Зарим хүн 60 настай ч өөрийгөө залуу гэж бодсоор байдаг. Мэдээжийн хэрэг амьдралын хэв маягаас үл хамааран хүн бүрийн бие организмд стресс, хүрээлэн буй орчноос шалтгаалан хөгшрөлтийн үйл явц харилцан адилгүй явагддаг.

Эмч, судлаачид сүүлийн үеийн шинжилгээн дээр үндэслэн хүний хөгшрөлт 50-55 насанд эхэлдэгийг тогтоожээ. Хөгшрөлтийг хэрхэн удаашруулж болох вэ? Хэрвээ та залуу сайхан байдлаа хадгалахыг хүсвэл юун түрүүнд хоолондоо анхаарч, хоногт 6-8 цаг унтаж, амьдралын хэв маяг, эрүүл мэнддээ гойд санаа тавих хэрэгтэйг эрдэмтэд зөвлөж байна.

Анагаах ухаанд хөгшрөлтийг бүхэл цогц, эд эсийн солилцооны түвшинд адил бус хэмжээгээр явагдах биологийн зайлшгүй өөрчлөлт гэж үздэг. Эсийн солилцоо аажмаар хувиралд орж, зарим амин эсийн солилцоо удааширч, эд эс эвдэгдэх, эсийн хоорондох шаар арвидах, биеийн дархлааны систем буурснаас болж, арьсан дээр үрчлээ атираа гарах, булчин  сулрах,  авчих, судасны уян хатан чанар алдагдах, хөгшрөлтийн бор толбо илрэх зэрэг ерөнхийлсөн чанартай үзэгдлүүд гэж тайлбарладаг.

Эх сурвалж: RAMBLER
Б.ЖАРГАЛ