Европын Холбооноос Монгол Улсад суугаа Төлөөлөгчийн газраас санаачлан Европын Сонгодог Хөгжмийн Концерт Монголд анх удаа дижитал орчинд буюу цахимаар 2020 оны тавдугаар сарын 16-ны 18.00 цагт тоглогдоно. Концертод Монгол Улс болон Европын Холбооны Төрийн дууллаас гадна тус Холбооны 9 гишүүн орны сонгодог хөгжмийн зохиолын сор бүтээлүүдийг Монголын улсын Филармоны шилдэг хөгжимчид эгшиглүүлнэ.

Энэ жилийн хувьд, аюулт цар тахал бидний уулзан учрах нөхцөлийг хязгаарлаж, найз нөхдөөсөө хол байхыг шаардаж байгаа ч Европын сонгодог хөгжмүүдийг сонсож, Европын Өдрийг хамтдаа цахимаар тэмдэглэж байгаа нь талархууштай. Европын сонгодог хөгжмийн концерт тавдугаар сарын 16-ны 18.00 цагт Европын Холбооноос Монгол Улсад суугаа Төлөөлөгчийн газрын албан ёсны YouTube хуудас болох EUinMongolia буюу дараах линкээр https://www.youtube.com/channel/UC4_ij8Ce-sH-IPm5G4-x6CA?view_as=subscriber орж концертыг хүлээн авч үзнэ үү.

 Дэлгэрэнгүй мэдээллийг:

Facebook: https://www.facebook.com/EUinMongolia/

Instagram: https://www.instagram.com/euinmongolia/

Twitter: https://twitter.com/EUinMongolia

А.АНИР