Цар тахал дэлхийн долларын их наядтаныг төрүүлэх үү? | News.MN

Цар тахал дэлхийн долларын их наядтаныг төрүүлэх үү?

Цар тахал дэлхийн долларын их наядтаныг төрүүлэх үү?

Цар тахал дэлхийн долларын их наядтаныг төрүүлэх үү?

“Амазон”-ы үүсгэн байгуулагч Жефф Безос дэлхийн анхны долларын их наядтан болох магадлалтай ажээ. Энэ талаар жижиг бизнес эрхлэгчдэд зөвлөгөө өгдөг “Comparisun” байгууллагаас мэдээлэв.

Тус байгууллагын шинжээчдийн үзэж буйгаар Безос гэрлэлтээ цуцлуулж, эхнэрээсээ салснаар 38 тэрбум ам.доллар алдсан ч дэлхийн хамгийн баян хүн хэвээр байна. Сүүлийн таван жилийн хугацаанд цэвэр хөрөнгө нь дунджаар 34 хувиар өссөн нь Безосыг 2026 оны эхээр 62 нас хүрэх үед нь дэлхийн анхны их наядтан болгох боломжтой ажээ.

Өнгөрсөн нэгдүгээр сард тэрбээр 15 минутын дотор 13 тэрбум ам.долларын ашиг олсон бөгөөд “Амазон”-ы компанийн хувьцааны үнэ 12 хувиар өссөн байна.

"Comparisun"-ийн дүн шинжилгээгээр дэлхийн 11 тэрбумтанд л амьд сэрүүн ахуйдаа их наядтан болох бодит боломж байгаа аж. Тус байгууллагаас “Фэйсбүүк”-ийг үндэслэгч Марк Зукерберг 51 насандаа долларын их наядтан болох боломжтой гэж үзжээ.

Хятадын “Эвергранд” группын ерөнхийлөгч Шюй Жяинь 2027 онд 68 насандаа, түүний дараа “Алибаба” группын үүсгэн байгуулагч Жэк Ма 2030 онд 65 насандаа тус тус долларын их наядтан болох боломжтой хэмээсэн байна.

“Google”-ийн үүсгэн байгуулагч Ларри Пейж, Сергей Брин нар 2051 онд 77 насандаа долларын их наядтан болох боломжтой ажээ.

Дэлхийд одоогийн байдлаар их наяд ам.долларын хөрөнгөтэй баян эрхэм хараахан тодроогүй байгаа юм. Олон улсын “Oxfam” байгууллага энэ асуудлыг судлаад, дэлхийн хамгийн анхны их наядтан 25 жилийн дараа "төрөх" боломжтой гэсэн дүгнэлтийг одоогоос гурван жилийн өмнө хийснээ танилцуулж байв. “Oxfam”-ын шинжээчдийн үзэж буйгаар баялгийн тэгш бус хуваарилалт их наядтан төрөх гол түлхүүр аж.

Дэлхийн хүн амын нэг хувь нь үлдсэн 99 хувиасаа илүү их хөрөнгө эзэмшдэг гэсэн тооцоо бий. Ойрын 20 жилд дэлхийн хамгийн баян 500 хүн өв залгамжлагчдадаа 2.1 тэрбумын өв хөрөнгө үлдээх бөгөөд энэ нь Энэтхэг улсын ДНБ-ээс илүү гэсэн үг аж. 1988 оноос хойш дэлхийн хүн амын 10 хувийг бүрдүүлдэг хамгийн бага орлоготой иргэдийн орлого жилд ердөө гурван ам.доллараар өсч байхад нэг хувийг бүрдүүлдэг хамгийн баян хүмүүсийн орлого жилд 20 орчим хувиар нэмэгджээ.

Зөвхөн АНУ-ын хувьд авч үзэхэд, сүүлийн 30 жилд дундаж гэр бүлийн орлого огт нэмэгдээгүй бол баячуудынх бараг 300 хувиар өсчээ. “Forbes” сэтгүүл 1982 онд Америкийн хамгийн баян 400 хүний жагсаалтыг анх гаргасан бөгөөд түүнд багтахын тулд 75 сая ам.доллар хангалттай байсан байна.

Б.ЖАРГАЛ

Энэ мэдээнд өгөх таны сэтгэгдэл?
5
ГайхмаарГайхмаар
3
БурууБуруу
2
ХахаХаха
1
ХөөрхөнХөөрхөн
1
ТэнэглэлТэнэглэл
0
ЗөвЗөв
0
ХарамсалтайХарамсалтай
Баярлалаа!

Холбоотой мэдээ

12 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-05-16 192.82.69.201

Bi

Avatar

Зочин 2020-05-16 195.154.114.167

Иймэрхүү хүмүүс нөгөө насандаа там

Avatar

Зочин 2020-05-16 122.201.22.204

Delhii deer het bayan het yduu ulam ihesch bna. Mongold ch het bayan tom companuudaas yum avaad businessiig ni demjeed hereggui, ali boloh jijig businessee l demjij baij bugd yaduurahaas hamgaalna. Orgil emart neh orohgui ortsniihoo delguurees avah geh met

Avatar

Зочин 2020-05-16 103.212.116.207

Өнөөгийн дэлхийн банк санхүүгын тогтолцоог үүсгэгчид, одоо ч удамшин эзэгнэн захирагчид нь хэдхэн /ихэвчлэн еврей гаралтай/ гэр бүл байдаг. Харин бидний нүдэнд харагддаг улс төрийн болон геодолитикийн тогтолцоо бүтцүүд нь ихэвчлэн хуурмаг хоосон тавилтай, тэдний хүслээр өрнөдөг нүд хуурсан жүжгүүд юм. Форбесын жагсаалтын баячууд ч зүгээр хүүхэлдэй. Барууны, ялангуяа америкын улс төр бизнесын, урлагын томчууд нь тэдгээр нууц хүчирхэг гэр бүлүүдэд хэр их үйлчилж бялдуучилсаныхаа үр дүнд өөдөлдөг

Avatar

иргэн 2020-05-16 202.9.46.143

za estoi unen hellee . Rotshild yum uu Rockfeller geed buh delhiig atgasan bayachuul ch bga shuu. Yun dollarin ikh nayadtan ternees ch ikh

Avatar

5112 2020-05-16 202.131.225.197

ОДОО МОНГОЛЫН Л У Й В А Р Ч И Д ЭНЭНИЙ ТӨЛӨӨ ЗҮТГЭХ БИЗЭЭ

Avatar

зочин 2020-05-16 66.181.161.115

Эдний хөрөнгө манай луйварчдын хөрөнгөний хажууд инээдтэй сонсогдож байна.

Avatar

haabar 2020-05-16 59.153.87.57

Бас нэг үлгэрт монголчууд итгээд худал цуураад эхэлэв үү. 80 жилийн дараа л анхны их наядтан төрөх магадлалтай.

Avatar

иргэн 2020-05-16 59.153.112.167

Энэ санхүүгийн систем нурах байх оо

Avatar

Зочин 2020-05-16 103.26.193.244

2.1 триллион {их наяд} долларын өв хөрөнгө үлдээнэ гээч

Avatar

ЗОЧИН 2020-05-16 202.179.26.169

МАНАЙД ОНЛАЙН ХУДАЛДАА МӨДДӨӨ ХӨГЖИХГҮЙ ЭЭ. ХАР СААРАЛ ЖАГСААЛТАНД БАЙГАА УЛСАД ЮУН ОНЛАЙН ТӨЛБӨР ТООЦОО. ЯДАЖ PAYPAL Ч БҮРЭН АЖИЛЛАХГҮЙ. ХИЛЭЭ ХААЧИХСАН ТУЛ ШУУДАН ХОЛБОО Ч ТАСАРЧИХСАН. ГОРЬДОЛТГҮЙ НӨХДӨӨ

Avatar

Зочин 2020-05-16 103.212.119.143

Manaih oligarhuud barag 5 jiliin daraa garaaal irne dooo haraarai

NewsMN Гар утасны хувилбар Татах
NEWS.mn

Мэдээллийн эх сурвалж