Дархан, Сэлэнгийн чиглэлд автобус явж эхэллээ | News.MN

Дархан, Сэлэнгийн чиглэлд автобус явж эхэллээ

Дархан, Сэлэнгийн чиглэлд автобус явж эхэллээ

Дархан, Сэлэнгийн чиглэлд автобус явж эхэллээ

НЭМЭЛТ: Ус цаг уур орчны шинжилгээний газрын мэдээлж буйгаар, Дархан, Сэлэнгэд нойтон цас орж байгаа талаар мэдээлэв. Гэхдээ тус хоёр аймагт цаг агаарын нөхцөл байдал сайжирч байгаа тул зорчигч тээврийн автобус явуулж эхэлсэн байна


НЭМЭЛТ: Ус цаг уур орчны шинжилгээний газрын мэдээлж буйгаар, 14.00 цагаас хойш цаг агаарын нөхцөл байдал муудаж, төвийн аймгуудын ихэнх нутгаар 16,17-ны өдрүүдэд төвийн нутгийн зүүн хэсэг, зүүн аймгуудын ихэнх нутгаар бороо, нойтон цас орж салхи секундэд 18-20 метр, говь тал хээрийн нутгаар секундэд 24-26 метр хүрч ширүүсч, онц хүчтэй цасан болон шороон шуурга шуурч, гамшгийн түвшинд хүрнэ гэдгийг анхааруулж буй

Цаг агаарын нөхцөл байдал муудахтай зэрэгцээд Сүхбаатар, Хэнтий, Дундговь, Өмнөговь зэрэг аймгууд замаа хаах шийдвэр гаргасан. Мөн Хэнтий, Сүхбаатар, Дорнод, Дархан, Сэлэнгийн чиглэлд зорчигч тээврийн автобус явахгүй болохыг аймгуудын онцгой комиссоос анхааруулж байна.


НЭМЭЛТ:  Цаг агаарын нөхцөл байдал муудаж байгаатай холбогдуулан Сүхбаатар, Хэнтий аймгуудын замын хөдөлгөөний хязгаарлах шийдвэр гарсан бол Дундговь болон Өмнөговь аймгийн онцгой комисс орон нутгийн замын хөдөлгөөнийг 10.00 цагаас хаах шийдвэр гаргажээ.


Нийт нутгаар өнөөдрөөс эхлэн гурав хоногийн туршид эрс хүйтэрч, орон нутагт хүчтэй шороон болон цасан шуурга шуурна гэдгийг ОБЕГ болон УЦОШГ анхааруулж буй. Тодруулбал, өнөөдөр /2020.05.15/ төвийн аймгуудын ихэнх нутгаар 16,17-ны өдрүүдэд төвийн нутгийн зүүн хэсэг, зүүн аймгуудын ихэнх нутгаар бороо, нойтон цас орж салхи секундэд 18-20 метр, говь тал хээрийн нутгаар секундэд 24-26 метр хүрч ширүүсч, онц хүчтэй цасан болон шороон шуурга шуурч, гамшгийн түвшинд хүрнэ.

Ойрын гурав хоногт болох байгалийн гамшигт үзэгдэл нь 2008 оны тавдугаар сарын 26, 27-нд болсон цаг агаарын онц аюултай үзэгдэлтэй төстэй байх ажээ. Энэхүү байгалийн гамшигт үзэгдлийн үеэр 52 хүн амь насаа алдаж, 324 бог мал сүйдэж 100 байшингийн дээвэр хуурч, цахилгааны шон нурж тог тасарч байв.

Цаг агаарын нөхцөл байдал муудаж байгаатай холбогдуулан Хөвсгөл, Булган, Сэлэнгэ, Дархан-Уул, Төв аймаг, Дундговь, Өмнөговь, Дорноговь болон зүүн гурван аймагт ажиллаж байгаа Цаг агаарт зориудаар нөлөөлөх экспедицүүдийн үйл ажиллагааг гурав хоногийн хугацаагаар буюу тавдугаар сарын 17-ныг дуустал зогсоосон аж.

Мөн Сүхбаатар аймаг өглөөний 08.00 цаг, харин Хэнтий аймаг өглөөний 10.00 цагаас тус, тус эхлэн орон нутгийн замын хөдөлгөөнийг тодорхойгүй хугацаагаар хязгаарлах шийдвэр гаргажээ.

Иймд цаг агаарын мэдээ, мэдээллийг цаг тухай бүр сонсон, мэргэжлийн байгууллагаас өгч буй сэрэмжлүүлэг, анхааруулгыг дагах,

Тээврийн хэрэгслийн жолооч нар хол, ойрын замд гарахдаа тээврийн хэрэгслийн найдвартай байдлыг хангаж бензин, шатахууны нөөцтэй, дулаан хувцастай зорчих,

Иргэд, малчид болзошгүй эрсдэлээс урьдчилан сэргийлж, салхи шуурганд төөрөх, малтайгаа уруудах эрсдэлээс урьдчилан сэргийлж, малаа ойрын бэлчээрт хариулах, бага насны хүүхдийг малд явуулахгүй байх,

Ой, хээрт явахдаа галын аюулгүй байдлыг сайтар хангаж, болзошгүй эрсдэлээс урьдчилан сэргийлэхийг анхааруулж байна.

Энэ мэдээнд өгөх таны сэтгэгдэл?
14
ГайхмаарГайхмаар
9
ЗөвЗөв
8
ХөөрхөнХөөрхөн
7
ХарамсалтайХарамсалтай
7
ТэнэглэлТэнэглэл
4
БурууБуруу
2
ХахаХаха
Баярлалаа!

Холбоотой мэдээ

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-05-15 202.126.88.211

2008 онд 324000 мал үхсэн.

Avatar

Зочин 2020-05-15 103.26.195.76

324001 гээч

Avatar

Күн 2020-05-15 194.5.53.34

Тэр нь дээр байх аа

Avatar

Зочин 2020-05-15 66.181.182.155

Hotoos ch gesen garah zamiig barag haasan ni deer de orkuud haashaa ch hamaagui yavaad ontsgoin heden zaluuchuudadd gai bolno do

Avatar

123456 2020-05-15 49.0.212.150

Төвийн бүсийн цахилгааны тулгуурууд унаж нэг хэсэгтээ тоггүй болох нь л дээ

NewsMN Гар утасны хувилбар Татах
NEWS.mn

Мэдээллийн эх сурвалж