3,428.91
Европын аварга шалгаруулах хөлбөмбөгийн ээлжит тэмцээн ирэх онд Францад болох билээ. Тэгвэл өнгөрсөн шөнө “Евро-2016”-гийн хэсгийн сугалаа сугалах ёслолын ажиллагаа Франц улсын нийслэл Парис хотын Их хурлуудын ордонд болж, мянга гаруй хүн оролцжээ.
Европын шилдэг 24 баг зургаан хэсэгт хуваагдсан бөгөөд зохион байгуулагч Франц А хэсгийг тэргүүллээ.
Хэсэгт орсон багуудыг танилцуулья:
А хэсэг: Франц, Румын, Албани, Швейцарь
B хэсэг: Англи, ОХУ, Уэльс, Словак
C хэсэг: Герман, Украин, Польш, Хойд Ирланд
D хэсэг: Испани, Чех, Турк, Хорват
E хэсэг: Бельги, Итали, Ирланд, Швед
F хэсэг: Португал, Исланд, Австри, Унгар.
Эдгээр багууд доорх журмаар тоглоно. Хэсэгтээ тойргийн журмаар тоглож, плей-офф-д хэсэг тус бүрээс 2 баг шууд шалгарна. Зургаан хэсгээс 12 баг орно. Түүнчлэн хэсэгтээ 3-р байрт орсон 6 багаас хамгийн сайн үзүүлэлтэй 4 багийг 1/8 шигшээд сонгон оруулна. Тэгээд 12 баг дээр 4 баг нэмэгдэж 16 баг болно. Энэ шатнаас цааш тэмцээн хасагдах журмаар явагдана.
Хэсгийн тоглолтууд 2016 оны 6 сарын 10-22-нд болж, финалын тоглолт 7 дугаар сарын 10-ны өдөр "Стад де Франс" цэнгэлдэх хүрээлэнд болох юм.
Тоглолтын хуваарь:
- хэсгийн тоглолтууд VI.10-22
- 1/8 шигшээ VI.25-27
- 1/4 шигшээ VI.30-VII.03
- хагас шигшээ тоглолт VII.6-7
- Алтан медалийн төлөө VII.10.
“Евро -2016” тэмцээн 2016 оны зургаадугаар сарын 10-аас долоодугаар 10-ны өдрүүдэд Франц улсын Парис, Сен-Дени, Марсель, Лион, Бордо, Сент- Этьен, Тулуз, Ланс, Лилль и Ницце хотуудад тус тус болох юм.
1960, 1984 онуудад Европын аварга шалгаруулах тэмцээнийг зохион байгуулж байсан Франц улс гурав дахь удаагаа энэхүү нэр хүндтэй тэмцээнийг зохион байгуулах гэж байна.
Ч.БОЛОР
