Автобус, суудлын машинтай мөргөлдсөн ноцтой осол гарчээ | News.MN

Автобус, суудлын машинтай мөргөлдсөн ноцтой осол гарчээ

Автобус, суудлын машинтай мөргөлдсөн ноцтой осол гарчээ

Архангай аймгийн Цэнхэр сумын Тамир багийн Цагаан хаалга гэдэг газар өчигдөр /2020.05.13/ зам тээврийн ноцтой осол гарчээ. Тодруулбал, дээрх ослын талаарх дуудлага т 15.45 цагт аймгийн Онцгой байдлын газарт ирсэн байна. Алба хаагчид 16.15 цагт очиход Архангай аймгийн Эрдэнэбулган сумаас Улаанбаатар хотын чиглэлд 45 зорчигчтой зорчиж явсан “Дэлгэр буян-Ар” ХХК-ийн Юниверс загварын хот хоорондын зорчигч тээврийн автобус, Улаанбаатар хотоос Архангай аймгийн Цэнхэр сумын Алтан-Овоо багийн “Халуун рашаан”-ы чиглэлд хоёр зорчигчтой зорчиж явсан Пит загварын суудлын автомашинтай мөргөлджээ.

Ослын улмаас нийслэлийн Хан-Уул дүүргийн иргэн 54 настай эмэгтэй О, 39 настай эмэгтэй О нар нас барсан тул цогцсыг гаргаж аймгийн Цагдаагийн газрын жижүүрийн бүрэлдэхүүнд шилжүүлэн өгсөн байна.

Мөн энэ өдөр дөрөвдүгээр сарын 27-ны өдөр Сэлэнгэ аймагт загасчилж яваад живсэн 56 настай эрэгтэйн цогцсыг  осолдсон газраас зүүн зүгт 4 км-ээс олж цагдаагийн байгууллагад шилжүүлэн өгчээ.

Э.БУРАМ

Энэ мэдээнд өгөх таны сэтгэгдэл?
8
ХарамсалтайХарамсалтай
2
ХөөрхөнХөөрхөн
1
ТэнэглэлТэнэглэл
1
БурууБуруу
0
ЗөвЗөв
0
ХахаХаха
0
ГайхмаарГайхмаар
Баярлалаа!

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж