Испанийн хөлбөмбөгийн Ла лигийн Барселона багийн од тоглогч Лионель Месси өөрийн төрөлх Аргентин улсынхаа эмнэлэгт 500 мянган еврогийн мөнгөн тусламжийг цар тахалтай тэмцэхэд нь зориулан хандивлажээ. Тэрбээр өнгөрөгч гуравдугаар сард мөн нэг сая еврог улсдаа хандивласан юм.

Өдгөө 32 настай түүний нийт хөрөнгийн хэмжээ одоогийн байдлаар 400 сая ам.долларт хүрчээ.

Каса Гаррахан сангийн мэдэгдэж буйгаар энэхүү мөнгийг эмнэлгийн ажилчдын хамгаалалтын хувцас, хэрэгсэл авахад зориулах аж. Тус сангийн тэргүүн Силвиа Кассабын мэдэгдэлд “Бидэнд тусалж, Аргентин улсын олон нийтийн эрүүл мэндийн төлөө үргэлжлүүлэн санаа тавьж байгаад үнэхээр баяртай байна” хэмээжээ.

Одоогийн байдлаар Аргентин улсад шинэ коронавирусийн халдвар авсан хүний тоо 6,278-д хүрсэн байна. Лионель Мессид баярлаж талархсан эмнэлгийнхэн доорх бичлэгийг хийжээ.

Lionel Messi has made a €500k donation to help a hospital in Argentina get equipment and supplies to fight coronavirus. (This comes after he had made a €1 million donation to fight the virus already.)

The hospital made the following video to thank him

pic.twitter.com/6gX2HRMmk8

— Luis Mazariegos (@luism8989) May 11, 2020