Хөдөлмөрийн олон улсын хуралд оролцов | News.MN - Мэдээллийн эх сурвалж

Хөдөлмөрийн олон улсын хуралд оролцов

Хуучирсан мэдээ: 2015.12.11-нд нийтлэгдсэн

Хөдөлмөрийн олон улсын хуралд оролцов

 

Хөдөлмөрийн сайд Г.Баярсайхан АСЕМ-ын Хөдөлмөр эрхлэлт, хөдөлмөрийн сайд нарын тавдугаар бага хуралд оролцоод ирлээ.

 

Болгарын нийслэл Софи хотноо энэ сарын 3-5-нд болсон уг хуралд Ази, Европын 40 гаруй улсаас хөдөлмөрийн асуудал эрхэлсэн Засгийн газрын гишүүд нь оролцож, АСЕМ-ын нийгмийн түншүүдийн форум дахь сайд нарын оролцооны талаар тусгайлан ярилцахын хамт Ази, Европын залуучуудын хөдөлмөрийн зах зээлийг сайжруулах боломж болон учирч буй саад бэрхшээл, Олон улсын нийлүүлэлтийн сүлжээн дэх зохистой хөдөлмөр болон аюулгүй ажлын байр, АСЕМ-ын хүрээнд хөдөлмөр болон нийгмийн стандартыг дэмжих, нийгмийн хөгжил болон нийгмийн хамгааллын хүртээмжийг дэмжихэд хөрөнгө оруулах асуудлыг хэлэлцжээ.

 

Хөдөлмөрийн сайд нарын тавдугаар бага хурлын ач холбогдлыг Г.Баярсайхан сайд Ханойн тунхаглалын хэрэгжилтийг үнэлэх, хөдөлмөр эрхлэлт, нийгмийн хамгааллын бодлогыг хэрэгжүүлэх чиглэлээр цаашдын хамтын ажиллагааг тодорхойлох зорилго бүхий Софигийн тунхаглалыг батласнаас гадна 2016 онд Монгол Улсад болох Ази, Европын гишүүн орнуудын дээд хэмжээний чуулга уулзалтад бэлтгэхтэй холбоотой асуудлуудыг хэлэлцсэн нь манай хувьд цаг үеэ олсон чухал арга хэмжээ хэмээн тодорхойлсон юм.

 

Тэрбээр “Ази, Европын залуучуудын хөдөлмөрийн зах зээлийг сайжруулах боломж болон учирч буй саад бэрхшээл” сэдвийн дор болсон нэгдсэн хуралдаанд хэлсэн үгэндээ “Ханойн тунхаглалыг хэрэгжүүлэх ажлын хүрээнд залуучуудын хөдөлмөр эрхлэлт, тэдний хөдөлмөрийн зах зээл дэх оролцоог нэмэгдүүлэх, үйлдвэрлэлийн сайн харилцаагаар үр ашигтай нийгмийн зөвшилцлийг дэмжих, дэлхий дахинаа тулгамдсан насжилт, хөгжлийн бэрхшээлтэй иргэдийн асуудлыг шийдвэрлэх оновчтой арга зам, шаардлагатай хамтын ажиллагааны чиглэлийг тодорхойлох зорилгоор олон талт арга хэмжээг зохион байгуулсан нь тэдгээрийн гишүүн орнууд дахь хэрэгжилтийг эрчимжүүлэх, үр дүнг дээшлүүлэхэд ач холбогдолтой болсон гэж үзэж байна.

 

Энэхүү уулзалт болон түүний хүрээнд үргэлжлэн хэрэгжих цуврал арга хэмжээ нь дэлхий дахинаа эдийн засаг хүндэрч байгаа энэ үед улс орнууд өөрсдийн нөөц боломжийг зохистой ашиглаж эдийн засгийн өсөлтийн тэгш бус хуваарилалтаас үүдсэн ядуурлыг бууруулах, түүний дотор бага орлоготой ажиллагчдын орлого, нийгмийн баталгааг хангах, байгаль орчны доройтлыг багасгах зэрэг НҮБ-ын Ерөнхий Ассамблейн 70 дугаар чуулганаас баталсан 2030 он хүртэлх тогтвортой хөгжлийн эдийн засаг, нийгмийн зорилтуудыг Ази, Европын бүс нутгийн улс орнуудын хамтын ажиллагаа, зөвшилцөл, харилцан ойлголцлоор дамжуулан хэрэгжүүлэх эхлэл болох юм” хэмээгээд Монголын хөдөлмөрийн зах зээлийн онцлог болон, тулгамдаж буй асуудал, авч хэрэгжүүлж буй арга хэмжээнийхээ талаар дэлгэрэнгүй танилцуулжээ.

 

 

Гурван өдөр үргэлжилсэн бага хурлаас Ази, Европын орнуудын залуучуудын хөдөлмөр эрхлэлтийг нэмэгдүүлэхэд чиглэсэн үйл ажиллагааг зохион байгуулахыг уриалсан Софигийн тунхаглалыг төлөөлөгчид баталсан байна. АСЕМ-ын орнуудын Хөдөлмөрийн сайд нарын V бага хуралд Европын Холбоо, Ази-Европын сан, Олон улсын хөдөлмөрийн байгууллага болон хоёр тивийн 41 орноос 160 шахам төлөөлөгч оролцсон байна.

 

ЭХ СУРВАЛЖ: WWW.MASS.MN

 

 

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

tsetsen 2015-12-11 203.91.118.82

xudlmuriin said ajillaa xiij ee.uur yu xiilgex gsn xumuus be?salbariin tulgamdsan asuudliig zasgiin gazar dr ee yridag l daa.medexed iluudex

Зочин 2015-12-11 150.129.142.252

Хэзээ ч хорвоогийн жамыг ойлгож чадахгүй өрөвдөлтэй амьтадын нэг

Зочин 2015-12-11 202.9.41.5

Ene duff gar yu yariad baigaagii ni oilgoj l baidag baigaa kk

Жо 2015-12-11 150.129.141.173

Хэрээний дэгдээхэй шиг ийм сайдтай ч байх гэж тохирохгуй л байна даа

Пүрэвхүү 2015-12-11 103.26.194.104

..Готовын Бат-Оюун нэрээ сольсон жинхэнэ нэр нь Батцэрэн. "Сэрүүлэг" дээд сургуулийн хуурамч дипломтой. Гоомаралын ээжийн ах дүү. Гоомарал, Бат-Оюун, Нандинбилэг Завханд нэг ангид байсан. Гоомарал "Үсэглэлийн Баярын" өмнө сургуулиас гарсан. Нандинбилэг Гоомаралтай нэг ширээнд сууж байсан, 2-р ангид сургуулиас гарсан. Бат-Оюун 1-р ангид 2 хоног суугаад сургуулиас гарсан. Сургууль эрт ордог, оройн хоолны дараа сургууль ороосой гэнээ. TOEIC-ийн шалгалтын 22 оноотой. Бат-Оюун балаар юм бичихээр гар нь салагалаад бичиж чаддаггүй. Дээд тал нь 3 мөр юм бичсэн. "Бал гулгаад байна" гэнээ. 10 Жилд юугаар бичиж байсан гэсэн чинь "Би ер нь юм бичиж байгаагүй" гэнээ. Чернель-ээр, үзгээр бичдэг байсан гэдгийг мэдэхгүй. Энэ хүнийг цагдаад өгч хуурамч дипломыг хурааж авч устгаж, хуурамч доктор болж залилан хийж, ажилд орж явааг болиулж, хуурамч докторыг хурааж авч хүчингүй болгож өгнө үү. "Готовын Бат-Оюун нь Завханд 10 жилийн сургуулиас 1-р ангидаа гарсан" гэдэг бичиг авч ирүүлж. 8,10-ын гэрчилгээ байхгүй, улсын бүртгэлд Дипломны серийн дугаарыг тулгаж Готовын Бат-Оюуныг бичиг баримт хуурамчаар үйлдэн залилан хийн ажилд орж, цалин авч байсаныг шалгаж тогтоож хуулийн дагуу арга хэмжээ авч өгч туслана уу.