Ихэр цамхагийн халдлагад оролцсон дипломатчийн нэрийг санамсаргүй зарлажээ | News.MN

Ихэр цамхагийн халдлагад оролцсон дипломатчийн нэрийг санамсаргүй зарлажээ

Ихэр цамхагийн халдлагад оролцсон дипломатчийн нэрийг санамсаргүй зарлажээ

Ихэр цамхагийн халдлагад оролцсон дипломатчийн нэрийг санамсаргүй зарлажээ

Олон жил нууцалсны эцэст дэлхийн худалдааны төв буюу ихэр цамхаг болон пентагонруу халдсан Аль-Кайда бүлэглэлийн хоёр алан хядагчид тусалсан гэгдэх Саудын Арабын дипломатчийн нэрийг холбооны мөрдөх товчоо (ХМТ) санамсаргүй зарлажээ. Өнгөрсөн долоо хоногт есдүгээр сарын 11-ний халдлагын хохирогчдын гэр бүлийнхний гомдлын дагуу Саудын Арабын засгийн газрын эсрэг шүүх хурал болоход халдлагад тусалсан гэх дипломатчийн нэр шүүх хурлын зар дээр бичигджээ. Тус алдааг анх Yahoo news агентлаг анзаарч сурвалжилсан ч албан тушаалтнууд тодорхой хариу өгөөгүй ажээ.

ХМТ-ны терроризмтой тэмцэх тасгийн орлогч даргын дээрх алдааг албаныхан хэдийн мэдсэн ч нэгэнт хожимдсон байжээ. Тэрхүү дипломатчийн нэр Муссаед Ахмед Аль-Жарра гэх бөгөөд 1999, 2000 оны үед Вашингтон дахь элчин сайдын яамтай холбоотой ажиллаж байсан Саудын Арабын гадаад хэргийн яамны дунд шатны албан тушаалтан гэнэ.

Үндэсний аюулгүй байдалд маш том сүйрэл болсон тус халдлагад хувь нэмэр оруулсан дипломатчийн нэрийг Трамп, Обама, Бушийн засаглалын бүх үед нууцалсаар ирсэнд хохирогчдын ар гэрийнхний төлөөлөл бухимдаж “Энэ үйл явдал засгийн газар Саудын Арабын гэм бурууг бүрэн хаацайлж байгаагийн нотолгоо боллоо. Жарра бол Саудын Арабын элчин сайдын яамнаас Исламын хэргийн яам, алан хядагч хүртэлх олон шатны захиргааны ердөө нэг хэсэг” хэмээн ярьжээ.

Мөн алан хядагчдад тусалсан гэгдэх, Лос Анжелес дахь байрнаас нь их хэмжээний мөнгөний хамт баривчилсан Саудын Арабын шашны зүтгэлтэн Фахад Аль-Тумайри, Саудын Арабын тагнуулын албаны ажилтан хэмээн сэжиглэгдэж байсан Омар Аль- Баёуми нарыг Жарра удирдан ажиллаж байсан хэмээн сэжиглэж байгаа аж. Тумайри, Баёуми нарын нэрийг 2016 онд албан ёсоор ил болгосон ч халдлагыг үйлдсэн алан хядагчдад тушаал өгсөн хүний нэр одоо хэр нь улсын нууц хэвээр байна.

Анх есдүгээр сард хохирогчдын гэр бүлийнхний хуульчдад үйлчлүүлэгч нар болон олон нийтэд зарлахгүй байх гэсэн нөхцөлтэйгөөр Жаррагийн нэрийг танилцуулж байсан ажээ. Хэдий нэрийг нь санамсаргүй зарласан ч Жаррагийн бусад мэдээллийг үндэсний аюулгүй байдлын төлөө улсын нууц хэвээр үлдээхээр болжээ.

Эх сурвалж: RT.COM

Энэ мэдээнд өгөх таны сэтгэгдэл?
3
ХахаХаха
1
ТэнэглэлТэнэглэл
1
БурууБуруу
0
ЗөвЗөв
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
Баярлалаа!

Холбоотой мэдээ

9 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-05-14 202.131.253.66

Улсын нууцыг санамсаргүй залах уу??? Нэг л итгэл төрөхгүй байх чин.

Avatar

Зочин 2020-05-14 202.21.107.77

Үндэсний аюулгүй байдлын төлөө нууц хэвээрээ үлдэх ёстой гэнэ үү. Саудын Арабын хүнийг хамгаалаад байгаа юмаа даа. Энэ Америктаа гэж…

Avatar

Зочин 2020-05-14 146.115.161.230

Саудууд гээд байдаг. Тэгснээ Афганд сүүлдээ хадуураад Иракт байлдаж тоглоод байдаг нь лаг сонин тээ. Аль аль нь одоо болтол дуусаагүй. Бин Ладен үхсэн ч.

Avatar

Зочин 2020-05-14 64.119.24.186

америкчууд бохир түүхээ давтаж ядуу орнуудын тархийн нь угааж алтын авч баяждаг аргаа хэрэглэсэн. Америкийн ихэнх нь тархи угаалтын хөзөрнүүд юм. Жишээ холивуд

Avatar

Зочин 2020-05-14 66.181.161.28

Зэвсгийн үйлдвэрийн эздийн гар хөл болсон генералынхаа ятгалгаар бага Буш өөрөө халдлагыг зохион байгуулах тушаал өгч, халдлагаар далимдуулан ирак руу дайн хийж гэр бүлийн бизнес нь энэ дайнаас асар их ашиг олсон гэдэг юм

Avatar

Зочин 2020-05-14 66.181.184.84

Эхлээд афганистан руу

Avatar

Зочин 2020-05-14 66.181.184.84

Бага Жорж Буш өөрөө тушаал өгсөн юм өө.

Avatar

зочин 2020-05-14 202.126.89.235

газрын тос

Avatar

Зочин 2020-05-14 202.21.124.133

аяулгүй

NewsMN Гар утасны хувилбар Татах
NEWS.mn

Мэдээллийн эх сурвалж