"Ламхай нарыг Энэтхэгээс авчрах асуудлыг судалж байна" гэв | News.MN

"Ламхай нарыг Энэтхэгээс авчрах асуудлыг судалж байна" гэв

COVID-19

"Ламхай нарыг Энэтхэгээс авчрах асуудлыг судалж байна" гэв

"Ламхай нарыг Энэтхэгээс авчрах асуудлыг судалж байна" гэв

НЭМЭЛТ: 12.10 цаг

Улсын Онцгой комисс /УОК/-ын шуурхай штабаас мэдээлэл хийж байна. Гадаад харилцааны яамны Консулын газрын захирал Л.Мөнхтүшиг “УОК-оос өгсөн үүргийн дагуу гадаадаас иргэдээ үе шаттай авч байна. Өнөөдрийн байдлаар дэлхийн 46 улсаас 10836 иргэн эх орондоо ирэх хүсэлт гаргаад байна. Эдгээр иргэдийг бүсчлээд тоон мэдээлэл болон хүндэтгэх үзэх шалтгаанаар нь ангилсан. Ойрын хугацаанд Турк болон Энэтхэг улсаас иргэдээ татан авна. Тодруулбал, маргааш /2020.05.13/ МИАТ компани Туркийн Истанбул хотоос 170 орчим иргэнээ татан авахаар боллоо.Онгоц энэ сарын 14-нд буюу нөгөөдөр Улаанбаатарт газардана. Мөн ОХУ-аас нутаг буцах хүсэлтэй оюутнуудыг татан авна. Энэ сарын 14-ний өдөр Улаан-Үд орчмоос 202 иргэнийг татан авах бол тавдугаар сарын 15-нд Эрхүү орчмоос 200 орчим оюутан, иргэнийг татан авахаар шийдвэрлэсэн. Улаан-Үд, Эрхүүгийн Консулын газарт бүртгүүлсэн иргэд Алтанбулагийн боомтоор орж ирэх боломжтой. ОХУ-ын бусад бүс нутагт байгаа иргэдийг ойрын хугацаанд татан авна.

"Маргааш Истанбул руу нислэг үйлдэж, 170 иргэнээ авчирна" https://news.mn/r/2298992/

Posted by News.mn on Monday, May 11, 2020

ЛАМХАЙ НАРЫН ХУВЬД ДЕЛИ ХОТООС 2000 КМ-ИЙН ЗАЙТАЙ ГАЗАР  ШАВИЛАН СУУДАГ

Энэтхэг улс руу тавдугаар сарын 18-ны өдөр нислэг үйлдэнэ. Энэтхэг харьцангуй хол учраас тавдугаар сарын 19-нд ирнэ гэж төлөвлөж байна. Тус улс дахь Элчин сайдын яаман дээр иргэдийн нэрсийг баталгаажуулах ажил хийгдэж байна. Энэтхэг улсын хувьд халдварын тархалт газрын онцлогоосоо  шалтгаалан янз бүр байна. Тус улс нь тавдугаар сарын 17 хүртэл дотоодын муж хоорондын хөл хөдөлгөөнд хязгаарлалт тогтоосон. Тавдугаар сарын 18-нд нислэг хийх  өдрийг товлосон тус улсын дотоод  зохицуулалттай холбоотой. Энэтхэгийн Дели хот бол олон улсын нислэг тогтмол үйлддэг хот .Тэгэхээр эхний ээлжид нислэгийн зөвшөөрөл авах талаасаа илүү хялбар байсан учраас зөвшөөрөл нь ойрын хугацаанд гарна.
Харин ламхай нарын хувьд Дели хотоос 2000 км-ийн зайтай газар  шавилан суудаг. Эдгээр иргэдийг 2000 км газар өвчний тархалт өндөр бүс нутгуудаар дамжуулж  Дели хотод авчрах нь  өөрөө эрсдэлтэй байгаа юм.
Энэ бүх хүчин зүйлийг харгалзан үзээд шавилан суудаг газарт нь хамгийн ойр байрлах ямар хотуудад нислэг хийж болох вэ гэдгийг судалж байна. Учир нь  ойр байрлах хотууд нь олон улсын нислэг үйлдэгддэггүй учраас нислэгийн зөвшөөрөл авахад хүндхэн байна. Нислэгийн зөвшөөрөл гараагүй учраас хэзээ авах талаар баттай хариулт хэлж чадахгүй.
ОХУ-Д СУРАЛЦАЖ БАЙГАА МАНАЙ ОЮУТНУУД НУТАГ БУЦАХ ЗАЙЛШГҮЙ ШААРДЛАГАТАЙ ТУЛГАРЧ БАЙНА

