Европын орнуудад коронавирусийн халдварын тохиолдол буурах хандлага ажиглагдаж эхлээд байгаа билээ. Иймд зарим улс орнууд хорио цээрийн дэглэмээ бага багаар сулруулж эхэлжээ.

Их Британийн Ерөнхий сайд Борис Жонсон  өчигдөр /2020.05.10/ хөл хориог сулруулах төлөвлөгөөгөө танилцуулсан байна. Ингээд тус улс өнөөдрөөс таван үе шаттайгаар, тодорхой нөхцөлтэйгөөр хөл хориог сулруулж байна.

Эхний ээлжинд гэрээс ажиллах боломжгүй хүмүүсийг ажилдаа явахыг зөвшөөрч байгаа ба ингэхдээ нийтийн тээврээр үйлчлүүлэхгүй байхыг зөвлөжээ. Харин дараагийн шатанд буюу зургадугаар сарын 1-нээс бага сургуулиуд болон дэлгүүрүүдийг нээхээр төлөвлөж байгаа аж.

Үүний дараа долдугаар сарын 1-нээс үйлчилгээний газрууд болон бусад олон нийтийн газруудыг нээж магадгүй гэнэ. Гэхдээ энэ бүх төлөвлөгөөг нөхцөл байдлыг сайтар ажиглаж байж эцэслэн шийдвэр гаргана гэж мэдэгджээ.

Эх сурвалж: BBC