахгүй байна

Avatar

Зочин 2020-05-19 66.181.161.58

Шүүхээс болоод ""Хар жагсаалт"-д орсон юм бол шүүгчдийн томилдог Ерөнхийлөгч бас шууд холбогдох гэм буруутан нь мөн биз дээ?!Ер нь шүүх дампуурах эхлэлийг Багабанди эхлүүлсэн!! Дараагийн нөхдүүд шүүхийн томилгоог эрх мэдлээ хүчирхэгжүүлэх хэрэгсэл болгож ирсэн түүхтэй!!!

Avatar

Зочин 2020-05-19 192.82.64.186

тэр авилгачид нь өөрсдөө юм чинь өөрсөдтэйгээ яаж тэмцэх юм…

Avatar

irgen 2020-05-19 150.129.142.249

Bodit baidal todorhoi baihad tsever tungalaga baigaa meteer shoydaad baihiin unentei evlereed .Tsaashid herhen ajillah talaar uhaan bodloo uralduulah heregtei baimaar yum

Avatar

Зочин 2020-05-19 49.180.156.131

Эрүүл мэндийн даатгал яагаад хамгийн их эрсдэлтэй банкинд байршив??? Монголын авлига нэг иймэрхүү гоё жишээн дээр ойлгогдоно. Намаас хөөгдвөл хуулийн, шүүхийн хамгаалалт байхгүй. Шударга ёс сахиулах чадамж ийм сул дорой. Ийм улсад дур зорго тэнгэрийн дээр заларч байгаа юм. Мэдэгтүн!

Avatar

Зочин 2020-05-19 103.11.192.34

шүүх прокурор ард түмэндээ энэрэнгүй хандах хэрэгтэй шүү!!!!!

Avatar

irgen 2020-05-19 150.129.142.249

Bodit baidal iim baihad yamarch uu sevgyi saihan baigaa meteer shoy hiigeed baih yum .Unentei evlerch tsaashid yah talaar shuurhai shiidmeer yum

Avatar

Зочин 2020-05-19 66.181.184.128

Энэ байгууллага сайн ажиллах хэрэгтэй,

Avatar

Зочин 2020-05-19 103.57.93.197

Төсвөө тонож мөнгө угаадаг ерөнхийлэгчтэй, банкаа дампууруулж казиноддог ерөнхий сайдтай, тэгээд 2лаа дунд боловсролтой. Энэ нь хар жагсаалтад орох хамгийн ноцтой шалтгаан болсон. Ийм хүмүүст төр засгаа атгуулдаг улс оронд хэн итгэх юм бэ!

Avatar

Иргэн 2020-05-19 68.82.177.15

Сайхан онож хэлжээ

Avatar

Зочин 2020-05-19 64.119.21.57

ЭНЭ НӨХРИЙН АМНААС ДАН МУУ ҮГ ГАРСАН БАЙХ ЮМ. ЯМАР ХАР ЭНЕРГИТЭЙ НӨХӨР ВЭ. Гаднаас цалинждаг, гадныхны гар хөл болсон нөхөр биш биз Манайд гадны удирдлагатай, монгол даргатай ТББ-ууд их бий шүү.Гадаад эзний заавраар ажиллана

Avatar

Зочин 2020-05-19 103.57.93.197

Менге угаагч еронхийлэгчтэй, банк дампууруулж казиноддог еронхий сайдтай гэдэг нь хар жагсаалтад орох хамгийн ноцтой шалтгаан нь болсон. Ийм хумуусийг гаргаж тер засгаа удирдуулж бгаа улс оронд хэн итгэх юм бэ?

Avatar

Irgen 2020-05-19 70.181.127.87

In hurald hulgaichid suugaad huuli gargaj uursdiiguu shyyhed uguhgyi erh darh edleed baihad uls oron yaj hugjih yum be.ih hurliin gishyydiin erh darhiig ustgah heregtei

Avatar

Зочин 2020-05-19 103.14.38.132

"Авилга гэж энэ харь үгийг чинь хэрэглээд байхаар Монгол хүн ойлгох уу" гэдэг зүйлээс эхлэнэ. Хээл хахуулийн хэрэг гэж Монголын эзэнт гүрний үеээс хэрэглэж ирсэн зүйлийг Элбэгдорж мэтийн сүнснүүд сольж, хольж самууруулсан шүү.

Avatar

Зочин 2020-05-19 202.9.40.158

Авилга гээд хуульд тусгачихаар ойлгохгүй хээл хахуул аваад байдаг хэрэг үү. Ямар тэнэг мал вэ. Авилга гэдэг үгийг Элбэгдорж зохиосон юм уу. Чи бөгсөө дутуу арчвал хэн нэгний буруу юу.

Avatar

яүёхши 2020-05-19 59.153.85.88

хэдэн хүний толгойг нь аваад эхлэхээр аандаа багасаад ирнэ гэж байгаа.

Avatar

Иргэн 2020-05-19 59.153.115.161

МАН-аас салцгаая

Avatar

Равдан 2020-05-19 59.153.115.161

Ямарч хараа хяналтгүй Хүрэлсүхийн Засгийн газар энэ 4 жилд Монголын төрийг авилгын далайд умбуулсан шүү. Одоо сонгуулийн хувьсгал хийж төрөө цэвэрлэж авцгаая

NewsMN Гар утасны хувилбар Татах
NEWS.mn

Мэдээллийн эх сурвалж