Эрт эхэлж алсыг хар | News.MN
Эрт эхэлж алсыг хар

Коронавирусийн цар тахал дэлхийг чичрээж байгаа энэ үед улс орнууд иргэдийнхээ амьжиргааг залгуулах эдийн засгийн цогц арга хэмжээг авч байна.

Манай улсын хувьд хувийн хэвшилд ажилладаг бүхий л иргэд нийгмийн даатгалын шимтгэл төлөгдөөгүй бүтэн цалингаа 6 сарын хугацаанд авч эхэлсэн.

Дээрээс нь нэмээд хэрэв байгууллагынх нь ашиг, орлого өнгөрсөн жилийнхээс буурсан бол 200,000 төгрөг, 1072 хувьцааны ногдол ашиг авахаар болж, орон сууцны 8 хувийн зээл төлөх хугацаа хойшлогдож, хүүхэд бүрт олгодог мөнгө 100 мянга болсон зэрэг нь олон хүний амьдралд нэмэртэй л байна.

Энэ мөнгө нь зарим хүмүүст өдөр тутмын амьдралаа залгуулахад нь зайлшгүй хэрэгтэй байгаа бол зарим хүнд тодорхой хэмжээний санхүүгийн нэмэлт орлого болж байна. Тийм ч учраас өөрт нь яг одоо нэн шаардлагатай биш байгаа учраас энэхүү мөнгөнийхөө тодорхой хувиар хөрөнгө оруулалт хийх хүсэлтэй иргэд хэрхэн, яаж гэсэн асуултыг бидэнд илгээсэн юм.

ХӨРӨНГӨ ОРУУЛАХ ЗӨВ ЦАГ ХУГАЦАА 

Дэлхийн алдартай хөрөнгө оруулагчид “Хөрөнгө оруулалт хийх хамгийн зөв цаг хугацаа бол эрт эхлэх, харин өгөөжийг нь урт хугацаанд харах” гэж зөвлөдөг.  Мөн хөрөнгө оруулалт хийх гэж байгаа компаниа ямар салбарт үйл ажиллагаа явуулдгаас нь эхлээд хэн удирддаг, санхүүгийн хувьд хэр тогтвортой, ирээдүйн чиг хандлага нь ямар байх вэ гээд бүгдийг сайтар судлахыг сануулдаг билээ.

Тухайлбал, хүн төрөлхтөн оршин тогтносоор байгаа цагт хоол идэж, ус уух нь тодорхой тул хүнсний үйлдвэрлэлийн салбарын компаниуд дампуурах эсвэл хувьцааны үнэлгээ нь буурах магадлал тун бага…гэх мэт олон жишээг энд татаж болно. Эсрэгээрээ буруу хөрөнгө оруулалт хийвэл маш их алдагдалд унах эрсдэлтэй.

ХҮҮХДЭДЭЭ “ТЭРБУМ”-ААР НЬ ӨВЛҮҮЛЭХ БОЛОМЖТОЙ

Гэвч хүн бүрт энэ бүхнийг судлах цаг зав байдаггүй, тусгайлан мэргэжлийг нь эзэмшээгүй учраас ойлгоход хүндрэлтэй байдаг учраас олон орны иргэд энэ асуудлаа мэргэжлийн хөрөнгө оруулалтын санд даатгачихдаг. Тухайн сан нь таны өмнөөс судалгаа шинжилгээ хийгээд, танд ашигтай хөрөнгө оруулалтыг санал болгох зэргээр ашиг орлогыг тань арвижуулаад, эрсдэлийг нь дааж ажилладаг юм.

Уг нь удахгүй шинэчлэгдэхээр яригдаж байгаа тэтгэврийн шинэчлэлд  тухайн иргэний нийгмийн даатгалд төлж буй мөнгөн дүнгийн 2-хон хувийг хөрөнгө оруулалтын санд төвлөрүүлчихвэл дээрх боломж нээгдэх учиртай. Ингэснээр иргэд өндөр насны амралтанд суухдаа тогтмол тэтгэвэр дээрээ нэмээд хөрөнгө оруулалтын өндөр өгөөжөө хүртэж, үүнийгээ үр хойчдоо ч өвлүүлэн үлдээх боломж бүрдэх юм.

