Америкчуудыг Ойрхи-Дорнодын орнуудаас хөөж гаргана хэмээн Ираны шашны тэргүүн Аятолла али-Хаменей мэдэгджээ. Тэрбээр “Афганистан, Ирак, Сири дэх АНУ-ын үйл ажиллагаа нь эргээд үзэн ядалтыг өдөөсөн. Цаашид америкчуудыг  Ирак, Сири улсаас хөөн гаргана” хэмээсэн байна. Ираны талаас өмнө нь  Сири, Иракаас цэргээ татахыг АНУ-аас удаа дараа шаардсан юм.

АНУ-ын армийн дрон өнгөрсөн нэгдүгээр сарын 3-нд Ираны цэргийн командлагч Кассем Солейманыг Иракт хөнөөснөөс хойш хоёр орны зөрчил хурцадсан юм. Улмаар Ираны талаас Ирак дахь АНУ-ын цэргийн бааз руу пуужингаар харваж, хариу барьсан билээ.

Үүний зэрэгцээ өнгөрсөн дөрөвдүгээр сард АНУ-ын Ерөнхийлөгч Дональд Трамп Ираны эсрэг дайсагнасан мэдэгдлийг хийсэн. Тэрбээр далай, тэнгис дэх АНУ-ын армийн хөлөгт Ираны талаас аюул, заналхийлбэл шууд гал нээх зааварчилгаа өгснөө мэдэгджээ. Дараа нь Ираны Хувьсгалыг хамгаалагч армийн дэслэгч генерал Хоссейн Салами түүнтэй ижил мэдэгдлийг хийсэн аж.

Эх сурвалж: New York Post