Нэмж хэлэхэд ОХУ-д байгаа 1000 гаруй оюутныг шат дараатай авах асуудал яригдаж байна. Учир нь тавдугаар сарын 12-оос эхлэн ОХУ-ын Боловсролын яамны харьяа их дээд сургуулиуд хичээлээ цахим хувилбарт шилжүүлсэн. Үүнтэй холбоотойгоор ОХУ-д суралцаж байгаа манай оюутнууд нутаг буцах зайлшгүй шаардлагатай тулгарч байна. Эрүүл мэндийн яамнаас тавьж байгаа коронавирусийн халдварын шинжилгээ хийлгэх шаардлагыг тавьж байгаа боловч  тухайн улсын  нөхцөл байдлаас шалтгаалан зарим тохиолдолд шинжилгээ хийлгэх боломжгүй байдаг. Олон улсын эрүүл мэндийн  дүрмээр дэлхийн эрүүл мэндийн байгууллагын гишүүн орнуудад байгаа иргэнээс коронавирусийн халдвар илэрлээ гэхэд дотоод, гадаад иргэн байхаас үл хамааран үнэ төлбөргүй эмчилж оношилж эмчлэх ёстой. Монгол Улс ч энэ жишгээр гадаадын иргэнийг  үнэгүй эмчилж нутагт нь буцаасан.

Токио дахь Элчин сайдын яамнаас эх орондоо  ирэх хүсэлтэй иргэдийн мэдээллийг тухай  бүрт нь өгч байгаа. Эх орондоо ирэх хүсэлтэй хүний тоо 1000-д хүрээд байна. Токио руу  хоёр ч удаагийн тусгай нислэг үйлдсэн. Дэлхийн 46 улсаас 10836 иргэн байна. Энэ тоог гаргахдаа өмнөх эх орондоо ирсэн иргэдийн тоог хасаад  гаргасан дүн юм. Нэг хэсэг зөвхөн БНСУ-руу нисээд байна гэсэн шүүмжлэл иргэдийн зүгээс гарсан учраас Европ руу хүртэл нислэг үйлдсэн. Тиймээс Токио руу нислэг үйлдэх асуудлыг дараа дараагийн нислэг үйлдэх төлөвлөгөөнд багтаахын тулд  ажиллаж байна.

Казакстанд 1097 түр хугацаагаар оршин суудаг иргэд болон оюутнууд эх орондоо ирэх хүсэлт гаргасан.Эдгээр хүмүүсээ авахын тулд ОХУ-ын  нутаг дэвсгэрээр дамжаад Казакстаны Цагаан нуур боомтоор авах боломж байгаа эсэхийг судалж байна.

Коронавирусийн халдварын улмаас улс  орнууд хөл хорио тогтоосон хилийн хязгаарлалт хийсэн энэ цаг үед тусгай нилэг үйлдэх амаргүй байна. Аль ч улсад байгаа иргэдийг орхигдуулаагүй гэдгийг онцолж хэлмээр байна. Шуурхай штаб дээр дараа, дараагийн нислэг үйлдэх төлөвлөгөөг тусгаарлах байрны нөөцөөс шалтгаалан төлөвлөж байгаа. Тусгаарлах байрны хүрэлцээг нэмэхээр ажиллаж байгаа ч эрүүл ахуйн шаардлага хангасан байрны олдоц муу байна.

