Засгийн газрын хэрэг эрхлэх газрын дарга Л.Оюун-Эрдэнэ  сэтгүүлч Б.Ганчимэгтэй ярилцсан нь “Өдрийн сонин”-ы өнөөдрийн дугаарт хэвлэгдсэн. Тэгвэл энэхүү ярилцлагадаа БНХАУ-ын Шанхай хот дахь Монгол Улсын Ерөнхий консул Ё.Нямжавын талаар цухас дурджээ. Сайд Л.Оюун-Эрдэнэ “Сайхан хүүхэн хараад санаа алддаггүй эр хүн зөвхөн би энэ тэр гэж худлаа ярихгүй ээ. Гэхдээ юмыг бас жаахан наанатай цаанатай бодохгүй бол болохгүй л дээ. Манай муу Ё.Нямжавтай холбоод л бичих юм. Манай залуучуудын холбооны ёстой муухан эрээс илүү бүсгүй шүү. Надаар оролдож болно оо, гэхдээ зүгээр явж байгаа эмэгтэй хүнийг битгий оролд. Өөрийнхөөрөө л амьдралыг туулж яваа нэг хувь хүн. Ё.Нямжавыг мэддэгийн хувьд л хэлж байгаа юм. Мань хүн бол адаглаад зарим эрчүүд шиг хов зөөгөөд гүйхгүй. Яам дээр нь янз бүрийн зөрчил гарсан байх. Тэгээд л сөргөлдсөн тал нь Л.Оюун-Эрдэнэтэй холбоод гүтгэлэг тараачихвал дээр л гэж бодсон юм шиг байгаа юм. Монгол жижигхэн, эзэн нь тэгээд олдоод, баахан юм тайлбарлаад л… Тэр нь манай намын хүн байгаад л шал онигоотой. Ер нь улс төрд оролцдог бүсгүйчүүддээ хандаж хэлэхэд тар нар бүгдээрээ л нэг завин дээр байгаа улсууд шүү” гэжээ.

Л.ОЮУ