“Удам судраа мэдэж, угийн бичгээ хөтөлцгөөе” уриан дор гэр бүлийн өдрийг тэмдэглэж байна | News.MN

“Удам судраа мэдэж, угийн бичгээ хөтөлцгөөе” уриан дор гэр бүлийн өдрийг тэмдэглэж байна

“Удам судраа мэдэж, угийн бичгээ хөтөлцгөөе” уриан дор гэр бүлийн өдрийг тэмдэглэж байна

“Удам судраа мэдэж, угийн бичгээ хөтөлцгөөе” уриан дор гэр бүлийн өдрийг тэмдэглэж байна

1993 онд Нэгдсэн Үндэсний байгууллагын Ерөнхий Ассамблейгаас Олон улсын гэр бүлийн өдрийг тэмдэглэн өнгөрүүлэх шийдвэр гаргаснаар энэхүү өдрийг анх 1994 оны тавдугаар сарын 15-нд тэмдэглэж эхэлсэн.

Олон улсын гэр бүлийн өдөр нь дэлхийн хүн ам зүйн хөгжил, гэр бүлийн аз жаргал, бат бэх байдал, нийгэм эдийн засаг дахь гэр бүлийн оролцоог олон нийтэд сурталчилдаг ач холбогдолтой өдөр юм.

Монгол Улс 17 дахь жилдээ энэхүү өдрийг тэмдэглэж байна. Олон Улсын гэр бүлийн өдрийг тохиолдуулан Нийслэлийн гэр бүл, хүүхэд залуучуудын хөгжлийн газраас “Удам судраа мэдэж, угийн бичгээ хөтөлцгөөе” уриа дор дараах үйл ажиллагаануудыг зохион байгуулж байна. Үүнд:

  • Монголчуудын үндэсний өв соёл болсон угийн бичгийг түгээн дэлгэрүүлэх, хүүхэд залуус хойч үедээ өвлүүлэх, хөтлүүлэх замаар хүн амын удмын санд учирч болзошгүй сөрөг нөлөөллийг арилгах, цус ойртолтоос урьдчилан сэргийлэх, үндэсний аюулгүй байдлыг хамгаалах зорилгоор угийн бичгийн тухай, түүнийг хэрхэн хөтлөх, угийн бичгийн талаарх өөрийн мэдлэгийг сорих асуулга, зөвлөмжийг боловсруулан олон нийтэд түгээн ажиллаж байна.
  • 9 дүүргийн хэмжээд Угийн бичиг хөтөлдөг, хүүхэд залуус, хойч үедээ өвлүүлэх, хөтлүүлэхэд зааж сургахад үнэтэй хувь нэмрээ оруулж байгаа шилдэг 27 гэр бүлийг шалгаруулан урамшуулж байна.
  • Удам судраа мэдэж Угийн бичгээ хөтөлцгөөе уриалгыг өрнүүлж 9 дүүргийн ГБХЗХХ-ээр дамжуулан цахим давлагааг үүсгээд байна.
  • Ковид 19 цар тахлын үед гэр бүлд зориулсан мэдээ мэдээллийг хүргэх зорилгоор Нийслэлийн Гэр бүл, хүүхэд, залуучуудын хөгжлийн газрын дэргэдэх Гэр бүлийн зөвлөгөө боловсрол онол аргазүйн төвөөс Олон улсын Улаанбаатар их сургуулийн Гэр бүл судлалын тэнхимийн багш нартай хамтран Олон нийтийн гэр бүлийн боловсролд зориулсан 24 удаагийн цахим хичээлийг хүргэхээр бэлтгээд байна. Гэр бүлд тулгардаг асуудал бүрийг энгийнээр шийдвэрлэх талаар болон гэр бүлийн боловсролд тань мэдлэг нэмэхээр мэргэжлийн багш нар та бүхэнд зөвлөх юм.
  • Жил бүр уламжлал болгон зохион байгуулдаг ХХI-р зууны Монгол гэр бүл” эрдэм шинжилгээний бага хурлыг цахим байдлаар зохион байгуулахаар бэлтгэл ажлыг хангаж байна. 05 дугаар сарын 15-ны 13:00 цагаас энэхүү эрдэм шинжилгээний хурлын мэдээллийг Гэр бүлийн зөвлөгөө боловсрол, онол арга зүйн төвөөс шууд хүргэх юм.

Нийслэл хотынхоо 380,000 өрх гэр бүлд Олон улсын гэр бүлийн өдрийн мэнд хүргэе.

НИЙСЛЭЛИЙН ГЭР БҮЛ, ХҮҮХЭД, ЗАЛУУЧУУДЫН ХӨГЖЛИЙН ГАЗАР

Энэ мэдээнд өгөх таны сэтгэгдэл?
2
ХөөрхөнХөөрхөн
2
ТэнэглэлТэнэглэл
0
ЗөвЗөв
0
ХахаХаха
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

6 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-05-15 202.21.107.77

Архивыг гэрээсээ мөнгө төлөөд авчихдаг бол амар л байна.

Avatar

Судлаач 2020-05-15 88.18.94.62

Цус ойртолт гэж гэр бүлийн дотор л байхаас үеэлүүд дээрээс шууд хамааралгүй болж эхэлдэг гээд олон улсын хэмжээний судлаачид хэлээд байхад дэмий амбасын юмаа бичсээррр. Үеэлүүд дундаас гарсан хүүхдүүд 40 орчимтой төрсөн эмэгтэйн хүүхэдтэй ижил хэмжээний эрүүл мэндтэй төрдөг. Тэрнээс мангар төрдөг гэх юм байхгүй. Харин эхийн сүү аюултай. Нэг эхийн сүү идэж өссөн хүүхдүүд хоорондоо сууж болохгүй

Avatar

Зочин 2020-05-15 66.181.161.73

Архивын ерөнхий газрын мэдээллийн цахим хэлбэрт оруулаад өгөөч. Цахим гэсэн тодотголтой мөртлөө яагаад цахимаар мэдээлэл хайх боломжгүй байгаа юм? Заавал өөрийн биеэр очиж мэдээллээ авна гэдэг энэ их түгжрэл, цаг хугацаа алдана. Орчин үетэйгээ хөл нийлүүл л дээ. Мөн ч олон хүн ургийн бичгээ хөтлөх хүсэл байв ч архивын үйл ажиллагаа болохгүй байна.

Avatar

Зочин 2020-05-15 202.131.245.69

Архивыг ерөнхий газар, Иргэний бүртгэлийн ерөнхий газар, Үндэсний статистикийн хороо бүртгэлээ нэгтгээд цахимжуулвал

Avatar

Зочин 2020-05-15 64.119.26.7

угийн бичигт днк бичдэг болго

Avatar

Зочин 2020-05-15 202.21.100.164

Иргэний бүртгэлийн газар нь урагийн бичгийн нэгдсэн программтай болох хэрэгтэй. Хувь хүмүүс нь тухайн программд мэдээллээ оруулж бүртгэлээ цахимжуулах ёстой. Одоо дээр үеийн шиг цаасан дээр хөтөллөө гээд ч ач холбогдол бага шүү

NewsMN Гар утасны хувилбар Татах
NEWS.mn

Мэдээллийн эх сурвалж