МАЛАЙЗ, СИНГАПУР, ТАЙЛАНД, ФИЛИППИНД БАЙГАА ИРГЭДЭЭ ШУУД НИСЛЭГ ҮҮ ТРАНЗИТ ТЭЭВРЭЭР АВАХ ЭСЭХ НЬ СУДЛАГДАЖ БАЙНА

Филиппинд байгаа монгол  иргэдийн асуудлыг Сингапур дахь элчин сайдын яам хариуцдаг. Тус яамнаас мэдээллийг авахад  манай  иргэдийн  50 хувь нь аялал жуулчлал болон  богино хугацааны сургалтад очсон хүмүүс бий. Зүүн өмнөд Азиас иргэдийн хэрхэн татаж авах судалгаа хийгдээд эхэлсэн. Учир нь  зарим улс орнууд агаарын хилээ хаасан учраас нэг газар монгол иргэдийг төвлөрүүлэх боломжгүй болоод байна. Тэгэхээр Малайз, Сингапур, Тайланд, Филиппинд байгаа иргэдээ шууд нислэг үү транзит тээврээр авах эсэх нь судлагдаж байна. БНСУ-т байгаа монголчууд суулт  зарласан тохиолдол гарсан. Иргэд аль болох тайван байх хэрэгтэй. Өлсгөлөн зарласнаар шууд нислэг үйлдээд иргэдийг татаж  авах боломжгүй. МИАТ компанийг үйлдэхдээ нэг талдаа хоосон зорчигчгүй явдаг. Агаарын тээвэр өртөг өндөртэй салбар гэдгийг хүн бүхэн мэднэ. Тэр утгаараа  ашиг олохоос илүүтэй нислэгийн зардлаа бүрэн нөхөх хэмжээний мөнгөөр тийзээ иргэдэд  зарж байгаа.  Хоёрдугаар сарын 1-нд БНХАУ-ын Ухань хот руу үйлдсэн нислэгээс хойш өнөөдрийг хүртэл хийгдсэн нислэгүүд иргэдийг эх орондоо авчрахад л чиглэж ирсэн” гэв.

МХЕГ: ОРЖ ГАРСАН  ГАЗРУУДАА ГҮЙЦЭД БӨГЛӨХ ХЭРЭГТЭЙ

Мэргэжлийн хяналтын Ерөнхий газрын /МХЕГ/  дэд дарга Г.Сугарбат  зорчигчдын мэдвэл зохих дараах зүйлсийн талаар анхаарууллаа. Тэрбээр "Нэгдүгээрт, Турк, Энэтхэгийн болон дараагийн нислэгээр эх орондоо ирэх иргэд эрүүл мэндийн үзлэгийн хуудсаа үнэн зөв бөглөхийг анхааралдаа аваарай. Уг мэдээлэлд үндэслэн Монголд ирээд тухайн хүнийг тусгаарлан ажиглах байрны алинд нь, хаана хуваарилахыг шийддэг. Мөн орж гарсан  газруудаа гүйцэд бөглөх хэрэгтэй.  Тусгай үүргийн онгоцонд МХЕГ-ын харьяа Хилийн хяналтын улсын хоёр байцаагч /эмч мэргэжилтэй/ иргэдэд тусламж үйлчилгээ үзүүлж ажиллана. Арав орчим цагийн нислэг тул хувь хүмүүс бэлтгэлээ сайтар хангахыг хүсэж байна. Тухайлбал,

  • Онгоцонд N95 маск зүүвэл халдвараас сэргийлэх магадлал өндөр
  • Суудлаа солихгүй, шилжилт хөдөлгөөн хийхгүй байх
  • Идэж, уух зүйлээ тохируулах
  • Эмчийн тавьсан шаардлагыг хангах
  • Бага насны хүүхэдтэй хүмүүс хүүхдийнхээ хоол ундны бэлтгэлийг хангах
  • Эрүүл мэндийн хуудсан дээр суудлынхаа дугаар, явсан орноо заавал бичих" гэв.

ШУУРХАЙ ШТАБ БНЭУ-ААС ИРГЭДЭЭ ТАТАХ АСУУДЛААР МЭДЭЭЛЭЛ ХИЙНЭ

Бүгд Найрамдах Энэтхэг улс /БНЭУ/ өнгөрсөн гуравдугаар сард коронавирусийн халдвараас сэргийлэн бүх олон улсын нислэгээ цуцалж, хөл хорио тогтоосон билээ. Тус улсаас эх орондоо ирэхээр Монгол Улсын 480 гаруй иргэн хүсэлтээ гаргасан байна. Эдгээр иргэдийн 21 нь эрүүл мэндийн шалтгаантай, 164 нь оюутан, 260 нь насанд хүрээгүй хүүхэд, 44 нь бусад шалтгаантай иргэд аж. Энэ долоо хоногт Энэтхэг улс руу захиалгат нислэг үйлдэхээр болсон талаар Улсын Онцгой комиссоос өнөөдөр /2020.05.12/ 12.00 цагт мэдээлэл хийхээр болжээ.  

Дашрамд дурдахад, дөрөвдүгээр сарын 30, тавдугаар сарын 1-нд БНСУ, тавдугаар сарын 3-нд Франкфуртын нислэгээр нийт 800 гаруй иргэн ирсэн билээ. Эдгээр иргэдээс 40 гаруй хүнийг сэжигтэй тохиолдол гэж үзээд тусгаарласнаас гурван хүнээс коронавирусийн халдвар илэрч, Монгол Улсад бүртгэгдсэн халдварын тоо 42-т хүрчээ. Эрүүл мэндийн яамны  мэдээллээр, өнгөрсөн хугацаанд нийт 14 хүн эдгэрч, ХӨСҮТ-ээс гарсан бол 28 хүн эмчлүүлж байгаа аж.

Э.БУРАМ

Энэ мэдээнд өгөх таны сэтгэгдэл?
6
ЗөвЗөв
1
ТэнэглэлТэнэглэл
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

16 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-05-12 172.58.139.84

Heden sar sudlah ve ajilaa hiij chadahgui bgaan bish uu?

Avatar

Жаргалтай жагар төвөд 2020-05-12 199.249.230.113

Жагар төвөдийн орон хүн угтаа жаргадаг гэж Монголчуудыг хуураад байсан хэрэг үү. Жаргалын газраас хүн зугатаадаг гэж үү. Тамын орон байж дээ тэгвэл. Жагарын орныг зориод зовох цагтаа муу Монголоосоо тусламж гуйгаад эцэстэн хэн туслаж байна даа жагарын орон уу хаха.

Avatar

Төлбөр төлбөр 2020-05-12 185.220.102.8

Бусад хувийн зардлаа даагаад байхад энэ ламхай гээд байгаа хүмүүсийн зардлыг хэн төлөх вэ? дур мэдэн явуулсан Гандан төлөх үү?

Avatar

Zocnin 2020-05-12 68.145.61.75

Ewii hoorhon lamhai nar ihewcnlen bolomjgui ailiin huuhduud bh shuu Yostoi ter handiviin mongoor l ascnrahaas oor arga bhgui Tedend 5 togtognii tsalin bh bish hoorhii

Avatar

Зочин 2020-05-12 172.58.140.228

Manai tsagaan nuuriin boomt kazahstaniih boltsiimuu?

Avatar

иргэн 2020-05-12 76.107.165.63

Казахстаны Цагааннуур гэж боомт байхгүй. Үгээ мэдэж мөөрөөрөөдэй.

Avatar

Зочин 2020-05-12 109.41.1.77

Huuhdiin erhiig zur hij bgaa hereg bishuu.etseg ehiin shaardlaga muruudliig guitseeh gj hari ulsad zovj bgaa huuhduudee avraachea muhar suseg teseg ehiin daramtaas

Avatar

zochin 2020-05-12 173.176.63.13

Hun chanar zulgaasan yum bailgui dee. Odoo l ovoo hunee avya gesen zutgel gargaj bna daaa. Haalga tag tugleed suuya l geed baisan daa sayahan…kkk

Avatar

Зочин 2020-05-12 64.119.17.63

Бодлогогуй улсын зовсон ард тумэн.

Avatar

shashin 2020-05-12 202.126.89.171

ene olon huuhdiig lam bolgoj yanaa, hun zalilj amidardag huvalz l bolno shd, haramsaltai.

Avatar

Зочин 2020-05-12 176.63.23.93

Өөрийгөө л хичээ. Өрөөлийн амьдралд чиний үг хамаагүй

Avatar

Зочин 2020-05-12 172.58.140.228

Anhnaasaa avsaar l bna

Avatar

Зочин 2020-05-12 121.168.50.25

Коряа айр Солонгосоос монголчуудыг аваад нисээд өгий буцахдаа ирэх хүмүүсийг нь аваад ирий гээд байгаашдээ зөвшөөрчээчдээ. энэд хүмүүс туйлдаж байна.

Avatar

Зочин 2020-05-12 109.41.1.161

Uldsen humuusiig n er n ya gej bgaa umbee, ta nar yamar ih erh medeltei um. Ingej uls tor hiij bgaa ta nartai ochij bgaad negiigee uzne dee muu nowshnuud. Negiigee uzej baij l salna.

Avatar

Irgen 2020-05-12 103.240.194.203

Enethegt mash ayultai nukhtsuld baina, hurdan avchraachee!!!!

NewsMN Гар утасны хувилбар Татах
NEWS.mn

Мэдээллийн эх сурвалж