Тиймээс хөрөнгө оруулалтыг эрт эхэлж, өгөөжийг урт хугацаанд хар гэсэн дэлхийн алдартай хөрөнгө оруулагчдын зөв болохыг баталсан Монголын АПУ, Сүү компанийн сайн жишээг та бүхэнд хүргэе.


АПУ ХК

ЖИШЭЭ-1

Хэрэв та 2003.01 сараас 2020.04 сар хүртэл /нийт 203 сар/ сар бүр 40 мянган төгрөгөөр АПУ ХК-ийн хувьцааг худалдан авч байсан бол энэ хугацаанд нийт 2,7 сая ширхэг хувьцаатай болсон гэсэн үг юм. Энэ хугацаанд АПУ ХК 2 удаа 100 болон 10-ын харьцаагаар хувьцаагаа хуваасан байна. Ингээд хувьцааны үнэлгээг 2020.04-р сарын ханшаар тооцвол та нийт 1.4 тэрбум төгрөгтэй болжээ. Өөрөөр хэлбэл та 21 настайдаа анх ажилд орж, сар бүр цалингаасаа 40 мянган төгрөг буюу  38 нас хүртлээ хийсэн нийт 8 сая 120 мянган төгрөгийн хөрөнгө оруулалт тань 1.4 тэрбум төгрөг буюу 17674 хувиар өссөн байна.


СҮҮ ХК

ЖИШЭЭ-1

Хэрэв та СҮҮ ХК-ийн хувьцааг 2004.01 сараас 2020.04 сар хүртэл /нийт-144 сар/, сар  бүр 40 мянган төгрөгөөр худалдан авсан бол нийт 5 сая 120 мянган төгрөгөөр 11,1 сая ширхэг хувьцаатай болсон гэсэн үг. Энэ хугацаанд Сүү ХК 1 удаа 1000-ын харьцаагаар хувьцаагаа хуваасан байна. Үүнийг 2020.04 сарын ханшаар тооцоход нийт хувьцааны үнэлгээ нь 2.1 тэрбум төгрөг буюу 37370 хувь өссөн байна.

Тиймээс хэрэв та хөрөнгө оруулалт хийх хүсэлтэй байгаа бол эрт эхлэхийг зөвлөе. Үүнд таны одоо авч буй “бүтэн” цалин тань боломж нээж өгөх ч юм билүү.

ХҮҮХЭД ТАНЬ “ТЭРБУМТАН” БОЛОХ БОЛОМЖТОЙ

Хүн бүр үр хүүхдээ дутагдаж гачигдахын зовлон битгий амсаасай, аз жаргалаар дүүрэн амьдраасай гэж хүсдэг. Тиймээс олон эцэг эх улсаас өгдөг “Хүүхдийн мөнгө”-ийг ирээдүйд нь зориулж хадгаламжинд хийдэг. Тэгвэл энэ мөнгөөр хөрөнгө оруулалт хийвэл яах бол? гэсэн асуултыг бидэнд байнга илгээдэг юм. Тиймээс дараагийн нийтлэлдээ танд тус болж мэдэх мэдээллийг бид хүргэх болно.

Хөрөнгийн зах зээлийг ойлгон, ашигтай хөрөнгө оруулалт хийж, зөв шийдвэр гаргахад тань дэлхийн хөрөнгийн зах зээлийн талаарх хамгийн сүүлийн үеийн мэдээ, мэдээлэл танд туслах болно. Та өдөр бүр шинэ мэдээлэл авахыг хүсвэл доорх линкээр бидэнд хандаарай.

https://forms.office.com/Pages/ResponsePage.aspx?id=2MzPYvU5oUu7hx-zQHANd6q8BOCt4m9LsNIYAaDj_TVUMEJOT0tWSzJJSkE1SDAySDBXRUJBTTdYSy4u

Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж